BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

بولاشاقتا ستۋدەنتسىز قالۋىمىز مۇمكىن – كوللەدج ديرەكتورى

فوتو: Автор

استانا قالاسى پوليتەحنيكالىق كوللەدج ديرەكتورى قاسىمحان سەنعازىەۆ جاستاردىڭ كوللەدجدە ٴبىلىم الۋعا دەگەن ىنتاسى تومەندەپ بارا جاتقانىن ايتتى، دەپ حابارلايدى baq.kz ٴتىلشىسى.

ونىڭ پىكىرىنشە، الداعى جىلدارى كوللەجدە ٴبىلىم العىسى كەلەتىن جاستاردىڭ سانى ازايۋى مۇمكىن.

وسى ورايدا مەكتەپ ديرەكتورى اتالعان ماسەلەنىڭ نەگىزگى سەبەبىنە توقتالدى.

«1-قىركۇيەكتەن باستاپ، مەكتەپتەردە جان باسىنا قاراي قارجىلاندىرۋ جۇيەسى ەنگىزىلىپ جاتىر. وسىعان دەيىن ٴبىلىم وردالارىنداعى ديرەكتورلار 9-سىنىپتان كەيىن تۇلەكتەردى كوللەدجگە جىبەرىپ، ۇشكە وقىعان وقۋشىلارىنان قۇتىلىپ ٴجۇردى. ەندى ولار وسى وقۋشىلاردى مەكتەپتە قالدىرادى. سەبەبى، ولارعا قوماقتى قارجى بولىنەتىن بولدى. ەكىنشىدەن، ۇبت-نىڭ رەيتينگىسىنە ديرەكتورلار جاۋاپ بەرمەيدى. ۇشىنشىدەن، بيىل جوعارى وقۋ ورىندارىنا بولىنەتىن گرانتتاردىڭ سانى ٴوستى»، - دەدى ول.

قاسىمحان سەنعازىەۆتىڭ ايتۋىنشا، بيىل ەۋرازيا ۇلتتىق ۋنيۆەرسيتەتىنە ٴبىرىنشى كۋرسقا 7 مىڭ ستۋدەنت تۇسكەن ەكەن. ال وتكەن جىلى بۇل كورسەتكىش 3 مىڭدى قۇراعان.

سونىمەن قاتار باسشى استانا اكىمدىگى بيىل ۋنيۆەرسيتتەرگە 1 مىڭ گرانت بولگەنىن اتاپ ٴوتىپ، اتالعان فاكتورلار كوللەجدە ٴبىلىم العىسى كەلەتىن جاستاردىڭ ازايۋىنا الىپ كەلەتىنىن ايتتى.

«بيىل 9-سىنىپتى بىتىرگەن وقۋشى مەن ونىڭ اتا-اناسى بىردەن جوعارى ٴبىلىم الۋعا مۇددەلى بولماق. دەمەك، وسىعان دەيىن كوللەدج ارقىلى ەمتيحانسىز جوعارى وقۋ ورنىنا تۇسۋگە بولسا، ەندى ەمتيحانسىز-اق ۋنيۆەرسيتەتكە تۇسۋگە بولادى. سوندىقتان بۇل ماسەلەنى زەرتتەپ، شەشۋ قاجەت. سەبەبى، ٴبىز 2-3 جىلدان سوڭ ستۋدەنتسىز قالۋىمىز مۇمكىن»، - دەپ تۇيىندەدى ٴسوزىن پوليتەحنيكالىق كوللەدج ديرەكتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي