BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

مەملەكەتتىك گرانتتاردى بولگەندە «التىن بەلگىلەرگە» جەڭىلدىك جاسالماۋى مۇمكىن

فوتو: www.inform.kz

بۇرىن ۇبت-دا العان بالىنا قاراماستان «التىن بەلگىلەرگە» گرانتتار بەرىلەتىن. ەندى ولارعا باسىمدىق ۇبت-دا جيناعان ۇپايلارى باسقا وقۋشىلارمەن تەڭ بولعان جاعدايدا عانا بەرىلەدى. بۇل تۋرالى ماجىلىستە وتكەن وتىرىستا قر ٴبىلىم جانە عىلىم ۆيسە-مينيسترى اسحات ايماعامبەتوۆ مالىمدەدى، دەپ حابارلايدى baq.kz ٴتىلشىسى.

بۇگىن ماجىلىستە «ارحيۆ ٴىسى» تۋرالى زاڭعا وزگەرىستەر مەن تولىقتىرۋ ەنگىزۋ ماسەلەسى تالقىلاندى. اتالعان زاڭ اياسىندا ەلىمىزدەگى بىرنەشە زاڭدارعا وزگەرىستەر ەنگىزىلەدى. ونىڭ ىشىندە ٴبىلىم تۋرالى زاڭ دا بار.

الداعى ۋاقىتتا ٴبىلىم تۋرالى زاڭعا ەنگىزىلەتىن وزگەرىس مەملەكەتتىك گرانتتاردى بولۋگە قاتىستى. اتالعان وزگەرىستى دەپۋتاتتار قولدادى. وتىرىستان شىققان ٴبىلىم جانە عىلىم ٴمينيسترى ەرلان ساعاديەۆ جۋرناليستەرگە زاڭعا ەنگىزىلەتىن وزگەرىستى ٴتۇسىندىردى.

«بۇل وزگەرىستەردى كوپتەگەن قازاقستاندىق تۇلەك كۇتىپ وتىر. بۇل ماسەلەنى ۇزاق ۋاقىت بويى تالقىلادىق. ەندى دەپۋتاتتاردىڭ قولداۋىمەن، جاڭا تالاپتى زاڭعا تالاپتى ەنگىزگەلى وتىرمىز. ونداعى وزگەرىس بويىنشا «التىن بەلگى» يەگەرى مەن وقۋشىنىڭ ۇبت-دا جيناعان بالدارى بىردەي بولسا، گرانت «التىن بەلگىگە» بەرىلەدى»، - دەدى مينيستر.

وسى ورايدا ەرلان ساعاديەۆتىڭ ٴسوزىن ورىنباسارى تولىقتىردى.

«زاڭعا ەنگىزىلەتىن وزگەرىسكە توقتالايىن. وتكەن جىلى «التىن بەلگى» يەگەرلەرى گرانتتى العاندا ولاردىڭ باسقا تۇلەكتەردىڭ الدىندا تولىق باسىمدىلىعى بولعان. ۇبت-دا العان بالدارىنا قاراماستان التىن بەلگى يەگەرلەرىنە گرانتتاردى الا بەرۋگە مۇمكىندىك بەرىلدى. الايدا قازىرگى تاڭدا ٴبىز اتالعان زاڭعا وزگەرىس ەنگىزسەك، «التىن بەلگى» يەگەرلەرىنە باسىمدىق تەك ۇبت-دا جيعان بالدارى باسقالارمەن تەڭ بولعان جاعجايدا بەرىلەدى»، - دەدى قر ٴبىلىم جانە عىلىم ۆيسە-مينيسترى اسحات ايماعامبەتوۆ.

ونىڭ ايتۋىنشا، جاڭا تالاپ كۇشىنە ەنسە، ۇبت-دا وقۋشى «التىن بەلگى» يەگەرىنەن جوعارى بالل جيناسا، ول مەملەكەتتىك گرانتقا يە بولادى. ال ەگەر وقۋشى مەن «التىن بەلگى» يەگەرى بىردەي بالل جيناسا، باسىمدىق سوڭعىسىنا بەرىلەدى.

سونىمەن قاتار اسحات ايماعامبەتوۆ زاڭعا نەلىكتەن مۇنداي وزگەرىس ەنگىزىلگەنىن ٴتۇسىندىردى.

«ٴبىز وتكەن جىلى ۇبت-نىڭ جاڭا فورماتىن ەنگىزدىك. جاڭا فورمات بويىنشا اتتەستاتتى الۋ مەكتەپتىڭ قابىرعاسىندا وتەدى. سونىڭ ارقاسىندا «التىن بەلگى» يەگەرىن انىقتاۋ ٴبىلىم ورداسىندا وتەتىن بولدى. ال ۇبت بۇگىنگى تاڭدا جاڭا فۋنكسياعا يە. ونى تۇلەكتەر جوعارى وقۋ ورىندارىنا ٴتۇسۋ ٴۇشىن عانا تاپسىرادى. بۇرىن «التىن بەلگى» ۇبت-دا قانشا بالل السا دا، ول جوعارى وقۋ ورىنا ٴتۇسىپ كەتەتىن. مۇنداي جاعداي وتكەن جىلى تىركەلدى. ال بۇل حالىقتىڭ اشۋىن تۋدىردى»، - دەدى ۆيسە-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي