BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

عالىمدار ۇلۋ جادىنداعى اقپاراتتى ەكىنشى جاندىككە كوشىردى

عالىمداردىڭ ايتۋىنشا، ادام مەن ۇلۋدىڭ ۇقساستىقتارى كوپ. اسىرەسە، مي قۇرىلىسىنا كەلگەندە. جۋىردا ماماندار جاڭا زەرتتەۋ جۇمىسىن جۇرگىزىپ، ناتيجەسىندە ۇلۋ جادىنداعى اقپاراتتاردى ەكىنشىسىنە كوشىردى. زەرتتەۋ ناتيجەسى eneuro جۋرنالىندا جاريالاندى، دەپ حابارلايدى baq.kz اقپارات اگەنتتىگى.

تەڭىز ۇلۋلارىنىڭ ميىندا بارلىعى 20 مىڭ نەيرون بار، ال ادامداردا 100 ملرد. عالىمدار بۇل تىرشىلىك يەلەرىن ۇزاق ۋاقىت بويى زەرتتەي كەلە ونىڭ قورشاعان ورتاعا بەيىمدەلۋىنە قاتىستى كوپتەگەن تىڭ اقپارات الدى. تەڭىز جاندىكتەرى سۇتقورەكتىلەر سەكىلدى تىرشىلىك ەتەدى. ولاردا ٴتىرى قالۋ پروسەستەرى وڭاي وتەدى. دالىرەك ايتساق، تەڭىز ۇلۋلارىنىڭ جۇيكەلەرى ادامداردىكىندەي تولقىندار تاراتادى.

لوس-انجەلەستەگى كاليفورنيا ۋنيۆەرسيتەتىنىڭ زەرتتەۋشىلەرى شوك تۋرالى ەستەلىكتەردى ٴبىر ۇلۋدان ەكىنشىسىنە كوشىرە الدى. وسى زەرتتەۋ ناتيجەسىنە سۇيەنە وتىرىپ بولاشاقتا ٴدال وسىنداي پروسەسc ادامدار اراسىندا ٴجۇرۋى مۇمكىن دەگەن بولجام جاسالدى.

عالىمدار ٴبىر توپ ۇلۋعا تىتىركەندىرگىشتەرگە جاۋاپ بەرۋدى ۇيرەتتى. ول ٴۇشىن ەلەكتر رازريادىن ۇلۋدىڭ قۇيرىعىنا باستى. بۇل جاندىكتەردىڭ ومىرىنە ەش ٴقاۋىپ توندىرمەدى. باستاپقىدا ۇلۋلار ەلەكتر اسەرىن بىرنەشە سەكۋند سەزىندى. كەيىن عالىمداردىڭ كومەگىنىڭ ارقاسىندا بۇل اسەردى 50 سەكۋندكە جۋىق ۋاقىت سەزىندى.

ماماندار ۇيرەتىلگەن ۇلۋلاردىڭ جۇيكەسىنەن ريبونۋكلەين قىشقىلىن الىپ، ونى جوعارىداعى پروسەسكە ەش قاتىسى جوق ۇلۋعا سالدى. ولاردا رازرياد العان كەزدە ەكسپەريمەنتكە قاتىستىرىلعان ۇلۋلار سەكىلدى ەلەكتر اسەرىن 40 سەكۋند بويى سەزىنگەن.

بۇل - كوپ جىلدان بەرى شەشىمىن تاپپاي كەلە جاتقان ماسەلەلەرگە نۇكتە قوياتىن جاڭالىق. سەبەبى، كەيبىر عالىم ەستەلىكتەر سيناپستا (جۇيكە جاسۋشالارى ارالىعىنداعى كەڭىستىك) ساقتالادى دەگەن پىكىردە. تاعى ٴبىر توپ عالىم ولار نەيرون يادروسىندا ورنالاسقان دەپ ويلايدى. جوعارىداعى زەرتتەۋ جۇمىسىنىڭ اۆتورى دەۆيد گلانسمان ۆۆس باسىلىمىنا بەرگەن سۇحباتىندا كەلەسىدەگىدەي جاۋاپ بەردى:

«ەگەر ەستەلىكتەر سيناپستا ساقتالعان بولسا، ٴبىزدىڭ ەكسپەريمەنتىمىز تولىق جۇزەگە اسپايتىن ەدى»، - دەيدى ول.

ادام بالاسىنىڭ ەستە ساقتاۋ قابىلەتىنە قاتىستى اۋرۋلاردى ەمدەۋ ٴۇشىن، الدىمەن، ەستەلىكتەردىڭ ناقتى قاي جەردە ساقتالاتىنىن ٴتۇسىنۋ قاجەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي