BAQ.kz - Қазақстан жаңалықтары USD 325.79 BAQ.kz - Қазақстан жаңалықтары EUR 402.94 BAQ.kz - Қазақстан жаңалықтары RUB 5.33
استانا:

عىلىمي زەرتتەۋلەردى گرانتتىق قارجىلاندىرۋ اياسىندا مىڭنان استام جوبا ماقۇلداندى — قر بعم

بۇگىن قر ۇكىمەتىندە وتكەن ٴباسپاسوز كونفەرەنسياسىندا قر بعم عىلىم كوميتەتىنىڭ عىلىمي جوبالار مەن باعدارلامالارعا مەملەكەتتىك مونيتورينگ جۇرگىزۋ باسقارماسىنىڭ باسشىسى راۋشان مۇقىشەۆا عىلىمي زەرتتەۋلەرگە مەملەكەتتىك قولداۋ كورسەتۋ شارالارى تۋرالى ايتىپ بەردى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

ٴبىلىم جانە عىلىم مينيسترلىگى 2018–2020 جىلدارعا ارنالعان گرانتتىق باعدارلامالار مەن عىلىمي زەرتتەۋلەردى ماقساتتى قارجىلاندىرۋ كونكۋرستارىن جاريالادى.

«ۇلتتىق عىلىمي كەڭەستەر گرانتتىق قارجىلاندىرۋ بويىنشا ٴۇشجىلدىق كەزەڭگە جالپى سوماسى 28،6 ملرد تەڭگەگە 1096 جوبانى ماقۇلدادى. جىل سايىن — 9،5 ملرد تەڭگە. الداعى ٴۇش جىلعا عىلىمي زەرتتەۋلەردى ماقساتتى قارجىلاندىرۋعا 27،7 ملرد تەڭگە ٴبولىندى»، — دەدى قر بعم وكىلى.

راۋشان مۇقىشەۆانىڭ ايتۋىنشا، جالپى عىلىمدى دامىتۋدىڭ جەتى باسىمدىعى بار. ماسەلەن، «تابيعي رەسۋرستاردى، ونىڭ ىشىندە سۋدى ٴتيىمدى دامىتۋ. گەولوگيا جانە ٴقاۋىپسىز ونىمدەر مەن قۇرىلىمدار بويىنشا جاڭا ماتەريالداردى قايتا وڭدەۋ» باعىتى بويىنشا 302 جوبا، «ەنەرگەتيكا، ماشينا جاساۋ» باعىتىندا — 84، «اقپاراتتىق–تەلەكوممۋنيكاسيالىق، عارىشتىق تەحنولوگيالار، جاراتىلىستانۋ عىلىمدارى سالاسىنداعى زەرتتەۋلەر» — 170 جوبا، «ٴومىر جانە دەنساۋلىق عىلىمى» باعىتىندا — 5 جوبا، «اوك تۇراقتى دامىتۋ» — 78 جوبا، «ۇلتتىق قاۋىپسىزدىك جانە قورعانىس» باعىتى بويىنشا — 25 جوبا ماقۇلداندى.

«ماڭگىلىك ەل» عىلىمي نەگىزدەرى» (ٴححى عاسىر ٴبىلىمى، گۋمانيتارلىق عىلىمدارداعى ىرگەلى جانە قولدانبالى زەرتتەۋلەر) باسىمدىقتى باعىتى بويىنشا 232 جوبا ماقۇلداندى، سونىڭ ىشىندە qazaqgeography جوباسى — «قازاقستاننىڭ ساكرالدى گەوگرافياسىنىڭ ينۆەستيسيالىق الەۋەتى. عارىشتىق مونيتورينگ. رەسپۋبليكانىڭ ەلەكتروندى اتلاسىن قۇرۋدىڭ ات-تەحنولوگيالارى جانە تاريحي-مادەني تالداۋى». ورىنداۋشى — «نازاربايەۆ ۋنيۆەرسيتەتى».

«ٴبىز بۇنى قولدايمىز. سەبەبى «qazaqgeography» قب "رۋحاني جاڭعىرۋ" باعدارلاماسىن ىسكە اسىرۋعا اتسالىسۋدا جانە قوعامدىق باعدارلامالاردى جۇزەگە اسىرۋعا باسقا قوعامداردى شاقىرۋ ارقىلى وزگەلەرگە ۇلگى بولارلىقتاي ۇيىم»، — دەدى راۋشان مۇقىشەۆا

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي