BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

فاستفۋد ايەلدەردى بەدەۋلىككە شالدىقتىرادى – عالىمدار

ماماندار 5 598 جۇكتى ايەل اراسىندا ساۋالناما جۇرگىزىپ، فاستفۋد پەن جەمىس-جيدەكتىڭ نازىك جاندىلاردىڭ بەدەۋلىككە شالدىعۋىنا قالاي اسەر ەتەتىنىن انىقتادى. زەرتتەۋ جۇمىسى human reproduction جۋرنالىندا جاريالاندى، دەپ حابارلايدى baq.kz اقپارات اگەنتتىگى.

اۆستراليا جانە ۇلىبريتانيا عالىمدارى بىرىگىپ زەرتتەۋ جۇرگىزىپ، ناتيجەسىندە فاستفۋد پەن كۇندەلىكتى راسيوندا جەمىس-جيدەكتىڭ جەتىسپەۋشىلىگى بەدەۋلىككە شالدىقتىراتىنىن انىقتادى.

جاڭا زەرتتەۋ جۇمىسىنىڭ اۆتورلارى ۇلىبريتانيا، اۆستراليا جانە جاڭا زەلانديا مەملەكەتتەرىنىڭ 5 598 تۇرعىنى اراسىندا ساۋالناما جۇرگىزدى. جۇكتى ايەلدەر وزدەرىنىڭ كۇندەلىكتى قانداي تاعامدار تۇتىناتىندارىن ايتىپ بەردى. سونداي-اق، انكەتادا جەمىس-جيدەك، كوكونىس، بالىق جانە فاستفۋدكە قاتىستى ساۋالدار بولعان. كەيىن وسى مالىمەتتەر جۇپتىڭ بالالى بولۋدى جوسپارلاعان ۋاقىتىمەن قاتار قويىلىپ تەكسەرىلدى. ال بەدەۋ جۇپتار توبىنا ٴبىر جىل بالا كوتەرە الماعاندار كىردى. عالىمدار زەرتتەۋ جۇمىسىن جۇرگىزۋ بارىسىندا شىلىم شەگۋ، الكوگول ٴىشۋ، ايەل جاسى جانە دەنە ماسساسى يندەكسىنىڭ جوعارىلىعى ەسكەرىلدى.

جەمىس-جيدەكتى از جەگەن ايەلدەردىڭ 12%-ى كوپ ۋاقىت بويى بالا كوتەرە الماعان. سونداي-اق، بەدەۋلەر توبىنا اپتاسىنا ٴتورت رەت فاسفۋد جەگەن جەگەن ايەلدەر كىردى. ولار جالپى ساۋالناماعا قاتىسۋشىلاردىڭ 16%-ىن قۇرادى. ورتاشا ەسەپپەن بۋرگەر مەن پيسسا جاقسى كورەتىن ايەلدەر دۇرىس تاماقتانۋ ٴتارتىبىن ساقتاعان ايەلدەرگە قاراعاندا ٴبىر اي كەش جۇكتى بولعان. كەرىسىنشە كۇندەلىكتى 3-4 پورسيا جەمىس-جيدەك جەگەن ايەلدەر باسقالارىنا قاراعاندا 2 اپتاعا ەرتە بالا كوتەرگەن. ٴبىر قىزىعى، بالىق پەن كوك ٴشوپ ايەلدەردىڭ جۇكتى بولۋ مەرزىمىنە ەش اسەر ەتپەگەن.

«زەرتتەۋ جۇمىسىنىڭ ناتيجەسىندە ايەل ادامنىڭ ەرتە جۇكتى بولۋىنا جەمىس-جيدەكتىڭ راسيوندا كوبەيىپ، كەرىسىنشە تەز دايىندالاتىن تاعامداردىڭ ازايۋى وڭ اسەرىن بەرەتىنى انىقتالدى»، - دەيدى باس اۆتورلاردىڭ ٴبىرى كلەر روبەرتس (claire roberts).

ازىرگە عالىمدار فاستفۋدتىڭ بەدەۋلىكپەن ناقتى بايلانىسىن انىقتامادى. وسى تاقىرىپ توڭىرەگىندە جازىپ جۇرگەن اۆتورلار وسىمدىك جانە جانۋار مايلارى قۇرامىنداعى مايلى قىشقىلداردىڭ انالىق جاسۋشاعا كەرى اسەرىن تيگىزەتىنىن جازىپ كەتكەن بولاتىن.

باسقا عالىمدار توبى ٴدال ٴقازىر جاساندى سپەرماتوزويدتار جاساپ شىعارۋمەن اينالىسىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي