BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

ليتۆا قازاقستاندىق ستۋدەنتتەر ٴۇشىن 200-دەن استام گرانت بولۋگە دايىن

قر ٴبىلىم جانە عىلىم مينيسترلىگىنىڭ «حالىقارالىق باعدارلامالار ورتالىعى» اق-نىڭ پرەزيدەنتى ج. ج. مەلدەشوۆ باستاعان دەلەگاسيا ليتۆانىڭ ۇزدىك ۋنيۆەرسيتەتتەرىمەن ەكىجاقتى ىنتىماقتاستىق ورناتۋ ماقساتىندا ۆيلنيۋس جانە كاۋناس قالالارىندا بولدى، دەپ حابارلايدى baq.kz اقپارات اگەنتتىگى.

ساپار بارىسىندا ليتۆانىڭ vilnius gediminas technical university، vilnius university، vitautas magnus university، kaunas university of technology قاتارلى مەملەكەتتىك ۇزدىك ٴتورت ۋنيۆەرسيتەتىنىڭ وكىلدەرىمەن كەزدەسۋ بولدى.

كەلىسسوزدەر بارىسىندا ليتۆالىق ٴبىلىم بەرۋ جۇيەسى، ستۋدەنتتىك موبيلدىلىك، قوس ديپلومدى الۋ باعدارلامالارى جانە قازاقستانداعى ليتۆا ۋنيۆەرسيتەتتەرىنىڭ وكىلدىكتەرىنىڭ اشىلۋى تۋرالى پىكىر الماستى.

كەزدەسۋ قورىتىندىسى بويىنشا، كەلىسسوزدەر جۇرگىزىلگەن ليتۆا ۋنيۆەرسيتەتتەرى قازاقستان ازاماتتارى ٴۇشىن 200-دەن استام گرانت ۇسىناتىندىعىن جانە بيىلعى جىلدىڭ ماۋسىم ايىنىڭ باسىندا قازاقستان قالالارىنا كەلىپ، تالاپكەرلەرگە ليتۆا ۋنيۆەرسيتەتتەرىنە تاپسىرۋدى جەرگىلىكتى دەڭگەيدە ۇيىمداستىرۋعا دايىن ەكەندىكتەرىن ٴبىلدىردى.

قازىرگى تاڭدا ورتالىقتا اتالعان ۋنيۆەرسيتەتتەردىڭ وكىلدەرىمەن بىرلەسە وتىرىپ، وسى شارالاردى ۇيىمداستىرۋ جۇمىستارى جۇرگىزىلىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي