BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

استانالىق عالىمدار قاتتى وتىن الۋدىڭ بالامالى ٴادىسىن تاپتى

«نازاربايەۆ ۋنيۆەرسيتەتى» جانىنداعى national laboratory astana عىلىمي-زەرتتەۋ توبى قاتتى تۇرمىستىق قالدىقتاردى جويۋمەن قاتار ٴبىر مەزەتتە سينتەتيكالىق گاز الۋ جوباسىمەن جۇمىس جاساۋدا. ول الداعى ۋاقىتتا ەلەكتر مەن جىلۋ ەنەرگياسىن وندىرۋگە باعىتتالعان، دەپ حابارلايدى ەلوردا اكىمدىگىنىڭ رەسمي سايتى.

عىلىمي قىزمەتكەرلەر، وقىتۋشىلار مەن ۋنيۆەرسيتەتتىڭ ستۋدەنتتەرى ماۋسىم كەزىندە ٴبىر رەت پوليگونعا كەلىپ، بەس كۇن ىشىندە قوقىستاردى سۇرىپتاۋمەن اينالىسادى. ولار وزدەرى ٴۇشىن قاعاز، تەكستيل، ۇساق پلاستيكتەردىڭ ۇلگىسىن جيناپ الىپ كەتەدى. بۇل ماتەريالدار تاجىريبە وتكىزۋ ٴۇشىن كەرەك، ماقساتى – ورتەگەن كەزدە قۇرعاق جاناتىن قالدىقتى الۋ.

«ٴبىز بۇل جەردەن ٴاربىر كولىكتەن شامامەن 250-300 كگ جيناق الىپ كەتەمىز دە، تۇگەلدەي سۇرىپتايمىز. ٴبىرىنشى، شامامەن 30% ەكىنشى شيكىزاتقا كەتەدى. ونىڭ قالعان 70% - قاعاز، پلاستيك، تەكستيلدى ٴوز بازامىزدا ٴبىر قالىپقا كەلتىرىپ، ميلليمەترگە دەيىن ۇگىتەمىز دە تەرميكالىق اناليز جۇرگىزەمىز. ونىڭ نەدەن تۇراتىنى، ەلەمەنتتىك قۇرامىن، كالورياسىن، قانشا شايىر بولەتىنىن انىقتايمىز»، - دەيدى جوبا جەتەكشىسى phd ەربول سارباسوۆ.

عالىمدار مىناداي تۇجىرىمعا كەلىپ وتىر: ورتەنگەننەن قالعان قۇرعاق قالدىقتى ەكى تاسىلمەن جويۋعا بولادى: گازيفيكاسيا – مەتان الۋ جانە قايناپ جاتقان قاباتتا كومىرمەن بىرگە ورتەۋ. ەكىنشى ٴتاسىل قىسقى ماۋسىمدا كوممەرسيالىق عيماراتتاردى جىلىتۋ ٴۇشىن وتە پايدالى.

«ونىڭ يدەياسى مىنادا، قاتتى تۇرمىستىق قالدىقتاردى بىرتىندەپ قۇرتۋ ٴۇشىن كوممۋنالدىق قاجەتتىلىك ٴۇشىن پايدالانۋ نۇسقاسى ياعني جىلۋ ەنەرگياسىن ٴوندىرۋ ٴۇشىن ەنەرگەتيكانى بارلىق ستانسيادا كومىرمەن بىرگە ورتەۋ»، - دەدى ە. سارباسوۆ.

عىلىمي-زەرتتەۋ جوباسىنىڭ جۇمىستارى ٴبىر جىلعا سوزىلماق. وعان گەرمانيا مەن كانادادان كەلگەن كونسۋلتانتتار قاتىسپاق. جوبانى استانا اكىمدىگى مەن وكم وپەراتورلارى قولدادى. وسى ۋاقىت ارالىعىندا عالىمدار قوقىستىڭ قۇرامىن زەرتتەپ استانالىق ازاماتتاردىڭ قىسقى كەزدە كوبىنە شىنىدان جاسالعان بۇيىمداردى كوبىرەك قوقىسقا تاستايتىنىن، ورگانيكالىق قوقىستار نەبارى 10%، ال جازدا ورگانيكانى كوبىرەك تاستايدى دەگەن قورىتىندىعا كەلدى.

«بىزدە استانا قالاسىنىڭ قوقىس مورفولوگياسى تۋرالى قولىمىزدا مالىمەت جەتكىلىكتى. ونىڭ ۇستىنە، باسقا دا وبەكتىلەردىڭ مورفولوگياسىن زەرتتەدىك، ياعني حالىقارالىق اۋەجاي، مەگا silkway ساۋدا-ويىن ساۋىق ورتالىعى. ولار تۇرعىن ۇيلەرمەن سالىستىرعاندا ٴارتۇرلى، مورفولوگياسى دا باسقاشا. ونى ٴبىلۋ ماڭىزدى. دەمەك قالا ٴتۇرلى كوممەرسيالىق جانە تۇرعىن ٴۇي وبەكتىلەرىنەن قۇرالعان.

كەلەسى كەزەڭ – وسى تاجىريبەنى وتكىزۋگە تىرىسۋ، كومىرمەن بىرگە ورتەۋ جانە گازيفيكاسيامەن بايلانىستى. ٴبىراق بۇل زاتتاردى الدىمەن زەرتحانامىزدا رەت-رەتىمەن تاجىريبەدەن وتكىزەمىز. سەبەبى بۇل عىلىمي جوبا كوممەرسيالىق ەمەس»، - دەدى جوبا جەتەكشىسى ەربول سارباسوۆ.

ول سونىمەن قاتار قاتتى تۇرمىستىق قالدىقتاردى جويۋ ەسەبىنەن قۇرعاق گاز بەن نەمەسە قاتتى وتىن الۋدىڭ اۋقىمدى جۇمىستارىن ايتۋعا ٴالى ەرتە ەكەنىن ايتتى. مۇندا قالا حالقىنىڭ سانى رول وينايدى. ەسەپشوت 5 ميلليون تۇرعىنعا جەتكەن كەزدە سوعان سايكەس قاتتى تۇرمىستىق قالدىقتار دا كوبەيىپ، قتق قالدىعىن ورتەپ قۇرعاق قالدىقتى الۋدىڭ پايىزى وسە تۇسپەك.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي