BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاقستاندا العاشقى قوڭىراۋ قاشان سوعىلاتىنى بەلگىلى بولدى

قازاقستاندا 2018-2019 وقۋ جىلى سەنبى كۇنى 1 قىركۇيەكتە باستالادى. بۇل تۋرالى استانا قالالىق ٴبىلىم باسقارماسى مالىمدەدى، دەپ حابارلايدى baq.kz ٴتىلشىسى.

اتالعان مەكەمەنىڭ مالىمەتىنشە، قازاقستان رەسپۋبليكاسى ٴبىلىم جانە عىلىم ٴمينيسترىنىڭ بۇيرىعى بويىنشا بيىلعى وقۋ جىلى باستالاتىن كۇن باسقا كۇنگە اۋىستىرىلمايدى.

ٴنولىنشى جانە مەكتەپالدى سىنىپتارىندا وقۋ جىلىنىڭ ۇزاقتىعى – 32 اپتا، ال ٴبىرىنشى سىنىپتارعا – 33 اپتا. ەكىنشى سىنىپتان 11-سىنىپقا (ون ەكىنشى) دەيىن ٴبىلىم الاتىن وقۋشىلار 2018-2019 وقۋ جىلىندا 34 اپتا وقيتىن بولادى.

بيىل بالالارعا بەرىلەتىن دەمالىستار كۇزدە 7 كۇنگە (2018 جىلدىڭ 29 قازانىنان 4 قاراشاسىنا دەيىن)، قىستا 10 كۇنگە (2018 جىلدىڭ 31 جەلتوقسانىنان 2019 جىلدىڭ 9 قاڭتارىنا دەيىن)، كوكتەمدە 13 كۇنگە (2019 جىلدىڭ 21 ناۋرىزىنان 2 ساۋىرىنە دەيىن) سوزىلادى.

مەكتەپالدى جانە ٴبىرىنشى سىنىپ وقۋشىلارى قوسىمشا 2019 جىلدىڭ 4-10 اقپانى ارالىعىندا دەمالاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي