BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

عالىمدار: سۇيىكتىسىن جوعالتقان ەرلى-زايىپتىلاردىڭ ٴولۋ ٴقاۋپى 41% جوعارى

عالىمدار ەرلى-زايىپتىلاردىڭ بىرەۋىنىڭ ٴولىمى ەكىنشىسىن جۇرەك-قان تامىرلارى اۋرۋلارىنا شالدىقتىراتىنىن انىقتادى. مامانداردىڭ بۇل تۇجىرىمداماسى كوپتەگەن ٴقاۋىپتى اۋرۋلاردىڭ الدىن الۋعا كومەكتەسەدى، دەپ حابارلايدى baq.kz اقپارات اگەنتتىگى.

سۇيىكتىسىنىڭ ٴولىمى كەز كەلگەن ادام ٴۇشىن اۋىر تيەتىنى جاڭالىق ەمەس. الايدا وسى كۇنگە دەيىن عىلىم مۇنىڭ قالاي جۇزەگە اساتىنىنا قاتىستى اقپارات بەرمەگەن-دى. جۋىردا عالىمدار وتباسىلىق قيىندىقتاردىڭ جۇرەك-قان تامىر جۇيەسىنە كەرى اسەرىن قالاي تيگىزەتىنىن انىقتادى.

جوعارىدا اتالعان اۋرۋ ٴتۇرى الەم بويىنشا كوپتەگەن ٴولىمنىڭ سەبەپشىسى ەكەنى بەلگىلى. جۇرەك اۋرۋلارى توبىندا ەڭ ٴقاۋىپتىسى – يشەميالىق (قاننىڭ ٴبىر جەردە ازايۋى) ٴتۇرى. دالىرەك ايتساق، ميوكارد جۇمىسىنىڭ بۇزىلۋى.

عالىمدار 51-80 جاس ارالىعىنداعى 65 ادامنىڭ كورسەتكىشىن زەرتتەدى. ەكسپەريمەنتتىڭ 32 قاتىسۋشىسى جەسىر بولعان. ال قالعان 35 قاتىسۋشىنى عالىمدار سالىستىرمالى زەرتتەۋ جۇرگىزۋ ٴۇشىن عانا العان. ماماندار زەرتتەۋ جۇمىسىن جۇرگىزۋ بارىسىندا سالماق، جاس جانە دەنساۋلىق جاعدايىن ەسكەرگەن.

جەسىر ادامداردىڭ جۇرەك سوعىسى قالعان توپ مۇشەلەرىنە قاراعاندا 47% تومەن. زەرتتەۋ جۇمىسى، سونداي-اق، جەسىر ادامداردىڭ قان قۇرامىندا tnf-الفا سيتوكينىنىڭ 7%، ال 6 (il-6) ينتەرلەيكينىنىڭ 5% كوپ ەكەنى انىقتادى. سونداي-اق، جەسىر ادامداردا كۇيزەلىسكە شالدىعۋ ٴقاۋپى 20% جوعارى ەكەنى بەلگىلى بولدى.

tnf-الفا جاسۋشالاردى ولتىرەدى. ال 6 ينتەرلەيكينى تەرى كۇيىپ، جاراقات العاندا شەشۋشى ٴرول اتقارىپ، ىسىندىرەدى. سونداي-اق، ونىڭ قان قۇرامىندا كوپ بولۋى اعزاعا اۋتويممۋندىق رەاكسيا بەرگىزەدى.

جالپى عالىمدار قوساعىن جوعالتقان ەرلى-زايىپتىلاردىڭ العاشقى التى اي ىشىندە ٴولىپ كەتۋ ٴقاۋپى 41% جوعارى ەكەنىن انىقتادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي