BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

ٴاسۇي سۇلگىلەرىنىڭ ٴقاۋپى انىقتالدى

ٴاسۇي سۇلگىلەرىن كوپ قولدانعان كەزدە ونداعى پاتوگەندى ميكروورگانيزمدەر كوبەيىپ، تاعامنان ۋلانۋعا اكەپ سوعادى. بۇنى ماۆريكيا ۋنيۆەرسيتەتىنىڭ عالىمدارى انىقتادى، دەپ حابارلايدى ۆaq.kz اقپارات اگەنتتىگى.

مامانداردىڭ زەرتتەۋ جۇمىسى eurekalert پرەسس-رەليزىندە جازىلعان.

ساراپتاما بارىسىندا ٴبىر اي بويى قولدانىلعان 100 ٴاسۇي سۇلگىسى زەرتتەلدى. عالىمدار باكتەريالاردىڭ ۇلگىلەرىن جيناپ، ٴوسىردى. سودان سوڭ ستاندارتقا ساي بيوحيميالىق ادىستەرمەن تەڭەستىردى. سونىمەن قاتار، باكتەريالاردىڭ مولشەرىن – تالداۋ جاسالعان سۇلگىدەگى باكتەريالاردىڭ سانىن انىقتادى.

ناتيجەسىندە سۇلگىلەردىڭ 49 پروسەنتىندە باكتەريالاردىڭ ٴوسۋى وتباسىنداعى بالالار مەن باسقا دا ادامداردىڭ سانىنا تاۋەلدى بولدى. ال پاتوگەندى ميكروفلورالاردىڭ اراسىندا كوليمورفتى باكتەريالار (36،7 پروسەنت)، ەنتەروكوكتار (36،7 پروسەنت) جانە ستافيلوكوكك (14،3 پروسەنت) تابىلدى.

كوليمورفتى باكتەريالار (ىشەك تاياقشاسى توبىنىڭ باكتەريالارى، ٴىتتب) دىمقىل جانە كوپ قولدانىلعان سۇلگىلەردەن انىقتالدى. ۇيدە ەت ونىمدەرىن جەۋ ٴىتتب جانە ستافيلوكوكك باكتەريالارىن كوبەيتەتىن بولىپ شىقتى. بۇل پاتوگەندى ميكروورگانيزمدەر تاماققا ٴتۇسىپ، اسقازان-ىشەك جولدارىن بۇزۋى مۇمكىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي