BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

باحرەين استاناداعى مەكتەپ قۇرىلىسىن قارجىلاندىرۋعا دايىن

استانا. baq.kz استانا اكىمى باقىت سۇلتانوۆ باحرەين حانزاداسىنىڭ اتىنداعى قايىرىمدىلىق قورىنىڭ باس حاتشىسى مۇستافا ٴالي مۇحاممەد ٴال سايەد مىرزامەن كەزدەستى.

بۇل تۋرالى ەلوردا اكىمدىگىنىڭ رەسمي سايتى حابارلايدى. تاراپتار كەلىسسوزدەر جۇرگىزۋدىڭ قورىتىندىسىندا استانادا ٴبىلىم وبەكتىسىنىڭ قۇرىلىسىن سالۋعا ۋاعدالاستى. استانا اكىمى باقىت سۇلتانوۆ قايىرىمدىلىق قورىنىڭ باستاماسىنا جان جاقتى قولداۋ كورسەتۋگە ۋادە بەردى. جوعارى شەندى قوناقتار بولاشاقتا سالىناتىن عيمارات استانانى ەرەكشە ارحيتەكتۋرامەن تولىقتىرا تۇسەتىنىنە سەنىمدى.

«ەكى عيمارات بىردەي بولمايدى. ٴارقايسىسى ٴار ٴتۇرلى، ٴبىراق ەكەۋىنە ورتاق تاماشا كورىنىستەر كورىنىپ تۇرادى. بۇل ەكى مەملەكەتتى جاقىنداستىرا تۇسەتىن فاكتورلادىڭ ٴبىرى بولماق. ٴبىزدىڭ ەلدەردە ۇقساستىقتار كوپ. ماسەلەن، قوناقجايلىلىعىمىز، مۇنايلى ەل بولۋىمىز ٴتىپتى تاۋەلسىزدىك كۇندەرىمىزگە دەيىن ۇقسايدى»، - دەدى باحرەين حانزاداسى اتىنداعى قايىرىمدىلىق قورىنىڭ باس حاتشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي