BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

اتا-انالار جينالىسىنان الارىمىز مول

اتا-انالاردىڭ جالپىۇلتتىق جينالىسى قازاقستانداعى ٴار وتباسى ٴۇشىن ماڭىزدى شارا. سوندىقتان شاراعا بارىنشا ٴمان-ماعىنا بەرگەن ابزال. بۇل كۇنى بارلىق اتا-انا جاپپاي مەكتەپتەرگە كەلىپ، بالالارىنىڭ سىنىپ جەتەكشىلەرىمەن، مۇعالىمدەرىمەن، مەكتەپ باسشىلىعىمەن سويلەسىپ، پىكىر الماسۋ مۇمكىندىگىنە يە بولادى.

اتا-انالار جينالىسىنىڭ كوزدەگەن باستى ماقساتى – ٴار وتباسىنىڭ بالا تاربيەسىنە بەلسەنە قاتىسۋىنىڭ ماڭىزىن ارتتىرۋ، بالانىڭ جاقسى ادەتتەردى بويىنا ٴسىڭىرىپ ٴوسۋ جولدارىن اتا-انالارمەن بىرلەسە قاراستىرۋ، سونداي-اق ٴبىلىم بەرۋ مازمۇنىن جاڭارتۋ بويىنشا جۇرگىزىلىپ جاتقان مەملەكەتتىك ساياساتتى تالقىلاۋعا اتا-انالار قاۋىمىن كىرىستىرۋ. نەگىزىندە مەكتەپتەگى تاربيە جۇمىسىنىڭ ناتيجەلىلىگىنىڭ ٴبىر ۇشى اتا-انالار مەن مەكتەپتىڭ بىرلەسكەن ارەكەتىندە ەكەنى بەلگىلى.

ەلباسى نۇرسۇلتان نازاربايەۆ قازىرگى زامان تالابىنا ساي، جان-جاقتى جەتىلگەن، بويىندا ۇلتتىق سانا مەن ۇلتتىق پسيحولوگيا قالىپتاسقان، يماندىلىق ادەبى، پاراساتى بار ۇرپاق تاربيەلەۋ، ٴوسىرۋ، ٴبىلىم بەرۋ - بۇگىنگى تاڭدا وتباسىنىڭ، بالاباقشانىڭ، مەكتەپتىڭ، بارشا ەلدىڭ، حالىقتىڭ مىندەتى ەكەندىگىن ايتادى. شىنىمەن دە، تاربيە جۇمىسىنىڭ تابىستى بولۋىنىڭ باستى كەپىلى مەكتەپ پەن اتا-انالار اراسىنداعى ىنتىماقتاستىق قارىم-قاتىناستا. ويتكەنى ادامزات بەسىگىن تەربەتكەن بالانىڭ باستى ۇستازى اتا-انا. وي ساناسى دامىعان، مادەنيەتتى تۇلعانى جان-جاقتى قالىپتاستىرۋدى كوزدەگەن تاربيەنىڭ ماسەلەلەرى مەكتەپتى دە، اتا-انانى دا ٴارقاشان تولعاندىرىپ كەلەدى. بۇگىنگى تاڭدا بالالاردىڭ ساپالى ٴبىلىپ الىپ، ولاردىڭ باسەكەگە قابىلەتتى، بولاشاقتارى جارقىن بولۋلارى ٴۇشىن جاڭارتىلعان مازمۇن ەنگىزىلىپ، ەلىمىزدىڭ مۇعالىمدەرى اراسىندا پەداگوگتاردىڭ بىلىكتىلىكتەرىن ارتتىرۋ باعدارلاماسى شەڭبەرىندە جاپپاي وقىتۋ جۇرگىزىلىپ جاتىر.

بيىلعى اتا-انالار جينالىستارىندا ٴاربىر مەكتەپتە جۇمىس ىستەيتىن قامقورشىلىق كەڭەستەرىنىڭ مىندەتتەرى، قاعيداسى مەن قىزمەت تەتىكتەرى تالقىلانادى دەپ جوسپارلانۋدا. مەكتەپ ومىرىمەن تىعىز بايلانىستا جۇمىس جاسايتىن قامقورشىلىق كەڭەستەرىنىڭ كوزدەگەن باستى ماقساتى – ٴبىلىم بەرۋ ساپاسىن ارتتىرۋدا بىرىگىپ جۇمىس ىستەۋ، مۇمكىندىگى زور ٴارى شىعارماشىل الەۋەتى جوعارى ٴبىلىم بەرۋ ورتاسىن قالىپتاستىرۋ ەكەندىگىن ٴبىرى بىلسە، ٴبىرى بىلمەيدى. وسى رەتتە قامقورشىلىق كەڭەستەرىنىڭ قاتىسۋشىلارى رەتىندە اتا-انالار، جەرگىلىكتى اتقارۋشى ورگانداردىڭ وكىلدەرى، قوعام قايراتكەرلەرى بەلگىلەنىپ وتىرعاندىعىن ايتا كەتكەن ٴجون.

اتا-انالاردىڭ جالپىۇلتتىق جينالىسى بيىل حالىقارالىق وتباسى كۇنىمەن سايكەس كەلىپ وتىر. ٴبىزدىڭ قوعامدا وتباسى رۋحاني جانە مادەني داستۇرلەردىڭ ساقتاۋشىسى، ٴتۇرلى بۋىندار اراسىن جالعاستىرۋشى بولدى جانە سولاي بولىپ قالا بەرمەك. سوندىقتان تۋعان شاڭىراقتان العان تاربيە – بۇل بارشا حالقىمىزدىڭ باقۋاتتى دا باياندى بولاشاعىنىڭ ايقىن كەپىلى. وسى رەتتە اتا-انالار قاۋىمى مامىردىڭ 15 جۇلدىزىندا وتەتىن جالپىۇلتتىق جينالىسقا بەلسەندى قاتىسادى دەگەن سەنىمدەمىن. ويتكەنى اتا-انالار جالپىۇلتتىق جينالىسقا قاتىسا وتىرىپ، مازالاپ جۇرگەن ساۋالدارىنا ماردىمدى جاۋاپتار الۋ مۇمكىندىگىنە يە بولادى. سونىمەن قاتار جينالىستىڭ وقۋ جىلىنىڭ سوڭىنا وراي ۇيىمداستىرىلۋى قۋانتادى، ويتكەنى بۇل اتا-انالار ٴۇشىن ٴوز بۇلدىرشىندەرىنىڭ وقۋ جەتىستىكتەرىمەن جىلدىق قورىتىندى باعا شىقپاي تۇرىپ تانىسۋىنا مۇمكىندىك بەرەدى.

بۇگىنگى تاڭدا الەم وزگەرۋىنە بايلانىستى بالالار مەن اتا-انالاردىڭ كوزقاراستارى دا وزگەردى. سوندىقتان مەكتەپ الدىنا قويىلاتىن تالاپتار دا وزگەرتىلۋى ٴتيىس. بۇرىنعىداي ٴمۇعالىمنىڭ مونولوگىنە قۇرىلعان جينالىستان گورى، توپتىق جۇمىس ارقىلى اتا-انالاردىڭ بىرلەسە ارەكەت ەتىپ، پروبلەمانى تالقىلاعانى الدەقايدا ٴتيىمدى. بالانىڭ ەڭ العاشقى تاربيەشىسى اتا-اناسى ەكەنى انىق. وتباسى قانداي بولسا، ٴوسىپ كەلە جاتقان ۇرپاق تا سونداي بولادى، بالا اكە-شەشەسىنىڭ ۇلگىسىندە تاربيەلەنەدى. ەندەشە وسكەلەڭ ۇرپاق ەل تىزگىنىن ۇستايتىنداي ازامات بولسىن دەسەك اتا-انالارمەن جۇرگىزىلەتىن جۇمىستاردىڭ جاڭاشا باعىتتارىن قاراستىرىپ، كەلەشەكتە جاس ۇرپاق بولاشاق ەلىمىزدىڭ تۇتقاسى بولۋىنا مەكتەپ، اتا-انا، ۇستاز بولىپ ىقپال ەتە ٴبىلۋ ماڭىزدى.

وتباسى – تاربيە كوزى، مەكتەپ ونى شىڭداۋشى. «تاربيەسىز بەرىلگەن ٴبىلىم – تۇل» دەپ ۇلى عۇلاما ٴال-فارابي اتاپ كورسەتكەندەي، ٴبىلىمدى ۇرپاق تاربيەلەۋدىڭ اتا-انا مەن مەكتەپتىڭ تىعىز بايلانىسىندا ٴوتۋى بيىك ناتيجەگە جەتكىزەدى.

ساندۋعاش بايميشەۆا،

اتا-انالار قاۋىمداستىعىنىڭ مۇشەسى

سولتۇستىك قازاقستان وبلىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي