BAQ.kz - Қазақстан жаңалықтары USD 326.52 BAQ.kz - Қазақстан жаңалықтары EUR 399.33 BAQ.kz - Қазақстан жаңалықтары RUB 5.26
استانا:

كازگيۋۋ الەمنىڭ ەڭ ۇزدىك 50 ۋنيۆەرسيتەتىنىڭ قاتارىنا ەندى

2018 جىلعى 31 ناۋرىز بەن 7 ٴساۋىر ارالىعىندا كازگيۋۋ ۋنيۆەرسيتەتىنىڭ كومانداسى philip c. jessup international law moot court competition اتتى حالىقارالىق قۇقىق سالاسىنداعى فيليپپ دجەسسوپ اتىنداعى حالىراقالىق سوت پروسەستەرىنىڭ قازاقستاندىق ۇلتتىق جانە حالىقارالىق راۋندتارىنا قاتىستى، دەپ حابارلايدى baq.kz اقپارات اگەنتتىگى.

ف. دجەسسوپ اتىنداعى حالىقارالىق سوت پروسەستەرى اقش-تىڭ ۆاشينگتون قالاسىندا white & case حالىقارالىق زاڭ فيرماسىنىڭ قولداۋىمەن international law student association - ilsa اعىلشىن تىلىندە وتكىزەتىن حالىقارالىق قۇقىق سالاسىنداعى ەڭ بەدەلدى جانە تانىمال جارىس بولىپ تابىلادى. بيىل جارىس الەمنىڭ توقسان بەس ەلىنىڭ نامىسىن قورعاۋعا كەلگەن 645 ۋنيۆەرسيتەت كومانداسىنىڭ قاتىسۋىمەن ەلۋ توعىزىنشى رەت وتكەن.

كازگيۋۋ ۋنيۆەرسيتەتىنىڭ كومانداسى كيمەپ ۋنيۆەرسيتەتىنە قارسى ەكى راۋند قورىتىندىسى بويىنشا ۇلتتىق كەزەڭنىڭ جەڭىمپازى اتانىپ قازاقستاننىڭ اتىنان شىعاتىن بولدى. حالىقارالىق راۋندتاردا كازگيۋۋ ۋنيۆەرسيتەتىنىڭ كومانداسى university of toronto (كانادا)، case western reserve university (اقش)، brac university (بانگلادەش) جانە hena e plote (beder) university (البانيا) سەكىلدى بەدەلدى وقۋ مەكەمەلەرىنىڭ كوماندالارىمەن باسەكەلەستىككە ٴتۇستى.

ناتيجەسىندە كازگيۋۋ ۋنيۆەرسيتەتىنىڭ كومانداسى جالپى 3050 ۇپاي جيناپ، 49-ورىنعا يە بولدى. بايقاۋ رەيتينگىندە كازگيۋۋ ۋنيۆەرسيتەتىنىڭ كومانداسى university of california - berkeley (اقش، 60-ورىن)، universität wien (اۋستريا، 53-ورىن)، university of ottawa faculty of law - common law section (كانادا، 57-ورىن)، fordham university (اقش، 62-ورىن)، case western reserve university (اقش، 64-ورىن) جانە كوپتەگەن باسقا دا تانىمال جوعارى وقۋ ورىندارىنان وزىپ شىقتى.

وعان قوسا، كوماندامىزدىڭ مەموراندۋمدارى 26-ورىندى يەلەنىپ، الەمنىڭ ەڭ ۇزدىك مەموراندۋمدارىنىڭ ەلۋلىگىنە كىردى، ال سپيكەرلەرىمىز زارينا تەمىربولاتوۆا مەن مادينا ارتۋروۆا بايقاۋدىڭ ەڭ ۇزدىك ٴجۇز سپيكەرلەرىنىڭ قاتارىنا ەندى.

كوماندانىڭ جەڭىسكە جەتۋىنە ٴوز ۇلەسىن ايىم سابىروۆا، الەكساندرا پلاتوشينا جانە اديل وسيپوۆ سەكىلدى كازگيۋۋ ۋنيۆەرسيتەتىنىڭ ستۋدەنتتەرى مەن ماگيسترانتتارى قوستى. بۇل جارىسقا كوماندا كازگيۋۋ ۋنيۆەرسيتەتىنىڭ باسقارما ٴتوراعاسىنىڭ ورىنباسارى جانە حالىقارالىق قۇقىق كافەدراسىنىڭ دوسەنتى ميراس داۋلەنوۆتىڭ، سونداي-اق ٴدال سول كافەدرانىڭ اعا وقىتۋشىلارى ايمان سماگۋلوۆا مەن البەرتو پەكورارونىڭ باسشىلىعىمەن دايىندالدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي