BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

«نۇر-مۇباراك» ۋنيۆەرسيتەتىنىڭ اتاۋى وزگەردى

فوتو: ҚР ҚДМ

وقۋ ورنىنىڭ اتاۋى - «نۇر-مۇباراك» قازاقستان-مىسىر يسلام مادەنيەتى ۋنيۆەرسيتەتى بولىپ وزگەرتىلدى. مۇنداي شەشىم 2018 جىلعى 8 قىركۇيەكتە كاير قالاسىندا وتكەن نۇر-مۇباراك ۋنيۆەرسيتەتى قامقورشىلار كەڭەسىنىڭ ٴ7-شى وتىرىسىندا قابىلداندى، دەپ حابارلايدى baq.kz اقپارات اگەنتتىگى.

قر قوعامدىق دامۋ ٴمينيسترى دارحان كالەتايەۆ ەگيپەت اراب رەسپۋبليكاسىنا جۇمىس ساپارى بارىسىندا ەگيپەت يسلام مادەنيەتىنىڭ «نۇر-مۇباراك» ۋنيۆەرسيتەتىنىڭ قامقورشىلار كەڭەسىنىڭ وتىرىسىنا قاتىسىپ، سونداي-اق وسى ەلدىڭ مەملەكەتتىك ورگاندارىنىڭ جانە ٴدىن كوشباسشىلارى وكىلدەرىمەن ٴبىرقاتار ەكىجاقتى كەزدەسۋلەر وتكىزدى.

قازاقستاندىق دەلەگاسيا قۇرامىندا باس مۋفتي، قازاقستان مۇسىلماندارى ٴدىني باسقارماسىنىڭ ٴتوراعاسى سەرىكباي قاجى وراز، ٴدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ ديرەكتورى اينۇر ٴابدىراسىلقىزى بار.

قامقورشىلار كەڭەسىنىڭ وتىرىسىندا ٴسوز سويلەگەن دارحان كالەتايەۆ «نۇر-مۇباراك» ۋنيۆەرسيتەتىنىڭ ٴدىن سالاسىنداعى كادرلاردى دايىنداۋدا ماڭىزدى ٴرول اتقاراتىنىن اتاپ ٴوتتى. سونىمەن قاتار، ۋنيۆەرسيتەت قىزمەتىن جەتىلدىرۋ بويىنشا ودان ٴارى جاسالاتىن قادامدار ماڭىزدى بولىپ تابىلادى. ٴبىلىم ورداسىن ورتا ازيانىڭ ٴدىني ٴبىلىم بەرۋ مەكەمەلەرى اراسىندا جەتەكشى ورىنعا كوتەرۋ جانە بولاشاقتا تاياۋ شىعىستاعى الدىڭعى قاتارلى جانە بەدەلدى ٴدىني ۋنيۆەرسيتەتتەر دەڭگەيىنە دەيىن جەتكىزۋ جوسپارلارىنىپ وتىر.

كەڭەس بارىسىندا قامقورشىلار كەڭەسىنىڭ شەشىمىمەن ۋنيۆەرسيتەتتىڭ جاڭا رەكتورى قىزمەتىنە مىسىرلىق دوكتور، پروفەسسور مۇحاممەد شاححات ال-گيندي تاعايىندالدى. ۋنيۆەرسيتەت پرورەكتورى رەتىندە قازاقستان تاراپىنان قايرات قۇرمانبايدىڭ كانديداتۋراسى ۇسىنىلىپ، قولداۋ تاپتى.

كەلىسسوزدەر اياسىندا «نۇر-مۇباراك» ۋنيۆەرسيتەتىنىڭ وقۋ عيماراتىن قازاقستان رەسپۋبليكاسىنا بەرۋ ماسەلەسى قارالدى. وسىعان بايلانىستى قازاقستان رەسپۋبليكاسى مەن ەگيپەت اراب رەسپۋبليكاسىنىڭ ۇكىمەتى اراسىندا 2001 جىلى جاسالعان «نۇر-مۇباراك» ۋنيۆەرسيتەتى تۋرالى كەلىسىمنىڭ ەرەجەلەرىنە وزگەرتۋلەر مەن تولىقتىرۋلار ەنگىزۋ جونىندە ۇسىنىس جاسالدى.

ۋنيۆەرسيتەتتىڭ قازىرگى اتاۋىن «قازاق-مىسىر يسلام مادەنيەتىنىڭ «نۇر-مۇباراك» ۋنيۆەرسيتەتىنە اۋىستىرۋ تۋرالى كەلىسىمگە قول جەتكىزىلدى. ۋنيۆەرسيتەت رەكتورلارىن قازاقستان مەن ەگيپەتتىڭ وكىلدەرىنەن كەزەككە سايكەس اۋىستىرۋ قاراستىرىلعان. اتالعان وزگەرتۋلەر مەن تولىقتىرۋلار ۋنيۆەرسيتەت جارعىسىنا ەنگىزىلدى. ٴتيىستى حاتتاماعا قازاقستان رەسپۋبليكاسىنىڭ قوعامدىق دامۋ ٴمينيسترى دارحان كالەتايەۆ پەن ەگيپەت اراب رەسپۋبليكاسىنىڭ ۆاكۋفتار ٴمينيسترى مۇحاممەد مۇحتار جۇما قول قويدى.

«نۇر-مۇباراك» ۋنيۆەرسيتەتىنىڭ قامقورشىلار كەڭەسىنىڭ كەلەسى وتىرىسىن 2020 جىلدىڭ تامىزىندا قازاقستاندا وتكىزۋ جوسپارلانىپ وتىر.

دارحان كالەتايەۆ جۇمىس ساپارى اياسىندا ەگيپەتتىڭ سىرتقى ىستەر ٴمينيسترى سامي شۋكريمەن، ەگيپەتتىڭ كونە ەسكەرتكىشتەر جونىندەگى ٴمينيسترى حالەد ال-انانيمەن، باس يمام، شەيح ٴال-ازحار احماد ات-تايەبپەن، الەكساندريا پاتريارحى تاۆادروس ii-مەن، جاستار جانە سپورت ٴمينيسترى اشراف سوبحيمەن ەكىجاقتى كەزدەسۋلەر وتكىزىپ، اعىمداعى جىلدىڭ ٴ10-11-شى قازانىندا استانا قالاسىندا وتەتىن الەمدىك جانە ٴداستۇرلى دىندەر ليدەرلەرى سەزىنە ەگيپەت وكىلدەرىنىڭ قاتىسۋىن جانە ىنتىماقتاستىقتى كەڭەيتۋ پەرسپەكتيۆالارىن تالقىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي