BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

مەكتەپتەردە جاڭا كۋرس ەنگىزىلەدى

استانا، baq.kz ٴتىلشىسى. قر پارلامەنتى سەناتىنداعى ۇكىمەت ساعاتىندا ٴبىلىم جانە عىلىم ٴمينيسترىنىڭ ورىنباسارى ەلميرا سۋحانبەرديەۆا بيىل «رۋحاني جاڭعىرۋ» باعدارلاماسى اياسىندا 5 جانە 7 سىنىپتارعا «ولكەتانۋ» كۋرسى ەنگىزىلەتىنىن مالىمدەدى.

«رۋحاني جاڭعىرۋ» باعدارالماسى اياسىندا بيىلعى وقۋ جىلىنىنىڭ ەكىنشى جارتىجىلدىعىنان باستاپ، العاش رەت 5 جانە 7 سىنىپتارعا «ولكەتانۋ» كۋرسى ەنگىزىلەدى. وقۋلىعى دايىن. جەرگىلىكتى اتقارۋشى ورگاندار ساتىپ الۋ جۇمىسىن جۇرگىزۋدە»، - دەدى ول.

سونىمەن قاتار ۆيسە-مينيستر بيىل 1-11 سىنىپتارعا ارنالعان جاڭا تيپتىك وقۋ جوسپارى بەكىتىلگەنىن ايتتى.

«ەندى ٴبىر عانا تيپتىك وقۋ جوسپارى بولمايدى. بىرنەشە تيپتىك وقۋ باعدارلاماسىن دايىنداپ بەكىتىتىك. مەكتەپتەر وزدەرىنە جارامدى باعدارلاما بويىنشا جۇمىس جاساۋىنا مۇمكىندىك بەردىك. بارلىق مەكتەپتەردە وسى تيپتىك وقۋ باعدارلاماسىن ارقىلى اكادەميالىق دەربەس دەپ ەسەپتەيمىز»، - دەدى ەلميرا سۋحانبەرديەۆا.

ايتا كەتەيىك، وسىعان دەيىن قر ٴبىلىم جانە عىلىم مينيسترلىگى ٴمۇعالىم مارتەبەسى تۋرالى زاڭدى دايىنداۋعا كىرىسكەنىن، بيىل قانشا ۇستازدىڭ جالاقىسى وسكەنىن جانە 5 مىڭعا جۋىق ۇستازدىڭ ٴتورت ٴپاندى اعىلشىن تىلىندە وقىتىپ جۇرگەنىن جازعانبىز. سونداي-اق 2019 جىلدان باستاپ ينفورماتيكا ٴپانى 1-سىنىپتان وقىتىلاتىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي