BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

باقىتجان ساعىنتايەۆ وقۋشىلاردىڭ جۇكتەمەسى مەن پسيحولوگتاردىڭ جالاقىسىنا قاتىستى پىكىر ٴبىلدىردى

فوتو: Qamshy.kz

ۇكىمەت باسشىسى باقىتجان ساعىنتايەۆ ەكىباستۇز قالاسىندا بولعان ٴىسساپارى بارىسىندا وقۋشىلاردىڭ جۇكتەمەسى مەن پسيحولوگتاردىڭ جالاقىسىنا قاتىستى پىكىر ٴبىلدىردى، دەپ حابارلايدى baq.kz ايماقتاعى ٴتىلشىسى.

باقىتجان ساعىنتايەۆ كەنشىلەر شاھارىنىڭ №36 مەكتەپ-ليسەيىنە ات باسىن تىرەپ، ۇستازدار قاۋىمىمەن كەزدەستى. بۇل ٴبىلىم وشاعى مۋلتيمەديالىق، روبوتوتەحنيكا كابينەتتەرىمەن، ٴتورت زەرتحانامەن، ەكى كومپيۋتەر سىنىپتارىمەن جانە كوپفۋنكسيونالدى سپورت زالىمەن جابدىقتالعان. كەزدەسۋ بارىسىندا ۇستازدار بۇگىنگى وقۋشىلاردىڭ جۇكتەمەسى مەن پەداگوگتاردىڭ جالاقىسى تۋرالى سۇراقتارىن قويدى.

ناقتىراق ايتقاندا، ولاردى ەلباسىنىڭ تاپسىرماسىمەن وقۋشىلاردىڭ جۇكتەمەسىن ازايتۋ بويىنشا قانداي ٴىس تىڭدىرىلىپ جاتقانى قىزىقتىردى.

ۇكىمەت باسشىسى ٴبىر اپتا بۇرىن جاڭا تيپتىك ەرەجەلەر ەنگىزىلگەنىن العا تارتىپ، ەندى قامقورشىلىق كەڭەس ٴوز ەركىمەن جاڭا وقۋ جوسپارىن تاڭداي الاتىنىن جەتكىزدى.

«جاڭا تيپتىك باعدارلاما بويىنشا 10-سىنىپ وقۋشىسى اپتاسىنا 26 ساباق وقي الادى. ياعني، وقۋشىعا قاجەت پاندەردى اتا-اناسى مەن مەكتەپ باسشىلىعى كەلىسىپ تاڭدايدى. وسىلايشا، بەسكۇندىك وقۋ ٴۇردىسى جۇزەگە اسىرىلادى. ٴبىراق، كىشىگىرىم ماسەلە بار. باسقاشا ايتقاندا، ٴمۇعالىمنىڭ ساعاتتارى ازايىپ، جالاقى تومەندەيدى. ٴبىزدىڭ ماقساتىمىز – مەكتەپتەرگە ەركىندىك بەرۋ. وقۋ ٴۇردىسىن وڭتايلاندىرۋدان ۇنەمدەلەتىن قارجىنى ۇستازدارعا سىياقى رەتىندە قالدىرۋعا بولادى»، - دەيدى باقىتجان ساعىنتايەۆ.

مەكتەپ ۇستازدارى پسيحولوگ پەن ادىسكەر مامانداردىڭ جالاقىسىنا قاتىستى الاڭداۋشىلىق ٴبىلدىردى. سەبەبى، مۇعالىمدەردىڭ جالاقىسى وسكەنمەن، باسقا مامانداردىڭ ايلىعى وزگەرمەگەن. ولاردىڭ ايتۋىنشا، جاقسى پسيحولوگ-مامانداردان ايىرىلۋ ٴقاۋپى بار. ۇكىمەت باسشىسى بۇل ماسەلە ٴجىتى باقىلاۋدا ەكەنىن ايتتى. سونداي-اق، بۇگىنگى ٴبىلىم بەرۋ جۇيەسىندە پسيحولوگتاردىڭ جۇمىسى اسا ماڭىزدى ەكەنىن جەتكىزدى.

ەسكە سالا كەتسەك، كەشە ەكىباستۇز قالاسىنداعى كوپقاباتتى ٴۇيدىڭ بەسىنشى قاباتىنان ەكى 15 جاسار قىز سەكىرىپ كەتكەن. ٴجاسوسپىرىمنىڭ بىرەۋى اۋرۋحاناعا جەتپەي قايتىس بولسا، ەكىنشى قىز بالا جانساقتاۋ بولىمىندە جاتىر.

ەسكە سالا كەتسەك، بۇگىن ۇكىمەت باسشىسى باقىتجان ساعىنتايەۆ ەلباسىنىڭ تاپسىرماسىمەن ەرتىس وڭىرىنە جۇمىس ساپارىمەن كەلدى. ٴتۇس اۋا ول پاۆلودار ٴتۇستى مەتاللۋرگيا كوللەدجى، وبلىستىق جەدەل-جاردەم ستانسياسى جانە وقۋشىلار سارايىن ارالاماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي