BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

مۇگەدەك بالالاردىڭ ساپالى ٴبىلىم الۋى ٴۇشىن نورماتيۆتىك-قۇقىقتىق اكتىگە وزگەرىستەر ەنگىزىلدى – ەرلان ساعاديەۆ

مۇگەدەك بالالاردىڭ ساپالى ٴبىلىم الۋ قۇقىعىن ىسكە اسىرۋ ٴۇشىن تەك وسى جىلى مينيسترلىك 10-نان استام نورماتيۆتىك-قۇقىقتىق اكتىگە وزگەرىستەر ەنگىزدى. بۇل تۋرالى قر ٴبىلىم جانە عىلىم ٴمينيسترى ەرلان ساعاديەۆ قر ۇكىمەتىنىڭ وتىرىسىندا ايتتى، دەپ حابارلايدى baq.kz اقپارات اگەنتتىگىنىڭ ٴتىلشىسى.

ونىڭ ايتۋىنشا، مەكتەپتەر مەن كوللەدجدەردە جان باسىنا قارجىلاندىرۋ مەتوديكاسىنا، ەرەكشە ٴبىلىم بەرۋگە قاجەتتىلىگى بار بالالارعا جوعارى ەكى ەسە تولەنەتىن كوەففيسەنت قاراستىرىلعان.

«بيىل ەلىمىزدىڭ 17 جوعارى وقۋ ورنىندا فيزيولوگيا ماماندىعى بويىنشا باكالاۆرياتقا 250-دەن 400 دەيىن گرانت بولىنگەن. العاش رەت ماگيستراتۋراعا 110، دوكتارانتۋراعا 30 ورىن بەرىپ وتىرمىز. كادرلاردى دايىنداۋ شەڭبەرىندە بارلىق پەداگوگيكالىق ماماندىقتار بويىنشا ينكليۋزيۆتىك ٴبىلىم بەرۋ ٴپانى بارلىعىنا وقىتىلادى. ٴبىرىنشى رەت پەداگوگيكالىق كوللەدجدەردە كوررەكسيالىق دەنە شىنىقتىرۋ مۇعالىمدەرى جانە مەكتەپكە دەيىنگى لوگوپەدپەن جاڭا كۆاليفيكاسيا ەنگىزىلىپ، وسى جىلى وقىتۋ باستالدى»، - دەدى ول.

مينيستر جيىن بارىسىندا بۇعان دەيىن مۇنداي ماماندار بولماعانىن جانە 3 جىل ىشىندە ينكيۋزيۆتىك ٴبىلىم بەرۋ بويىنشا بىلىكتىلىگىن ارتتىرۋ كۋرستارىنان ٴۇش مىڭنان اسا ٴمۇعالىم ٴوتىپ، ٴقازىر جۇمىس ىستەپ جاتقاندىعىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي