BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

استانادا فيزيكا ماماندارى جاڭا زەرتتەۋلەردى پىسىقتادى

استانا، baq.kz. 10 قازاننان باستاپ نازاربايەۆ ۋنيۆەرسيتەتىندە العاش رەت «قازاقستاندىق فيزيكالىق قوعامنىڭ» جىل سايىنعى جينالىسى ٴوتىپ جاتىر. شارانىڭ نەگىزگى ماقساتى – قازاقستاننىڭ عالىمدارى اراسىنداعى ٴوزارا ارەكەتتەستىگىن كۇشەيتۋ مەن ٴبىلىم الماسۋعا ارنالعان پلاتفورما قۇرۋ.

سونىمەن قاتار بۇكىل الەمدەگى اكادەميالىق، ينجەنەرلىك جانە وندىرىستىك ۇيىمداردا قىزمەت اتقاراتىن فيزيكا ماماندارىمەن حالىقارالىق ىنتىماقتاستىقتى دامىتۋ.

جينالىس قاتىسۋشىلارى قازاقستاندىق عالىمداردىڭ باياندامالارىن تىڭداپ، سىزىقسىز گاميلتون تورلارى، قازىرگى زامانعى فوتونيكا، يمپۋلستى يوندى inura ۇدەتكىشىنىڭ مۇمكىندىكتەرى، كوسموستاعى توزاڭدى پلازما جانە ت.ب. كوپتەگەن زەرتتەۋىن پىسىقتاپ تالقىلاۋعا بەل بۋدى.

جينالىس قازاقستاندىق فيزيكالىق قوعامىنىڭ استانا قالاسى بويىنشا فيليالى، نازاربايەۆ ۋنيۆەرسيتەتى جانە ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ۇيىمداستىرىلۋىمەن وتەدى.

ونىڭ عىلىمي باعدارلاماسى بويىنشا كوميتەتتىڭ جۇمىسىنا ٴال-فارابي اتىنداعى قازاق ۇلتتىق ۋنيۆەرسيتەتى، نازاربايەۆ ۋنيۆەرسيتەت، ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتى، ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى، قازاقcتان-بريتان تەحنيكالىق ۋنيۆەرسيتەتى جانە ت.ب. قازاقستان رەسپۋبليكاسىڭ جوعارعى وقۋ ورىندارىنىڭ ۇزدىك دەپ تانىلعان عىلىمي قىزمەتكەرلەر بەلسەنە اتسالىستى.

«قازاقستاندىق فيزيكالىق قوعام» رەسپۋبليكالىق قوعامدىق بىرلەستىگى جۇمىسىن ٴبىر جىلدان بەرى جۇرگىزۋدە. فيزيكالىق قوعامنىڭ نەگىزگى ماقساتتارى – فيزيكا عىلىمىن دامىتۋ مەن فيزيكا ٴبىلىمىنىڭ تارالۋىنا ۇلەس قوسۋ، عىلىم جانە ٴبىلىم باسقارۋ سالاسىندا، سونداي-اق جوعارى تەحنولوگيالى ٴوندىرىستى دامىتۋ بويىنشا ساراپتاما جۇرگىزۋ جانە كەڭەس بەرۋ، فيزيكا عىلىمىن قازاقستاندىق قوعام اراسىندا ٴتۇسىندىرىپ تاراتۋ، وتاندىق عالىمداردىڭ ٴوزارا ارەكەتتەستىگىن كۇشەيتىپ، حالىقارالىق ىنتىماقتاستىقتى دامىتۋ.

جينالىس 13 قازاندا اياقتالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي