BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

مەملەكەتتىك گرانت سانى بويىنشا قازۇۋ ٴبىرىنشى ورىندا

بيىل ٴال-فارابي اتىنداعى قازاق ۇلتتىق ۋنيۆەرسيتەتى مەملەكەتتىك ٴبىلىم الۋعا بولىنگەن جالپى گرانت سانىنىڭ 6604-نە يەلەنىپ، ەلىمىزدەگى جوو اراسىندا ٴبىرىنشى ورىنعا شىقتى. بۇل جايىندا قازۇۋ قابىلداۋ كوميسسياسىنىڭ جاۋاپتى حاتشىسى جارىلقاسىن جاپپاسوۆ ٴمالىم ەتتى، دەپ حابارلايدى baq.kz اقپارات اگەنتتىگى.

ونىڭ ايتۋىنشا، بيىل مەملەكەتتەن بولىنگەن گرانت سانى جىلداعىدان كوپ، سوندىقتان وقۋعا تاپسىرۋشىلار سانى دا جوعارى بولعان.

«اسىرەسە تەحنيكالىق ماماندىقتارعا گرانت كوپ ٴبولىندى، ونىڭ ىشىندە it سالاسىنا بيىل تاپسىرۋشىلار كوپ. ودان كەيىن زاڭ، قارجى ماماندىقتارىن تاڭداعاندار جىلداعىداي جوعارى بولىپ تۇر. شىعىستانۋ فاكۋلتەتىنە تاپسىرۋشىلار دا كوپ بولدى. ماسەلەن، قىتاي تىلىنە بيىل 100 ورىن بولىنگەن. سونداي-اق، شەتەلدەن كەلگەن قازاق دياسپورالارىنا بۇرىن 2 پايىزدىق كۆوتا بولىنسە، بيىل 4 پايىزعا كوتەرىلدى»، - دەيدى ول.

سونىمەن قاتار ول، فاكۋلتەتتەر تۇرعىسىندا ٴبىلىم الۋعا بولىنگەن گرانتتار كورسەتكىشى دە وزگەشە ەكەندىگىن ايتىپ ٴوتتى.

«بىلتىرعى جىلمەن سالىستىرعاندا بيىل فيزيكا-تەحنيكالىق ماماندىقتارىنا 989 ورىن، گەوگرافيا جانە تابيعاتتى پايدالانۋ فاكۋلتەتىنە 803، بيولوگيا جانە بيوتەحنولوگيا فاكۋلتەتىنە 670، مەحانيكا-ماتەماتيكا سالاسىنا 552 گرانت بولىنگەن. سونىڭ ىشىندە راديوتەحنيكا، ەلەكترونيكا جانە تەلەكوممۋنيكاسيا ماماندىعى ەڭ كوپ 276 گرانتتى يەلەنىپ وتىر. بۇدان جاراتىلىستانۋ عىلىمدارى مەن تەحنيكالىق باعىتتارعا، ەڭبەك نارىعىندا اسا قاجەتتىلىك تۋىنداعان باسقا دا ماماندىقتاردى دايارلاۋعا باسىمدىق بەرىلگەنىن بايقايمىز»، - دەدى جاۋاپتى حاتشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي