BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

قازاقستاندىق ستۋدەنتتەر ٴىت سالاسى بويىنشا حالىقارالىق سايىستا جەڭىمپاز اتاندى

استانا، baq.kz. ەل تاريحىندا العاش رەت حالىقارالىق اقپاراتتىق تەحنولوگيالار ۋنيۆەرسيتەتىنىڭ (مۋيت) ستۋدەنتتىك it كومانداسى جەتى دۇركىن الەم چەمپيونى سانكت-پەتەربۋرگ قالاسىنداعى ۇلتتىق زەرتتەۋ اقپاراتتىق تەحنولوگيالار، مەحانيكا جانە وپتيكا ۋنيۆەرسيتەتىنەن (يتمو) وزىپ، حالىقارالىق دارەجەدە ۇزدىكتەر قاتارىنان كورىندى.

ۇستىمىزدەگى جىلعى 2 جەلتوقساندا سانكت-پەتەربۋرگ، بارناۋل، الماتى، تبيليسي قالالارىندا ٴبىر ۋاقىتتا northern eurasia (سولتۇستىك ەۆرازيا) وڭىرىندەگى ستۋدەنتتىك كوماندالار اراسىندا باعدارلامالاۋ بويىنشا حالىقارالىق وليمپيادانىڭ قورىتىندى كەزەڭى ٴوتتى. فينالعا تمد ەلدەرىنىڭ 318 كومانداسى قاتىستى. قۇرامىنا تەمىرلان ساتىلحانوۆ، اباي بايمۇقانوۆا، ايبار كۋانىشباي كىرگەن حالىقارالىق اقپاراتتىق تەحنولوگيالار ۋنيۆەرسيتەتىنىڭ (مۋيت) كومانداسى 13 ەسەپتىڭ ٴ8-ىن شىعارىپ، تمد ەلدەرى اراسىندا جۇلدەلى 4 ورىندى، قازاقستان بويىنشا 1 ورىندى يەلەنىپ، التىن مەدالعا قول جەتكىزدى. ەندىگى كەزەكتە قازاقستاندىق كوماندا 2019 جىلعى ٴساۋىر ايىندا وتەتىن الەمدىك فينالعا جولداما الدى.

«بۇل ۋنيۆەرسيتەتىمىزدىڭ 2018 جىلعى ەڭ ۇلكەن جەڭىسى. ٴبىز مۇنداي كورسەتكىشكە 6 جىل كولەمىندە قول جەتكىزە الماپ ەدىك. ەندىگى كەزەكتە ەل تاريحىندا العاش رەت الەمدىك چەمپيوناتتا ۇزدىكتەر قاتارىنان كورىنەمىز دەگەن ٴۇمىت بار بىزدە. بۇل جولى حالىقارالىق اقپاراتتىق تەحنولوگيالار ۋنيۆەرسيتەتىنىڭ (مۋيت) ستۋدەنتتىك it كومانداسى جەتى دۇركىن الەم چەمپيونى سانكت-پەتەربۋرگ قالاسىنداعى ۇلتتىق زەرتتەۋ اقپاراتتىق تەحنولوگيالار، مەحانيكا جانە وپتيكا ۋنيۆەرسيتەتىنەن (يتمو) وزىپ، حالىقارالىق دارەجەدە ۇزدىكتەر قاتارىنان كورىندى. بۇل وتە جاقسى كورسەتكىش» - دەيدى حالىقارالىق اقپاراتتىق تەحنولوگيالار ۋنيۆەرسيتەتىنىڭ رەكتورى دامير شىنىبەكوۆ.

قورىتىندى جەكپە جەكتە 7 ەسەپتى شىعارعان قبتۋ كومانداسى دا جاقسى ونەر كورسەتىپ، تمد ەلدەرى بويىنشا 14 ورىندى يەلەنىپ، قازاقستان بويىنشا 2 ورىندا تۇراقتادى. ال، 4 ەسەپتى شەشكەن نازاربايەۆ ۋنيۆەرسيتەتىنىڭ كومانداسى تمد ەلدەرى بويىنشا 81 ورىندى، قازاقستان بويىنشا 3 ورىندى يەلەندى.

ەندىگى كەزەكتە مۋيت كومانداسىنىڭ كورسەتكىشتەرى تمد وڭىرىندە سوڭعى 5 جىلداعى ەڭ ۇزدىك دەپ تانىلىپ وتىر. جوو جەڭىسى – قازاقستان ٴۇشىن ۇلكەن جەتىستىك، ويتكەنى ەل تاريحىندا بىردە ٴبىر كوماندا سولتۇستىك ەۋرازيا وڭىرىندە مۇنداي كورسەتكىشكە قول جەتكىزبەگەن بولاتىن.

ۋنيۆەرسيتەت رەكتورىنىڭ پايمداۋىنشا، «وليمپيادالىق قوزعالىس – دارىندى جاستار ٴۇشىن باعدارلامالاۋ بويىنشا وتە ماڭىزدى باعىت. وليپيادا الەمنىڭ ۇزدىك كومپانيالارىنا جۇمىسقا تۇرۋ بارىسىندا ستۋدەنتتەر ٴۇشىن تاپتىرماس مۇمكىندىك. olympic training center تۇەكتەرى مەن acm icpc قاتىسۋشىلارى بۇگىنگى تاڭدا google، facebook، booking كومپانيالارىندا جۇمىس ىستەيدى».


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي