BAQ.kz - Қазақстан жаңалықтары USD 359.76 BAQ.kz - Қазақстан жаңалықтары EUR 423.26 BAQ.kz - Қазақстан жаңалықтары RUB 5.47
استانا:

قازاقستاندىق ۋنيۆەرسيتەتتەر شەتەل ستۋدەنتتەرىن تارتۋدى ۇيرەنەدى

استانادا ورتاازيالىق ٴبىلىم حابىن قۇرۋ اياسىندا قازاقستاننىڭ جوعارعى ٴبىلىم سالاسىن ينتەرناسيونالداۋ ماسەلەلەرى جانە شەت ەلدىك ستۋدەنتتەردى تارتۋ بويىنشا حالىقارالىق سەمينار وتەدى، دەپ حابارلايدى baq.kz اقپارات اگەنتتىگى.

«بۇل سەمينار قازاقستاندا العاش رەت وتكىزىلىپ وتىر جانە ەلىمىزدەگى ٴبىلىم ٴتۋريزمىنىڭ دامۋىنا، قازاقستاننىڭ ورتالىق ازياداعى ماڭىزدى ٴبىلىم ەكسپورتتاۋشىعا اينالۋىنا باعىتتالعان. سەمينار حالىقارالىق ٴبىلىم ينستيتۋتى جانە امەريكالىق كەڭەس پەن فۋلبرايت باعدارلاماسىنىڭ مامان-لەكتورلارىنىڭ قاتىسۋىمەن وتەدى» - دەيدى ۇيىمداستىرۋشىلار.

سەميناردىڭ باستى ماقساتى – قازاقستان مەن اقش جوعارى وقۋ ورىندارى اراسىندا بايلانىس ورناتۋ، سونىمەن قاتار ەكى ەلدىڭ ٴبىلىم سالاسىنداعى ىنتىماقتاستىعىن ارتتىرۋ.

«ەكى كۇن ىشىندە سەمينار قاتىسۋشىلارى ٴوز جوعارى وقۋ ورىندارىنىڭ ماركەتينگتىك-ستراتەگيالىق جوسپارلاۋىن دامىتۋ بويىنشا تاجىريبەلىك كەيستەرمەن تانىسۋعا مۇمكىندىكتەرى بار. سەميناردىڭ ەرەكشەلىگى – بارلىق تاجىريبەلىك ساباقتار مەن ۇسىنىستار قازاقستاندىق ٴبىلىم نارقىنا بەيىمدەلە قۇراستىرىلعان جانە ٴىس جۇزىندە قولدانۋعا ىڭعايلى» - دەيدى ماماندار.

ٴىس-شاراعا قر ٴبىلىم جانە عىلىم ٴمينيسترى، جوعارى وقۋ ورىندارى مەن اقش-تىڭ قازاقستان رەسپۋبليكاسىنداعى ەلشىلىك وكىلدەرى قاتىسادى.

ۋاقىتى: ساعات 12.00، 15 مامىر 2018 جىل

وتەتىن ورنى: «التىن وردا» بو، ماڭگىلىك ەل، 8، 1 قابات، كونفەرەنس-زال

اككرەديتاسيا: pressbolashak@gmail.com


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي