BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

اپاتتى مەكتەپتەر ماسەلەسىن «جاڭاسىن» سالۋ ارقىلى شەشەمىز – مىرزاحمەتوۆ

فوتو: Жамбыл облысы әкімдігінің баспасөз қызметі

استانا، baq.kz ٴتىلشىسى. بۇگىن جامبىل وبلىسىنىڭ اكىمى اسقار مىرزاحمەتوۆ ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا وڭىردەگى ٴبىلىم بەرۋ سالاسىندا اتقارىلىپ وتىرعان شارالار تۋرالى باياندادى.

وبلىستاعى 40 ورتا مەكتەپكە «نازاربايەۆ زياتكەرلىك مەكتەپتەرىنىڭ» ٴبىلىم بەرۋ جۇيەسى مەن ادىستەمەسى ەنگىزىلگەن. بىلتىر 45 مەكتەپتە جاراتىلىستانۋ عىلىمدارى پاندەرى اعىلشىن تىلىندە وقىتىلسا، بيىلعى وقۋ جىلىندا 277 مەكتەپتە 4 ٴپان بويىنشا اعىلشىن تىلىندە وقىتۋ باستالدى. 1 قىركۇيەكتەن باستاپ وبلىستىڭ بارلىق مەكتەبىندە 1 سىنىپتان باستاپ 8 سىنىپقا دەيىن وقۋشىلاردىڭ ۇلگەرىمىن باعالاپ، قاداعالاپ وتىراتىن جۇيە ەنگىزىلدى. بۇل جۇيەگە قالعان سىنىپتار كەلەر وقۋ جىلىندا كوشەتىن بولادى.

«بيىلعى وقۋ جىلىندا 3 ٴۇش اۋىسىمدى، 3 اپاتتى، 3 وقۋ ورنى تاپشى مەكتەپتەر ماسەلەسى شەشىلدى. قالعان 1 ٴۇش اۋىسىمدى، 4 اپاتتى مەكتەپ ماسەلەسى سالىنىپ جاتقان 5 مەكتەپ ەسەبىنەن شەشىلەتىن بولادى. الەۋمەتتىك، سونىڭ ىشىندە ٴبىلىم بەرۋ نىساندارى قۇرىلىسى بويىنشا ٴۇش جىلدىق جول كارتاسى ازىرلەندى. وعان 48 باسىم ٴبىلىم بەرۋ نىساندارىنىڭ قۇرىلىسى ەنگىزىلدى. بالالاردىڭ قاۋىپسىزدىگىن قامتاماسىز ەتۋ ماقساتىندا ٴبىلىم بەرۋ مەكەمەلەرىنىڭ 90 پايىزىندا كامەرا ورناتىلدى. كەلەر جىلى بۇل ماسەلە تولىقتاي شەشىلەدى»، - دەدى جامبىل وبلىسىنىڭ اكىمى.

بۇعان دەيىن، ايماق باسشىسى تۇرعىندار ٴۇشىن گازدى ۇيگە كىرگىزۋ باعاسى تومەندەتىلگەنىن جەتكىزگەن بولاتىن.

جالپى، وبلىس ورتالىعى تاراز قالاسىندا تاعى ەكى اۋدان پايدا بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي