BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

حالىقارالىق زەرتتەۋلەر قازاقستان مەكتەپتەرىندەگى ٴبىلىم بەرۋ ساپاسىن باعالايدى

حالىقارالىق زەرتتەۋلەردىڭ نەگىزگى ماقساتى – ٴبىلىم بەرۋ سالاسىنداعى سەبەپ-سالدارلىق بايلانىستار تۋرالى اقپارات الۋ. بۇل اقپارات، ٴوز كەزەگىندە، ٴبىلىم بەرۋ سالاسىن جەتىلدىرۋ ٴۇشىن پايدالى بولماق، دەپ حابارلايدى baq.kz اقپارات اگەنتتىگى.

سونداي حالىقارالىق زەرتتەۋلەردىڭ ٴبىرى – icils (international computer and information literacy study). بۇل مەكتەپ وقۋشىلارى اراسىنداعى it ٴبىلىمنىڭ قالىپتاسۋ دەڭگەيىن انىقتايتىن الەمدەگى العاشقى زەرتتەۋ. زەرتتەۋدىڭ ماقساتى – اقپارات تولقىنى سالتانات قۇرعان زاماندا وقۋشىلاردىڭ وقۋعا، جۇمىسقا جانە ومىرگە دايىندىقتارىن باعالاۋ; 8 سىنىپ وقۋشىلارىنىڭ كومپيۋتەرلىك جانە اقپاراتتىق ساۋاتتىلىقتارىن انىقتاۋ; وسى سالاداعى وقۋدى دامىتۋعا ۇلتتىق جانە حالىقارالىق دەڭگەيدە ىقپال ەتۋ. اعىمداعى جىلعى ٴساۋىر-مامىر ايلارىندا قازاقستاندىق 2 مىڭعا جۋىق ٴمۇعالىم جانە 4 مىڭعا جۋىق 8 سىنىپ وقۋشىلارى الەمنىڭ 12 ەلىمەن قاتار icils-2018 حالىقارالىق زەرتتەۋىنە العاش رەت قاتىستى.

زەرتتەۋ جۇمىستارى كورسەتكەندەي، جەلىدە كوپ وتىرۋ مەن بالالار اراسىنداعى جالعىزدىق، دەپرەسسيا سەزىمدەرى اراسىندا وتە تىعىز بايلانىس دالەلدەنگەن. وسى ورايدا قوعام «قازاقستاندىق مەكتەپتەر زاماناۋي تالاپتارعا قالاي جاۋاپ بەرۋى كەرەك؟»، «كومپيۋتەرلىك جانە اقپاراتتىق ساۋاتتىلىققا قانداي فاكتورلار اسەر ەتەدى؟» سىندى سۇراقتارعا جاۋاپ ىزدەي باستايدى. اتالمىش وزەكتى سۇراقتارعا جاۋاپ ىزدەۋ ماقساتىندا وقۋ جەتىستىكتەرىن باعالاۋ بويىنشا iea حالىقارالىق اسسوسياسياسىمەن 2013 جىلدان باستاپ ٴاربىر بەس جىل سايىن icils زەرتتەۋ جۇمىستارى جۇرگىزىلىپ تۇرادى.

ماسەلەن، 2013 جىلى جۇرگىزىلگەن icils زەرتتەۋلەرى ٴبىلىم بەرۋ سالاسىنداعى اقپاراتتىق-كوممۋنيكاسيالىق تەحنولوگيالارداعى كەمشىن تۇستاردى انىقتاۋعا مۇمكىندىك بەرىپ، انىقتالعان كەمشىلىكتەردى تۇزەتۋگە قاجەت نۇسقاۋلىقتاردى جاساپ شىعارۋعا جاردەمدەسكەن. قازاقستاندا بيىل جۇرگىزىلگەن icils زەرتتەۋ جۇمىستارى قازاقستاندىق وقۋشىلاردىڭ سيفرلىق ساۋاتتىلىعىنىڭ قالىپتاسۋ دەڭگەيى تۋرالى ماڭىزدى اقپارات بەرىپ، ٴبىلىم بەرۋ سالاسىنداعى اقپاراتتىق-كوممۋنيكاسيالىق تەحنولوگيالارداعى كەمشىن تۇستاردى انىقتاۋعا مۇمكىندىك بەرەدى جانە ٴبىلىم بەرۋ سالاسىن جاقسارتۋ بويىنشا ماڭىزدى شەشىمدەر قابىلداۋعا نەگىز بولادى دەپ كۇتىلۋدە.

ەكىنشى ماڭىزدى حالىقارالىق زەرتتەۋ - talis (teaching and learning international survey). قازاقستان بيىل الەمنىڭ 46 ەلىمەن قاتار العاش رەت وقىتۋ مەن ٴبىلىم بەرۋدى زەرتتەۋمەن اينالىساتىن حالىقارالىق talis‑2018 زەرتتەۋ جۇمىستارىنا قاتىستى. زەرتتەۋدىڭ كوزدەگەن نەگىزگى ماقساتى – مۇعالىمدەردىڭ كاسىبي دەڭگەيىن، مەكتەپتەگى جالپى جاعداي مەن كوشباسشىلىق دەڭگەيىن باعالاۋ. زەرتتەۋ جۇمىستارىنىڭ ناتيجەلەرى مەكتەپ مۇعالىمدەرى مەن ديرەكتورلارىنا ۇلتتىق دەڭگەيدە دە، حالىقارالىق دەڭگەيدە دە بەلگىلى ٴبىر كورسەتكىشتەرگە قول جەتكىزۋىنە مۇمكىندىك بەرەدى.

كەزدەيسوق ىرىكتەمە ٴادىسى ارقىلى ەلىمىزدىڭ 16 وڭىرىنەن تاڭدالعان ورتا مەكتەپ مۇعالىمەرى مەن ديرەكتورلارى (5-9 سىنىپتار) talis-2018 ساۋالناما سۇراقتارىنا جاۋاپ بەردى. ساۋالناما ناتيجەسىندە الىنعان قورىتىندىلار شەتەلدىك ارىپتەستەرىمەن سالىستىرا كەلگەندە قازاقستاندىق مەكتەپ مۇعالىمدەرى مەن ديرەكتورلارىنىڭ ٴالسىز تۇستارىن انىقتاۋعا، ورتا ٴبىلىم بەرۋ ۇيىمدارىنداعى وقىتۋ مەن ٴبىلىم بەرۋ ساپاسىن ارتتىرۋعا باعىتتالعان ساياساتتى جەتىلدىرۋگە مۇمكىندىك بەرەدى. زەرتتەۋ قورىتىندىلارى ەلىمىزدەگى پەداگوگيكالىق كورپۋستى جاقسارتۋ بويىنشا نۇسقاۋلىقتاردى جاساپ شىعارۋعا مۇمكىندىك بەرەدى.

اتالمىش حالىقارالىق زەرتتەۋ جۇمىستارى بويىنشا جاسالعان قورىتىندى 2019 جىلعى ماۋسىمدا جاريالاناتىن بولادى.

icils-2018 جانە talis-2018 بويىنشا تولىعىراق اقپاراتتى قر بعم «اقپاراتتىق-ساراپتامالىق ورتالىعى» اق سايتىنان الۋعا بولادى http://iac.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي