BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

استانادا 15 جىل بويى جەكە نىسانى بولماعان مەكتەپكە عيمارات ٴبولىندى

اسەت يسەكەشەۆ جاڭا مەكتەپتەرگە عيمارات بولۋگە بايلانىستى ٴبىرقاتار شەشىمدەر قابىلدادى، دەپ حابارلايدى ەلوردا اكىمدىگىنىڭ رەسمي سايتى.

سوڭعى 7 جىلدا ەلوردادا ورتا ٴبىلىم بەرۋ سالاسىندا وقيتىندار سانى 2 ەسەگە ٴوسىپ، 143 مىڭنان استام وقۋشىنى قۇرادى. كوشى-قون جانە تۋۋ ەسەبىنەن جىل سايىن ٴوسىم ورتا ەسەپپەن 15-18 مىڭعا جەتتى.

وسى رەتتە ەلوردا اكىمدىگى قالا ينفراقۇرىلىمىنىڭ قارقىندى دامىپ جاتقاندىعىن ەسەپكە الا وتىرىپ، مەكتەپتەرگە تۇسەتىن جۇكتەمەنى تومەندەتۋ تۇرعىسىندا جۇمىس جاساۋدا. 2018 جىلدىڭ وزىندە 7 مىڭ ورىندىق 6 مەكتەپ پايدالانۋعا بەرىلەدى. الداعى 24 مەكتەپپەن مەكتەپتەرگە جاپسارلاس 10 عيماراتتىڭ قۇرىلىسى جوسپارلانعان.

جاڭا وقۋ جىلى قارساڭىندا «اشىق اكىمدىك» جوباسى قاعيداسىن ىسكە اسىرا وتىرىپ، استانا اكىمى اسەت يسەكەشەۆ مەكتەپتەرگە عيماراتتاردى ٴبولۋ مەن ولارعا تۇسەتىن جۇكتەمەنى تومەندەتۋگە قاتىستى ماسەلەنى كوتەرگەن اتا-انالار توبىمەن كەزدەسىپ، شەشىمىن تاپپاي كەلگەن پروبلەما جايىندا ولاردىڭ ٴوز اۋىزدارىن ەستىدى.

وسىدان 10 جىل بۇرىن قر پرەزيدەنتى نۇرسۇلتان نازاربايەۆتىڭ ٴوزى اشقان № 60 مەكتەپ-ليسەيدىڭ جۇكتەمەلىگىنە قاتىستى ماسەلە العاش رەت كوتەرىلىپ وتىرعان جوق. مەكتەپتىڭ كورسەتكىشى وتە جوعارى، الايدا ونداعى نەگىزگى پروبلەمالاردىڭ ٴبىرى جۇكتەمەنىڭ كوپتىگى.وتكەن جىلى ول مەكتەپتە 3558 ادام وقىسا، قازىرگى تاڭدا وقۋ ٴۇشىن 300 بالا قۇجات تاپسىرىپتى. بۇنىڭ سوڭعى كورسەتكىشتەر ەمەس ەكەندىگىن اتاپ وتكەن ٴجون.

اكىمنىڭ قاتىسۋىمەن وتكەن كەزدەسۋ بارىسىندا كۇمىسبەكوۆ كوشەسى مەن اباي داڭعىلىنىڭ قيىلىسىندا ورنالاسقان جاڭا مەكتەپتىڭ عيماراتىنا قاتىستى ٴبىلىم باسقارماسىنىڭ شەشىمى قايتا قارالعان بولاتىن. ەندى 1200 ورىنعا لايىقتالعان وقۋ ورنى № 60 مەكتەپ-ليسەيگە تيەسىلى بولماق.وسىلايشا ەلوردادا № 60 مەكتەپتىڭ عانا ەمەس سول اۋداندا ورنالاسقان № 1 جانە № 35 مەكتەپتەردىڭ جۇكتەمەلىگىن تومەندەتۋگە سەپتىگىن تيگىزىپ، بىرنەشە عيماراتتى بىرىكتىرەتىن العاشقى مەكتەپ كلاستەرى قۇرىلماق. مۇندايشەشىم اتالمىش مەكتەپتىڭ ٴبىلىم ساپاسى بويىنشا قالاداعى ۇزدىك مەكتەپتەر وندىعىنىڭ قاتارىندا ەكەندىگى ەسكرىلىپ شىعارىلدى. اتا-انالاردىڭ كوبىسى ٴوز بالالارىنىڭ وسىندا ٴبىلىم الۋىن قالاپ، ولاردى اتالمىش مەكتەپكە بەرۋگە تىرىسادى. بۇعان قوسا، وسى مەكتەپتە ٴبىلىم بەرەتىن بىلىكتىلىگى جوعارى مۇعالىمدەر قۇرامىن جاڭا كاسىپقويلار تولتىرماق. بۇل ٴوز كەزەگىندە مۇعالىمدەردىڭ جۇكتەمەلىلىگىن بىركەلكى جوسپارلاۋعا مۇمكىندىك بەرەدى.

قازىرگى تاڭدا اباي-كۇمىسبەكوۆتەگى جاڭا عيماراتتىڭ ەسىگى سول مەكتەپتە وقۋعا نيەت بىلدىرگەن بالالاردىڭ قۇجاتتارىن قابىلداۋ ٴۇشىن اشىق.

سونىمەن بىرگە، ٴبىلىم كۇنى قارساڭىندا دارىندى قىزدارعا ارنالعان «ٴبىلىم-يننوۆاسيا» ليسەيىنىڭ وقۋشىلارىن دا جاعىمدى جاڭالىقپەن قۋانتتى. بۇدان بۇرىن حابارلانعانداي، وقۋ ورنىنىڭ اشىلعاندىعىنا 15 جىل بولسا دا، وعان جەكە عيمارات بولىنبەگەن ەدى.

بۇگىن «ٴبىلىم-يننوۆاسيا» ليسەيىنىڭ وقۋشىلارى قالالىق، رەسپۋبليكالىق، حالىقارالىق ٴپان وليمپيادالارىندا جۇلدەلى ورىنداردى يەلەنىپ كەلەدى. بۇل ليسەيدە وقۋعا ٴتۇسۋ ٴۇشىن وتكىزىلەتىن كونكۋرستىڭ جوعارى ەكەندىگىن كورسەتسە كەرەك. دالىرەك ايتقاندا، ٴبىر ورىنعا 20 ادامنان كەلەدى.

اتا-انالاردىڭ ارىزىن تىڭداعان جانە دە اۋداننىڭ دامۋىن ەسەپكە قوسا العان اكىم 188 كوشەدە جاقىندا عانا بوي كوتەرگەن مەكتەپتى دارىندى قىزدارعا ارنالعان «ٴبىلىم-يننوۆاسيا» ليسەيىنە بەرۋدى ۇيعاردى. الداعى ۋاقىتتا ليسەي 5 سىنىپتان باستاپ وقىتۋ ٴۇشىن قوسىمشا بالالار جينايدى دەپ كۇتىلۋدە. بۇل، ٴوز كەزەگىندە بولاشاقتا جۇكتەمەنى ازايتۋعاكومەكتەسەدى.

سونىمەن قاتار، اسەت يسەكەشەۆ اكىمنىڭ ورىنباسارى قوسمان ايمۇحامەتوۆكە مەكتەپتى كىرمە جولمەن قامتاماسىز ەتۋ،187 كوشەدە جول قۇرىلىسىنا جۇمىستارىن جەدەلدەتۋدى تاپسىردى. اتالمىش جول مەملەكەتتىك باعدارلاما بويىنشا سالىنعان ۇيلەردىڭ اۋلالارىنا كىرۋگە مۇمكىندىك بەرەتىن قوسىمشا جولمەن قامتاماسىز ەتپەك. مەكتەپ اۋلاسىن اباتتاندىرۋ جۇمىستارى 25 تامىزعا دەيىن اياقتالادى دەپ جوسپارلانۋدا.

قازىرگى كەزدە جاڭا مەكتەپتىڭ ۋچاسكەسىندە ەكى مەردىگەر ۇيىم جۇمىس ىستەۋدە. جولداردى توسەپ، كىرەبەرىس جولداردى سالۋدا. تەرريتوريانى اباتتاندىرۋ جۇمىستارى 20 تامىزعا دەيىن اياقتالماق.

كەزدەسۋ سوڭىندا اسەت يسەكەشەۆ ٴبىلىم باسقارماسىنا سارىارقا اۋدانى اكىمدىگىمەن بىرلەسىپ ٴتيىمدى جول تاۋىپ، ونىڭ تەز ارادا امال جاساۋدى، سونداي-اق، عيمارات ٴبولۋ ساياساتىن تۇرعىنداردىڭ پىكىرىن، قاۋىپسىزدىك ماسەلەسىن، مەكتەپتەردەگى جۇكتەمەنى ەسەپكە الا وتىرىپ جۇرگىزۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي