BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

استانانىڭ ۇزدىك ٴمۇعالىمى انىقتالدى 

بۇگىن وقۋشىلار سارايىندا استانا قالاسىنداعى ەڭ ۇزدىك ٴمۇعالىم انىقتالىپ، بايقاۋ فيناليستەرى «ۇزدىك پەداگوگ- 2018» رەسپۋبليكالىق cايىسقا جولداما الدى، دەپ حابارلايدى baq.kz ٴتىلشىسى.

استانا قالاسى ٴبىلىم بەرۋدى جاڭعىرتۋ ورتالىعى ديرەكتورىنىڭ ورىنباسارى نۇرجامال ٴازىمبايدىڭ ايتۋىنشا، بايقاۋعا قاتىسۋعا 51 ٴمۇعالىم ٴوتىنىش بىلدىرگەن.

«16 مامىر مەن 19 مامىر ارالىعىندا استانا قالاسىنىڭ ٴبىلىم بەرۋدى جاڭعىرتۋ ورتالىعى جانە ٴبىلىم باسقارماسى قالا كولەمىندە تەحنيكالىق ٴبىلىم بەرۋ، ورتا ٴبىلىم بەرۋ، مەكتەپكە دەيىنگى جانە قوسىمشا ٴبىلىم بەرۋ ۇيىمدارىمەن «ۇزدىك پەداگوگ- 2018» بايقاۋىن وتكىزىپ جاتىر. ٴبىرىنشى كەزەڭدە بىزگە 51 ٴمۇعالىم ٴوز جۇمىستارىن تاپسىردى. بايقاۋدىڭ قورىتىندى كەزەڭىنە 3 كەزەڭدە ەڭ ۇزدىك ناتيجەلەردى كورسەتكەن 8 كونكۋرسانت قاتىستى. سول 8 ٴمۇعالىمنىڭ ىشىنەن «ەڭ ۇزدىك ٴمۇعالىم-2018» انىقتالىپ، رەسپۋبليكالىق بايقاۋعا قاتىسۋعا جولداما الدى»، - دەدى ول.

№9 زەردە ماتەماتيكا مەكتەبىنىڭ ٴمۇعالىمى كۇشاي تەردىكباي بايقاۋدىڭ باس جۇلدەسىنە يە بولىپ، 1 745 000 تەڭگە سوماسىندا قارجىلاي سىياقىعا يە بولدى. 1-ورىن العان №68 مەكتەپ-ليسەيىندەگى تاريح ورتا مەكتەبىنىڭ ٴمۇعالىمى جانار سابانبايەۆعا 1 654 000 تەڭگە، 2-ورىن العان №68 مەكتەپ-لييەسىندەگى قازاق ٴتىلى جانە ادەبيەتى مەكتەبىنىڭ ٴمۇعالىمى قۋانىش قالاسوۆاعا 1 561 000 تەڭگە، 3-ورىن يەگەرى №66 مەكتەپ-ليسەيىنىڭ باستاۋىش سىنىپ ٴمۇعالىمى مەرۋەرت قابيەۆاعا 1 012 000 تەڭگە تابىستالدى.

بايقاۋ ناتيجەلەرى بويىنشا ٴارتۇرلى نومينياسيا بويىنشا لاۋرەات اتانعان «ادىسكەر ٴمۇعالىم» №15 مەكتەپ-ليسەيى باستاۋىش ٴمۇعالىمى كازبەكوۆا امانكۇل، «شىعارماشىل ٴمۇعالىم» №50 مەكتەپ-ليسەيىنىڭ گەوگرافيا ٴپانى ٴمۇعالىمى ساۋلە بولاتبايەۆا ، «ەرۋديت ٴمۇعالىم» №16 ورتا مەكتەبى باستاۋىش سىنىپ ٴمۇعالىمى زاۋرەش جاقىپوۆا، «جاڭاشىل ٴمۇعالىم» №22 مەكتەپ-گيمنازياسىنىڭ ماتەماتيكا ٴپانى ٴمۇعالىمى 200 000 تەڭگەگە يە بولدى.

قالالىق كەزەڭنىڭ فيناليستەرى 2018 جىلعى تامىز – قىركۇيەكتە وتەتىن «ۇزدىك پەداگوگ - 2018» رەسپۋبليكالىق بايقاۋىنا قاتىسادى.

ايتا كەتسەك، بايقاۋ 3 كەزەڭ بويىنشا ٴوتتى:

i تۋردا قالالىق مەكتەپتەن 51 قاتىسۋشى بايقاۋدىڭ ساراپتاۋ كوميسسياسىنىڭ قاراۋىنا پورتفوليولارىن ۇسىندى، وندا ٴمۇعالىمنىڭ شىعارماشىلىق جۇمىسى، جۇمىستاعى جەتىستىكتەرى مەن وقۋشىلارىنىڭ جەتىستىكتەرى كورسەتىلگەن.

ii تۋردا 1-تۋردان تابىستى وتكەن مۇعالىمدەر ساباقتارىنىڭ بەينەماتەريالدارىن ۇسىندى.

iii قورىتىندى تۋرعا ەڭ ۇزدىك ناتيجەلەردى كورسەتكەن 8 كونكۋرسانت قاتىستى.

ايتا كەتسەك، بايقاۋدىڭ قازىلار القاسى مۇشەلەرىنىڭ قۇرامىنا ماسليحات دەپۋتاتتارى، استانا قالاسى ٴبىلىم باسقارماسىنىڭ وكىلدەرى، نازاربايەۆ زياتكەرلىك مەكتەپتەرى، «ورلەۋ» بكي، «استانا دارىنى» ورتالىعى، استانا قالاسىنىڭ «ادىلەت» ٴبىلىم بەرۋ قىزمەتكەرلەرى كاسىپوداعى مەن اتا-انالار قوعامداستىعىنىڭ وكىلدەرى ەندى.

اتالعان بايقاۋ پەداگوگيكالىق ەڭبەكتىڭ بەدەلىن كوتەرىپ، استانالىق ۇزدىك مۇعالىمدەردىڭ اراسىنان كرەاتيۆتى پەداگوگتى انىقتاۋعا مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي