BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

پاۆلودار وبلىسىندا 2 مىڭعا جۋىق پەداگوگ اتتەستاسيالىق تەست تاپسىردى

فوتو: автор

پاۆلودار baq.kz ٴتىلشىسى. دەمالىس كۇندەرى ەلىمىزدىڭ تۇكپىر-تۇكپىرىندە 50 مىڭنان استام ٴمۇعالىم اتتەستاسيالىق تەست تاپسىرىپ، بىلىكتىلىكتەرىن دالەلدەدى. سىناققا 2 مىڭعا جۋىق پەداگوگ قاتىستى.

بيىلعى بىلىكتىلىك ەمتيحاندارى ۇلتتىق ٴبىرىڭعاي تەستىلەۋ فورماتىندا ٴوتتى. مۇعالىمدەر سىناققا كىرمەس بۇرىن ٴجىتى تەكسەرىلدى، شارا بارىسىندا ۇيالى تەلەفوندار مەن وزگە ەلەكتروندى قۇرالدارعا تىيىم سالىنعان.

وبلىستىق ٴبىلىم بەرۋ باسقارماسى باسشىسىنىڭ ورىنباسارى جومارت قارامبايەۆتىڭ ايتۋىنشا، اتتەستاتتاۋدىڭ جاڭا فورماتى مۇعالىمدەردىڭ شەبەرلىگىن باعالاۋ قۇرالىنا اينالعان.

«پەداگوگ-شەبەر كاتەگورياسىن دالەلدەگەن ۇستازدار جالاقىلارىنا 50% ۇستەمە الادى. ال پەداگوگ-ساراپشى ساناتىن دالەلدەگەن مامانداردىڭ ايلىقتارىنا 20-30% ۇستەمە قوسىلادى. بازالىق پاندەرىن اعىلشىن تىلىندە جۇرگىزەتىن تاجىريبەلى پەداگوگتاردىڭ ەڭبەكاقىسى 200 مىڭ تەڭگەدەن اسادى»، - دەيدى جومارت قارامبايەۆ.

وبلىستىق ٴبىلىم بەرۋ باسقارماسى ٴباسپاسوز قىزمەتىنىڭ مالىمەتىنشە، اتتەستاسيا تاپسىرۋعا پاۆلودار وبلىسىندا 2154 پەداگوگ ٴوتىنىش بەرگەن.

«سونىڭ ىشىندە تەستىلەۋگە 1959 ٴمۇعالىم قاتىستى. ال 165 ٴمۇعالىم بەلگىلى سەبەپتەرگە بايلانىستى قاتىسقان جوق. تەستىلەۋدە 70%-عا جۋىق ۇستاز «جاقسى» دەگەن ناتيجە كورسەتتى. شەبەر-پەداگوگ اتانۋعا ٴۇمىت بىلدىرگەندەردىڭ 60% ٴوز بىلىكتىلىكتەرىن دالەلدەدى. زەرتتەۋشى-پەداگوگ مارتەبەسىنە ارنالعان سىناقتى 580 ٴمۇعالىم ۇزدىك تاپسىردى»، - دەيدى وبلىستىق ٴبىلىم بەرۋ باسقارماسى ٴباسپاسوز قىزمەتى.

تاپسىرا الماي قالعان ۇستازدار ۇستىمىزدەگى جىلدىڭ مامىر ايىندا اتتەستاسيانى قايتا تاپسىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي