BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

عالىمدار: 2017 جىل – تاريحتاعى ەڭ جىلى كەزەڭنىڭ ٴبىرى

كليمات تۋرالى باياندامادا 2017 جىل تاريحتاعى ەڭ جىلى ٴۇشىنشى رەكوردتى ۋاقىت بولعانى ايتىلعان، دەپ حابارلايدى baq.kz اقپارات اگەنتتىگى cnn باسىلىمىنا سىلتەمە جاساپ.

بىلتىرعى جىل جەر شارىنداعى ەڭ جىلى ۋاقىتتىڭ ٴبىرى رەتىندە تىركەلدى. ناقتىراق ايتار بولساق، تىنىق مۇحيتىن جىلىتاتىن ەل-نينو اتتى كليماتتىق قۇبىلىس بىلتىر وتە از مولشەردە بايقالدى. بۇل تۋرالى 500-دەن استام كليموتولوگ عالىمدار مەن امەريكالىق مەتەوروليا قاۋىمداستىعى، سونىمەن قاتار تەڭىز مەن اتموسفەرا باسقارماسى دايىنداعان باياندامادا ايتىلعان.

كليماتتىڭ وزگەرۋى 2017 جىلى اۋا تەمپەراتۋراسىنىڭ ارتۋىنا اكەلدى. ونىڭ ىشىندە پلانەتامىزدىڭ كوپ جەرىندە جوعارى تەمپەراتۋرا بايقالىپ، تەڭىز مۇزى ەرىپ، تەڭىز دەڭگەيى ارتتى. سونىمەن قاتار بىلتىر مۇزدىقتار كولەمىنىڭ ازايۋ كورسەتكىشى دە جوعارى بولدى.

تەڭىز مەن اتموسفەرا باسقارماسى ماماندارىنىڭ حابارلاۋىنشا، بىلتىر 2016 جانە 2015 جىلدان كەيىنگى تاريحتاعى ەڭ جىلى ٴۇشىنشى جىل بولدى. ونىڭ ىشىندە يسپانيا، بولگاريا، مەكسيكا، ارگەنتينا سەكىلدى مەملەكەتتەردە جىل سايىنعى رەكوردتى تەمپەراتۋرانىڭ ٴوسىمى بايقالدى. مىسالى، ارگەنتيناداعى پۋەرتو-مادريندە اۋا تەمپەراتۋراسى 43،4 ° c بولدى. بۇل اتالعان مەملەكەتتىڭ وڭتۇستىگىندە بۇگىنگى كۇنگە دەيىن تىركەلگەن ەڭ جوعارى تەمپەراتۋرا بولىپ وتىر. ال پاكىستاندا اۋا تەمپەراتۋراسى 53،5c-قا جەتىپ، رەكوردتى مەجەنى كورسەتتى.

سونىمەن قاتار، عالىمداردىڭ ايتۋىنشا، پلانەتانى جىلىتىپ تۇرعان كومىر قىشقىل گازىنىڭ كولەمى دە بىلتىرعى جىلى 2016 جىلمەن سالىستىرعاندا ارتقان. ايتا كەتۋ كەرەك، 1960 جىلدان باستاپ co2 كولەمى ٴتورت ەسە ارتىپ وتىر.

باياندامادا 2017 جىلى الەمنىڭ كوپ جەرىندە جىلى اۋا رايى بولعانى ايتىلعان. ال بىلتىرعى جىلدىڭ مامىر ايىندا اركتيكاداعى مۇزدىڭ دەڭگەيى 37 جىلدىق سپۋتنيكتىك جازباداعى ماكسيمۋم دەڭگەيدەن تومەندەدى. عالىمداردىڭ ايتۋىنشا، اركتيكادا بىلتىر بولعان جىلۋ سوڭعى 2 مىڭ جىلدا بولماعان. ٴتىپتى، اركتيكانىڭ كەيبىر وڭىرلەرىندە اۋا تەمپەراتۋراسى ٴوز دەڭگەيىنەن 3 نەمەسە 4 سەلسيي گرادۋسقا جوعارى بولعان.

اۋا تەمپەراتۋراسىنىڭ ارتىپ، كۇننىڭ جىلىنۋى ادامنىڭ اسەرىنسىز دە جۇزەگە اسىرىلا الاتىن پروسەسس بولعانىمەن، عالىمداردىڭ ايتۋىنشا، جەر شارىنداعى بۇگىنگى تاڭداعى كليماتتىڭ كوپتەگەن وزگەرىستەرى ادام قىزمەتىنەن پايدا بولىپ جاتقان پارنيك گازداردىڭ اسەرىنەن بولىپ وتىر.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي