BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

استانادا ونەرلى روبوتتاردىڭ بالى ٴوتىپ جاتىر

فوتو: Нұржас Жақсыбай

استانادا 7 تامىز بەن 26 قىركۇيەك ارالىعىندا «نۇر الەم» سفەراسىندا ەلوردا تۇرعىندارى روبوتتار بالىن تاماشالاي الادى. كەلۋشىلەردى امەريكا، ەۋروپا، وڭتۇستىك كورەيا جانە جاپونيا سياقتى ەلدەردەن اكەلىنگەن ونەرلى روبوتتار قۋانتاتىن بولادى، دەپ حابارلايدى baq.kz ٴتىلشىسى.

كورمەنى ۇيىمداستىرۋشىلاردىڭ ٴبىرى سۋپحون زيابايەۆ روبوتتاردىڭ الەمنىڭ تۇكپىر-تۇكپىرىنەن، ياعني انگليا، رەسەي، اقش، كورەيا، جاپونيادان كەلگەنىن اتاپ ٴوتتى. روبوتتار بالى العاش رەت 2015 جىلى ماسكەۋ قالاسىندا وتكەن.

«بۇل شارا جىلدان-جىلعا تانىمال بولا ٴتۇستى. ٴار جىل سايىن 5 مىڭنان 7 مىڭعا دەيىن ادام كورمەنى تاماشالاۋعا كەلەدى. روبوستانسيا مەن روبوتتار بالى بالتىق بويى ەلدەرىندە، رەسەي قالالارىندا ٴوتتى. وسى جولى استانادا، وسىنداي اسەم عيماراتتىڭ ىشىندە ٴوتۋى ٴبىز ٴۇشىن قۇرمەت. روبوتتارىمىز وسى عيماراتتىڭ ينتەرەرىمەن، ديزاينىمەن تاماشا ۇيلەسىم تاۋىپ وتىر. مۇندا 20 روبوت اكەلدىك. سونداي-اق، ٴارتۇرلى ينتەراكتيۆتى ويىنداردى ۇسىنىپ وتىرمىز»، - دەدى ول.

ول سۋرەتشى الەكساندر گەسويدىڭ تۋىندىسى «كوشە مۋزىكانتتارى» دەپ اتالاتى روبوتتاردىڭ مۋزىكالىق توبى تۋرالى ايتىپ بەردى. مۋزىكانتتاردىڭ اراسىندا سكريپكاشى، بارابانشى جانە قالپاق تىگۋشى بار. بۇل ەكسپوناتتىڭ باسقالاردان ەرەكشەلىگى قوقىس قالدىقتارىنان قۇراستىرىلعاندىعى.

«روبوستانسيانى قۇرعانداعى نەگىزگى ماقساتىمىز ينجەنەرلىك يدەيا تۋدىرۋ. قازىرگى زاماننىڭ جاستارى، بالالار روبوتوتەحنيكاعا قىزىقسا دەگەن ويمەن جاسادىق. روبوتتار ادامداردى الماتىرا المايدى، ولار ٴبىزدىڭ ٴومىرىمىزدى جەڭىلدەتەتىن بولادى. ولار ٴبىرقالىپتى جۇمىستى ىستەپ، ومىرىمىزدەگى بارلىق سالاعا كومەكتەسەتىن بولادى. وسى جاعدايدا ولار ٴوز بەتىمەن ٴومىر سۇرە المايدى»، – دەدى سۋپحون زيابايەۆ.

فوتو: نۇرجاس جاقسىباي

كەشتىڭ باستى قوناعى – ۇلىبريتانيالىق روبوت گۋمانويد تەسپيان. كۇلىپ-جىلاي الاتىن روبوت قوناقتارمەن اڭگىمە-دۇكەن قۇرىپ قانا قويماي، ٴان سالىپ، شەكسپيردىڭ شىعارمالارىن وقي الادى. ۇيىمداستىرۋشىلاردىڭ ايتۋىنشا، روبوت تەاترلاندىرىلعان قويىلىمدارعا دا قاتىسقان.

«ول سىزدەرگە شىعارمالاردان ٴۇزىندى ايتىپ بەرە الادى. مىسالى، شەكسپيردىڭ «گاملەتىن» ورىس جانە اعىلشىن تىلىندە ورىنداپ بەرەدى. بۇل روبوت وسىنداعى باسقا روبوتتار سەكىلدى ٴارتۇرلى قالدىقتاردان، قايتا وڭدەلگەن ماتەريالداردان جاسالعان»، - دەدى ستەنديست نۇرلىبەك كانالى.

روبوتتار بالىنا كەلۋشىلەر روبوتتاندىرىلعان احاج ارقىلى رەسمي ەمەس فورمادا نەكەلەسە الادى.

«مۇندا روبواحاج نەمەسە ماحاببات روبوتى قويىلعان. ونىڭ كومەگىمەن «قانشا بالاڭىزدىڭ بولعانىن قالايسىز؟» نەمەسە «ماحاببات قانشا ۋاقىتقا دەيىن سوزىلادى؟» دەگەن سياقتى سۇراقتارعا جاۋاپ بەرۋ ارقىلى ٴاربىر جۇپ وزدەرىنىڭ قاتىناستارىن تەكسەرىپ، سودان كەيىن نەكەلەرىن تىركەپ، روبوتتان كۋالىك پەن جۇزىك، ەستەلىككە فوتو الا الادى. مۇنىڭ ٴبارى تولىقتاي تەگىن، ٴبىراق زاڭدى كۇشى جوق. بۇل ٴوزى سونداي قىزىقتى ٴراسىم»، - دەدى ستەنديستەردىڭ ٴبىرى.

فوتو: نۇرجاس جاقسىباي

«روبوپوليس» كورمەسىنىڭ اياسىندا «نۇر-الەم» سفەراسىنىڭ ٴبىرىنشى قاباتىندا ٴۇش مودۋلدەن تۇراتىن ۆيرتۋالدى شىندىق زوناسى قويىلعان.

«ٴبىرىنشى مودۋل – الماتى جانە استانا قالالارىنا ارنالعان تۋر، مۇندا vr-كوزىلدىرىك كيىپ استانانىڭ 16، ال الماتىنىڭ 13 باستى قوناقجاي جەرىن كورۋگە بولادى. ەكىنشى مودۋل ول game-room، ياعني ويىن بولمەسى. مۇندا ٴاربىر ادامعا ۆيرتۋالدى شىندىق الەمىنە ەكسكۋرسيا وتكىزۋگە ارنالعان ينتەراكتيۆتى گيد بار. ٴۇشىنشى مودۋل – ەتنواۋىل. مۇندا وتكەنگە ورالىپ، قازاقتاردىڭ ەتنواۋىلىن كورە الاسىز. كيىز ۇيگە اياق باسقاننان كەيىن اتا-بابامىزدىڭ قالاي ٴومىر سۇرگەنىن اڭعارۋعا بولادى. سونداي-اق، ونلان رەجيمدە جەبە، ساداق قولدانۋعا بولادى»، - دەدى جاڭا تەحنولوگيالار دەپارتامەنتى ديرەكتورىنىڭ ورىنباسارى قۋانىش دايىربەكوۆ.

ايتا كەتسەك، «روبوتتار بالىن» 7 تامىزدان باستاپ 10:00-دەن 20:00-گە دەيىن «نۇر الەم» سفەراسىنان كورۋگە بولادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي