BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

لاتىن ٴالىپبيى: استانالىق مۇعالىمدەر ۇلتتىق كوميسسياعا ٴوز ۇسىنىستارىن جولدايدى

ەلوردالىق مۇعالىمدەر لاتىن ٴالىپبيىنىڭ سوڭعى نۇسقاسىنداعى كەيبىر ارىپتەرگە قاتىستى ٴوز ۇسىنىستارىن ۇلتتىق كوميسسياعا جولداماق، دەپ حابارلايدى baq.kz ٴتىلشىسى.

«رۋحاني جاڭعىرۋ» باعدارلاماسى اياسىندا استانا قالاسىنىڭ تىلدەردى دامىتۋ جانە ارحيۆ ٴىسى باسقارماسى «قازاق ٴالىپبيىن لاتىن گرافيكاسىنا كوشىرۋ بويىنشا بىلىكتىلىگىن ارتتىرۋ كۋرسىن» وتكىزۋدە. وعان شاھارداعى جوعارى جانە ورتا ارناۋلى وقۋ ورىندارىندا، مەكتەپتەردە قازاق ٴتىلى مەن ادەبيەتى پانىنەن ساباق بەرەتىن 80-نەن استام ٴمۇعالىم قاتىسىپ جاتىر.

سەميناردا ٴدارىستى سۇلەيمەن دەميرەل اتىنداعى ۋنيۆەرسيتەتتىڭ پروفەسسورى، دوسەنت قۇرالاي كۇدەرينوۆا، احمەت بايتۇرسىنوۆ اتىنداعى ٴتىل ٴبىلىمى ينستيتۋتىنىڭ پروفەسسورى ٴالىمحان جۇنىسبەكوۆ وقىدى.

قۇرالاي كۇدەرينوۆا اتالعان سەميناردىڭ قانداي ماقساتتا ۇيىمداستىرىلعانىن ٴتۇسىندىرىپ بەردى.

«سەمينارعا 80-نەن استام ۇستاز قاتىسىپ جاتىر. شارانى وتكىزۋدەگى نەگىزگى ماقساتىمىز – قازاق ٴالىپبيىن لاتىنعا كوشىرۋدەگى نەگىزگى ماقساتتى ٴتۇسىندىرۋ. سەبەبى، مۇعالىمدەر مەكتەپ وقۋشىلارىن جانە جالپاق جۇرتشىلىقتى لاتىن الىپبيىمەن جازۋدى ۇيرەتەدى عوي»، - دەدى عالىم.

سونداي-اق پروفەسسور سەمينار بارىسىندا ۇستازدار لاتىن قارپىمەن جازۋدى ۇيرەنىپ جاتقانىن ايتا كەلە، الداعى ۋاقىتتا شەشۋدى تالاپ ەتەتىن ماسەلە بار ەكەنىن اتاپ ٴوتتى.

«سەميناردا مۇعالىمدەرگە تاپسىرمالار بەرىلدى. ولار كيريلليسا تاڭباسىمەن بەرىلگەن ماتىندەردى لاتىن قارپىمەن جازدى. ٴبىراق ۇستازدار لاتىن الىپبيىندەگى «ۋ» (ý) جانە «ى» (ۋ) ٴبىر تاڭبامەن بەرىلۋى قيىندىق تۋدىراتىنىن ايتادى. ويتكەنى، سوڭعى نۇسقاداعى «ۋ» ٴارپى اككۋت تاڭباسىمەن «ý» بەرىلگەن. ال «ى» ارپىندە «ۋ» اكۋت تاڭباسى جوق. بىرەۋى قىساڭ داۋىستى دىبىستى بەرسە، ەكىنشىسى داۋىسسىز دابىستى بەرەدى. بۇل ەرتەڭ وقۋشىلاردى وقىتقاندا قيىندىق تۋدىرادى. وسى ماسەلەگە قاتىستى ۇستازدار ٴوز ۇسىنىستارىن ايتىپ جاتىر. سونىڭ نەگىزىندە ٴبىز ادىستەمەلىك توپ مۇشەلەرىمەن بىرگە ساراپتاما جاساپ، ۇسىنىستاردى ۇلتتىق كوميسسياعا جىبەرەمىز»، - دەدى قۇرالاي كۇدەرينوۆا.

ونىڭ ايتۋىنشا، اتالعان قيىندىقتارعا قاراماستان ۇستازدار قازاق ٴالىپبيىن لاتىن الىپبيىنە كوشىرۋ باستاماسىنا قولداۋ ٴبىلدىرىپ وتىر.

«بۇگىنگى سەمينارعا ورتا جاستاعى مۇعالىمدەر قاتىسىپ جاتىر. ولار قازاق ٴالىپبيىن لاتىنعا كوشىرۋگە قارسى ەمەس. ولار وزگەرىستى وڭ قابىلداۋدا»، - دەيدى عالىم.

ٴسوز سوڭىندا قۇرالاي كۇدەرينوۆا لاتىن ٴالىپبيىنىڭ ەملە ەرەجەسى دايىن بولعان ۋاقىتتا مۇعالىمدەرگە ارنالعان تاعى ٴبىر سەمينار ۇيىمداستىرىلاتىنىن اتاپ ٴوتتى.

«ٴبىز ورفوگرافيالىق ەرەجەلەردى دايىنداپ جاتىرمىز. ونى تۇسىندىرەتىن كەلەسى سەمينار كۇزدە ۇيىمداستىرىلادى. وسى مۇعالىمدەردى كۇزدە قايتادان جينايمىز. ولارعا ورفوگرافيالىق ەرەجەلەردى تۇسىندىرەمىز»، - دەپ تۇيىندەدى ٴسوزىن پروفەسسور.

ايتا كەتەيىك، اتالعان سەمينار 18 ساۋىردە اياقتالادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي