BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

مەملەكەتتىك حاتشى: قازاقستان - «بولاشاق» سەكىلدى باعدارلاما قابىلداعان الەمدەگى ساۋساقپەن سانارلىق ەلدەردىڭ ٴبىرى

استانا، baq.kz. «بولاشاق» ستيپەندياسى تاعايىندالعانىنا شيرەك عاسىر تولعان مەرەيتويلىق فورۋمدا قر مەملەكەتتىك حاتشى گۇلشارا ٴابدىقالىقوۆا قازاقستان «بولاشاق» سەكىلدى جاستارعا اسا پايدالى باعدارلامانى قابىلداعان الەمدەگى ساۋساقپەن سانارلىق ەلدەردىڭ ٴبىرى ەكەنىن ايتتى.

«25 جىل بۇرىن مەملەكەت باسشىسى «بولاشاق» باعدارلاماسىن بەكىتۋ تۋرالى شەشىم قابىلداعان بولاتىن. ودان بەرى ستيپەنديانىڭ كوپتەگەن تۇلەگى ەكونوميكامىزعا ايتۋلى ۇلەس قوسىپ كەلەدى. ولاردىڭ اراسىندا وسى زالدا وتىرعان اكىمدەر مەن مينيسترلەر، كومپانيالاردىڭ وكىلدەرى مەن قارجىگەرلەر وتىر. مۇنداي باعدارلاما مالايزيادا، اقش-تا جانە ازيانىڭ كەيبىر ەلدەرىندە عانا بار. ٴبىز ٴدال وسىنداي باعدارلامانى قابىلداعان از ەلدەردىڭ ٴبىرىمىز»، - دەدى گۇلشارا ٴابدىقالىقوۆا.

سونىمەن قاتار، مەملەكەتتىك حاتشى «بولاشاق» تۇلەكتەرىن بۇگىنگى اتالىپ ٴوتىپ جاتقان مەرەيتويلارىمەن قۇتتىقتادى.

«ومىرلىك تاجىريبە جيناقتاپ جاتقان جاستارعا بيىك بەلەستەردى باعىندىرۋىن تىلەيمىن. جاۋاپتى لاۋازىمدى قىزمەت اتقارىپ جۇرگەندەر ٴوز ەلىنىڭ دامۋىنا ارى قاراي ۇلەس قوسا بەرسىن دەگەن تىلەك بىلدىرگىم كەلەدى»، - دەدى ول.

ەستەرىڭىزگە سالا كەتەيىك، بۇعان دەيىن استانادا ٴوتىپ جاتقان «ادامي كاپيتال - جاڭعىرۋ نەگىزى» اتتى حالىقارالىق فورۋم بارىسىندا قر پرەزيدەنتى نۇرسۇلتان نازاربايەۆتىڭ ستيپەنديانتتارعا جولداعان قۇتتىقتاۋ حاتىن گۇلشارا ٴابدىحالىقوۆا وقىپ بەرگەن بولاتىن. پرەزيدەنت ٴوز قۇتتىقتاۋىندا ٴبىلىمدى يمپورتتاۋدىڭ تيىمدىلىگىن ۋاقىتتىڭ ٴوزى دالەلدەگەنىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي