BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

ٴبىلىم گرانتى يەگەرلەرىنىڭ تولىق ٴتىزىمى جاريالاندى

مەملەكەتتىك ٴبىلىم گرانتتارىن تاعايىنداۋ بويىنشا رەسپۋبليكالىق كونكۋرستىق كوميسسيا ٴوز جۇمىسىن اياقتادى. بۇگىن گرانت يەگەرلەرىنىڭ تولىق ٴتىزىمى ونلاين تۇردە جاريالاندى، دەپ حابارلايدى baq.kz ٴتىلشىسى.

قر ٴبىلىم جانە عىلىم مينيسترلىگىنىڭ رەسمي مالىمەتىنشە، جوعارى وقۋ ورىندارىنىڭ ٴبىلىم بەرۋ گرانتتارىن تاعايىنداۋ بويىنشا رەسپۋبليكالىق كونكۋرستىق كوميسسيا ٴوز جۇمىسىن 5 تامىز كۇنى اياقتادى. ال، بۇگىن ساعات 10.00-دە گرانت يەگەرلەرىنىڭ تولىق ٴتىزىمى جاريالاندى.

اتاپ وتسەك، مەملەكەت باسشىسى ن.نازاربايەۆتىڭ تاپسىرماسىنا سايكەس «بەس الەۋمەتتىك باستاما» شەڭبەرىندە بيىل گرانتتار سانى 20 مىڭ ورىنعا كوبەيتىلدى. ونىڭ 11 مىڭى تەحنيكالىق ماماندىقتارعا، ونىڭ ىشىندە اقپاراتتىق تەحنولوگيالار، روبوتوتەحنيكا جانە نانو-تەحنولوگيالار سالاسىنداعى مامانداردى دايارلاۋعا، 5 مىڭى – ەڭبەك نارىعىنا قاجەت باسقا دا ماماندىقتارعا، 3 مىڭى – ماگيسترلەردى، 1 مىڭى phd دوكتورلارىن دايارلاۋعا باعىتتالدى. وسىلايشا، جوعارى ٴبىلىم الۋ ٴۇشىن ٴبىلىم گرانتتارىنىڭ سانى 53 594 گرانتقا دەيىن جەتكىزىلدى.

ونىڭ ىشىندە، 50 944 گرانت 1 كۋرسقا قابىلداۋ ٴۇشىن، 2650 ورىن – جوعارى وقۋ ورىندارىنىڭ دايىندىق بولىمدەرى ٴۇشىن ٴبولىندى.

اتالعان باسىمدىقتاردى ەسكەرە وتىرىپ، 24 737 گرانت تەحنيكالىق عىلىمدار جانە تەحنولوگيالار ماماندىقتارىنا، 9 499 گرانت - ٴبىلىم، 2 785 گرانت – اۋىلشارۋاشىلىق جانە ۆەتەريناريا ماماندىقتارىنا، 2 700 گرانت – مەديسينا (دەنساۋلىق ساقتاۋ جانە الەۋمەتتىك قامتاماسىز ەتۋ) ماماندىقتارىنا، 1 450 – گۋمانيتارلىق عىلىمدار ماماندىقتارىنا، 100 – قۇقىق ماماندىقتارىنا، 300 – ونەر ماماندىقتارىنا، 1 780 – الەۋمەتتىك عىلىمدار، ەكونوميكا جانە بيزنەس ماماندىقتارىنا، 3 246 – جاراتىلىستانۋ عىلىمدارى ماماندىقتارىنا، 2 330 – قىزمەت كورسەتۋ ماماندىقتارىنا جانە 500 گرانت اسكەري ٴىس جانە قاۋىپسىزدىك ماماندىقتارىنا قاراستىرىلدى.

بۇل رەتتە مەملەكەتتىك ٴبىلىم بەرۋ تاپسىرىسىن ورنالاستىرۋعا جىبەرىلگەن جوعارى وقۋ ورىندارىنىڭ ٴتىزىمى كەڭەيتىلگەن. ٴبىلىم گرانتىن تاعايىنداۋ كونكۋرسىنا 75430 ادام قاتىسۋدا، ونىڭ ىشىندە 60327 ادام – قازاق تىلىندەگى وقۋ بولىمىنە، 14810 ادام – ورىس تىلىندەگى وقۋ بولىمىنە، 293 ادام - اعىلشىن تىلىندەگى وقۋ بولىمىنە تاپسىرعان.

«ماڭگىلىك ەل جاستارى – يندۋسترياعا!» جوباسى شەڭبەرىندە كۆوتا بويىنشا وقۋعا 5494 ادام كونكۋرسقا قاتىسۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي