BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاقستان مەن موڭعوليا عىلىمي زەرتتەۋ سالاسىندا بىرلەسىپ جۇمىس ىستەمەك

فوتو: Түркі академиясы

ۇلانباتىر قالاسىندا حالىقارالىق تۇركى اكادەمياسى مەن موڭعوليا ۇلتتىق عىلىم اكادەمياسى، ٴتىل جانە ادەبيەت ينستيتۋتى اراسىندا ٴوزارا بىرلەسىپ جۇمىس جاساۋ تۋرالى مەموراندۋم جاسالدى، دەپ حابارلايدى baq.kz اقپارات اگەنتتىگى.

عىلىمي ۇيىمداردىڭ اتىنان بىرلەسكەن مەموراندۋمعا twesco باسشىسى دارحان ٴقىدىرالى مەن موڭعوليا ۇلتتىق عىلىم اكادەمياسى، ٴتىل جانە ادەبيەت ينستيتۋتىنىڭ ديرەكتورى گاادمابا بيلگۇۇدەي قول قويدى.

«مەموراندۋمدا عىلىمي زەرتتەۋ سالاسىنداعى ەل ارالىق ىنتىماقتاستىقتى نىعايتۋ، زەرتتەۋلەردىڭ حالىقارالىق مارتەبەسىن ارتتىرۋ مەن جەتىلدىرۋگە سەنىم ارتىلاتىنى كورسەتىلگەن. ٴارى ٴبىرقاتار باعىتتار بويىنشا بىرلەسە جۇمىس ىستەۋ تۋراسىندا دا ايتىلعان. اتاپ ايتقاندا قۇجاتتا اكادەميا جانىنان «موڭعولتانۋ فيليالىن» قۇرۋ، التايتانۋ مەن موڭعولتانۋعا بايلانىستى عىلىمي باسىلىمدار شىعارۋ تۋراسىندا ۇسىنىستار بار. مەموراندۋمعا سايكەس شىعىستانۋ، التايتانۋ، تۇركولوگيا، موڭعولتانۋ سالالارىندا ٴوزارا ىنتىماقتاستىقتى ارتتىرۋ كوزدەلگەن»، - دەلىنگەن تۇركى اكادەمياسىنىڭ حابارلاماسىندا.

سونىمەن قاتار، تاراپتار عىلىمي زەرتتەۋ جۇمىستارىنا جاس عالىمداردى تارتۋ ماسەلەسىن دە قاراستىرعان. بىرلەسكەن سيمپوزيۋمدار، كونفەرەنسيالار مەن جۇمىس توپتارىن ۇيىمداستىرۋ دا نازاردا ۇستالىپ وتىر. سونداي-اق، استانا مەن ۇلانباتىر قالالارىندا ٴتۇرلى كەزدەسۋلەر وتكىزۋ دە كوزدەلىپتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي