BAQ.kz - Қазақстан жаңалықтары USD 345.68 BAQ.kz - Қазақстан жаңалықтары EUR 404.45 BAQ.kz - Қазақстан жаңалықтары RUB 5.48
استانا:

عالىمدار عارىشتا ىشۋگە بولاتىن سىرا ازىرلەپ جاتىر

اۆستراليانىڭ سىرا ازىرلەيتىن 4 pines brewing كومپانياسى مەن saber astronautics australia بىرىگىپ vostok space beer اتتى ستاۋت ازىرلەۋگە كىرىستى، دەپ حابارلايدى baq.kz اقپارات اگەنتتىگى.

قازىرگى ساتتە ولار بوتەلكەنىڭ جاڭا ٴتۇرىن جاساۋدى قارجىلاندىرۋ ٴۇشىن كراۋدفاندينگتىك كامپانيا اشتى. بوتەلكە مەن سىرا عارىشتاعى ٴومىر ٴۇشىن بارىنشا قولايلى. بۇل تۋرالى اۆستراليانىڭ جاڭا عارىش اگەنتتىگىن قۇرۋ تۋرالى جاڭالىقتان كەيىن ايتىلدى. وسىعان قاراپ اتالعان مەملەكەتتىڭ بوگدە عالامشاردا ٴجۇرىپ سىرا ىشۋگە دايىندالىپ جاتقاندارىن كورۋگە بولادى.

عارىشكەرلەر اتالعان سىرا ٴتۇرىن بوتەلكەمەن ىشە الادى. ياعني ماماندار ونى عارىشتا توگىلىپ كەتپەيتىندەي ەتىپ جاساعان. سىرا بەلگىلى ٴبىر مولشەردە گازدالاتىن بولادى. ازىرگە بۇل الكوگول ٴتۇرىنىڭ مەتابوليزم جانە ادامنىڭ الكوگولدى قانشالىقتى كوتەرە الاتىنىنا قالاي اسەر ەتەتىنى بەلگىسىز. جوعارىدا ەكى كومپانيا قىزمەتكەرلەرىنەن قۇرالعان كوماندا وسى سۇراقتارعا جاۋاپ ىزدەيتىن بولادى. سەبەبى، ماسايعان عارىشكەرلەر باسقا ادامدارعا زيانىن تيگىزۋى مۇمكىن.

عارىشقا ىشىمدىك تاسىمالداۋ قىمباتقا تۇسپەك. ياعني سىراعا عارىشكەرلەر اقشالارى بولعان جاعدايدا عانا تاپسىرىس بەرە الادى. وسى پروبلەمانىڭ الدىن الۋ ٴۇشىن رەسەي عالىمدارى عارىشتا قۇلماق (حمەل) پەن ارپا ٴوسىرىپ كورگەن ەدى. قازىرگى ساتتە nasa عارىشكەرلەرىنە ىشىمدىك ىشۋگە تىيىم سالىنعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي