BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

استانا مەكتەپتەرىنە جاڭا «پسيحولوگيا جانە ٴوزىن-وزى دامىتۋ» ٴپانى ەنگىزىلەدى

فوتو: zarabiajprzez24.pl

كەلەسى وقۋ جىلىنان باستاپ ەلوردا مەكتەپتەرىنە جاڭا «پسيحولوگيا جانە ٴوزىن-وزى دامىتۋ» ٴپانى ەنگىزىلەدى، دەپ حابارلايدى baq.kz اقپارات اگەنتتىگى elorda.info سايتىنا سىلتەمە جاساپ.

«كەلەسى جىلدان باستاپ استانانىڭ ٴبىلىم بەرۋ جۇيەسىنە ارنايى بالالار پسيحولوگياسى جانە ٴوزىن-وزى دامىتۋ ٴپانى ەنگىزىلەدى. بۇل ٴپان تەك كىتاپتاعىنى وقىتۋمەن شەكتەلمەيدى. بالالارعا وزدەرىن كىم ەكەنىن تۇسىنۋگە كومەكتەسەتىن ينتەراكتيۆتەر مەن ترەنينگتەر قولدانىلادى. كۋرس بىرنەشە مەكتەپكە ىعڭايلانىپ ازىرلەندى. جاڭا ٴپان 5 سىنىپتىڭ مەكتەپ باعدارلاماسىنا ەنگىزىلەدى»، - دەدى «استانا دارىنى» دارىندىلىقتى دامىتۋ جانە پسيحولوگيالىق قولداۋ ورتالىلىعىنىڭ عىلىمي كونسۋلتانتى الەكساندر تەسلەنكو.

عىلىمي كونسۋلتانت دۇنيەجۇزىلىك دەنساۋلىق ساقتاۋ ۇيىمىنىڭ مەكتەپ وقۋشىلارىنىڭ 70%-ى تۇزەتۋ كومەگىنە مۇقتاج ەكەنىن مىسالعا كەلتىردى. زاماناۋي بالالار يلليۋزيالىق الەمدە ٴومىر سۇرەدى، سوندىقتان ٴومىردىڭ قيىن كەزەڭىندە وزدەرىن قالاي ۇستاۋ كەرەكتىگىن بىلمەيدى. بۇل ەلوردالىق وقۋشىلارعا دا قاتىستى.

«استانادا قالىپتاسقان جاعداي الاڭداتارلىق – سۋيسيد جاساۋعا ارەكەتتەنۋ نەمەسە وز-وزىنە قول سالۋ بار. كوپ جاعدايدا بۇل ارەكەتتىڭ سەبەبى انىقتالماي جاتادى. بالالار كوپتەگەن كۇيزەلىس فاكتورلارىنىڭ ورتاسىندا قالىپ، ەڭ سوڭىندا جيناقتالىپ، سوڭى قايعىلى جاعدايمەن اياقتالادى. سەبەبى ولار وزدەرىن ەكسترەمالدىق جاعدايدا قالاي ۇستاۋ كەرەكتىگىن بىلمەيدى. مەكتەپ پسيحولوگتارى وسىنداي جاعدايدا وزدەرىن قالاي ۇستاۋ كەرەكتىگىنىڭ سسەنارييى مەن الگوريتمىن بەرىپ وتىرادى. ساباق فاكۋلتاتيۆ رەتىندە وتكەنىمەن، ونىڭ باعاسى اتتەستاتقا ەنگىزىلەدى»، - دەدى ول.

بالالاردىڭ پسيحولوگيالىق جاعدايىن كومپيۋتەرلىك دياگنوستيكا ارقىلى انىقتايتىن بولادى. ول ٴۇشىن قالادا سەگىز دياگنوستيكالىق ورتالىق اشۋ جوسپارلانىپ وتىر. نەگىزىنەن ولار مەكتەپتەردە بولادى.

«استانانىڭ ٴبىلىم باسقارماسى پسيحولوگيالىق جاعدايىن كومپيۋتەرلىك دياگنوستيكا ادىستەمەسىن الۋ ٴۇشىن سانكت-پەتەربۋرگتىڭ فيرماسىمەن كەلىسىم جاسايدى. وقۋشىلار دياگنوستيكانى كومپيۋتەرلىك ورتالىقتاردا وتەدى. پسيحولوگتار بالالارىڭ جاعدايىن اۆتوماتتى تۇردە وڭدەلگەن ناتيجەنى الادى. ٴبىز تاۋەكەلدى توپقا جاتاتىن توپتى انىقتاۋعا قاجەتتى اقپاراتتى الىپ، ٴارى قاراي ماقساتتى تۇردە سولارمەن جۇمىس ىستەيمىز»، - دەدى ول.

بۇعان قوسا مەكتەپ پسيحولوگتارىنىڭ بىلىكتىلىگىن ارتتىرۋعا اسا ٴمان بەرىلەتىنىن ايتتى.

«ٴبىزدىڭ پسيحولوگتاردىڭ دايىندىعى زاماناۋي تاجىريبەگە سايكەس كەلمەيدى. سونداي-اق مامان تاپشىلىعى ٴجيى كەزدەسەدى. كوبىنە ەڭبەكاقى كولەمى ۇنامايدى. جاڭا ٴپان قارجىلىق قالىپتاستىرۋى جاقسارتۋعا سەپتىگىن تيگىزەدى. سونىمەن بىرگە پسيحولوگتارعا ارنالعان وقۋ سەمينارلارىن وتكىزۋدى كوزدەپ وتىرمىز»، - دەدى الەكساندر تەسلەنكو.

ٴسوز سوڭىندا كونسۋلتانت استانادا الەۋمەتتىك پسيحولوگيالىق كومەك قىزمەتى تۇتاس وزگەرتىلەتىنىن ايتتى. اتا-انالار كلۋبتارى قۇرىلىپ، وندا پسيحولوگتار اتا-انالارعا كەز كەلگەن جاعدايدا وزدەرىن قالاي ۇستاۋ كەرەكتىگىنە ۇسىنىس بەرەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي