BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

ەڭبەك مينيسترلىگى: ينكليۋزيۆتى ٴبىلىم بەرەتىن ماماندار تاپشى

قازاقستاندا 147 مىڭنان استام بالا ەرەكشە ٴبىلىم بەرۋدى قاجەت ەتەدى. الايدا ولارعا ينكليۋزيۆتى ٴبىلىم بەرەتىن ماماندار تاپشى. بۇل تۋرالى قر ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا ۇكىمەت وتىرىسىندا مالىمدەدى، دەپ حابارلايدى baq.kz ٴتىلشىسى.

«ٴبىلىم مەن عىلىمدى دامىتۋدىڭ 2016-2019 جىلدارعا ارنالعان مەملەكەتتىك باعدارلاماسىنا سايكەس 2019 جىلعا قاراي مەكتەپكە دەيىنگى ٴبىلىم بەرەتىن ۇيىمداردىڭ 30%-ى، ورتا ٴبىلىم بەرەتىن ۇيىمداردىڭ 70%-ى جانە تەحنيكالىق جانە كاسىپتىك ٴبىلىم بەرەتىن وقۋ ورىندارىنىڭ 40%-ىندا ينكليۋزيۆتى ٴبىلىم بەرۋ جاعدايلارىن جاساۋ جوسپارلانعان. مينيسترلىكتىڭ مالىمەتىنشە، قازىرگى تاڭدا 40 مىڭنان استام بالا ينكليۋزيۆتى تۇردە وقىپ جاتىر»، - دەپ مالىمدەدى ەڭبەك جانە حالىقتى الەۋمەتتىك قورعاۋ ٴمينيسترى.

ونىڭ ايتۋىنشا، ارنايى بايانداماشى (كاتالينا دەۆانداس اگيلار – اۆت.) جالپى ٴبىلىم بەرەتىن مەكتەپتەرگە بەكىتىلگەن 10 مىڭ مۇگەدەك بالا ٴىس جۇزىندە ۇيدە وقيتىنىن جانە مەكتەپكە مۇلدەم بارمايتىنىن اتاپ وتكەن.

«وسىعان بايلانىستى، ٴبىلىم جانە عىلىم مينيسترلىگى ينكليۋزيۆتى ٴبىلىم بەرۋدى دامىتۋ ماقساتىندا: كادرلاردىڭ جەتىسپەۋشىلىگى; ينكليۋزيۆتى ٴبىلىم بەرۋ جۇيەسىن ادىستەمەلىك قامتاماسىز ەتۋ; كەدەرگىسىز ورتا قۇرۋ شەڭبەرىندە ٴبىلىم بەرۋ ۇيىمدارىنىڭ ماتەريالدىق-تەحنيكالىق بازاسىن نىعايتۋ سياقتى ماسەلەلەردى شەشۋى قاجەت»، - دەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي