BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

الماتىدا «ٴمۇعالىم مارتەبەسى» جونىندەگى زاڭ جوباسى تالقىلاندى

فوتو: Автор

الماتى، baq.kz ٴتىلشىسى. اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە «ٴمۇعالىم مارتەبەسى» جونىندەگى زاڭنىڭ جوباسى تالقىلاندى.

قر ٴبىلىم جانە عىلىم ۆيسە-مينيسترى ەلميرا سۋحانبەرديەۆانىڭ باسشىلىعىمەن وتكەن القالى جيىنعا مەكتەپ مۇعالىمدەرى، بالاباقشا تاربيەشىلەرى، ادىسكەرلەر، جوعارى وقۋ ورىندارىنىڭ وقىتۋشىلارى، رەكتورلار مەن پرورەكتورلار قاتىستى.

«ٴقازىر ٴبىلىم جانە عىلىم مينيسترلىگىنىڭ سايتىندا «ٴمۇعالىم مارتەبەسى» جونىندەگى زاڭنىڭ جوباسىن تالقىلاۋ ٴجۇرىپ جاتىر. زاڭ 2019 جىلدىڭ جازىندا قابىلدانادى، وعان دەيىن ونى ابدەن تالقىلاپ، تولىقتىرۋ قاجەت. سول ٴۇشىن بۇگىن سىزدەردىڭ الدارىڭىزعا كەلىپ وتىرمىز، سىزدەردىڭ ۇسىنىستارىڭىز بەن بارلىق پىكىرلەرىڭىز ەسكەرىلەتىن بولادى»، -دەدى ۆيسە-مينيستر.

جيىن بارىسىندا مۇعالىمدەر تاراپىنان پەداگوگتاردى ٴتۇرلى جۇكتەمەلەردەن بوساتۋ، ۇستازداردىڭ ەڭبەكاقاسىن كوتەرۋ، نەشە بۋىننان جالعاسىپ كەلە جاتقان مۇعالىمدەر اۋلەتىنە دە قاندايدا ٴبىر جەڭىلدىكتەر جاساۋ، بۇل سالاعا ەر ادامداردى كوپتەپ تارتۋ ٴۇشىن ولاردى اسكەري مىندەتتەن بوساتۋ سياقتى ۇسىنىس-پىكىرلەر ايتىلدى. سونداي-اق وسى زاڭمەن بارلىق پەداگوگتار قامتىلسا دەگەن دە پىكىرلەر ايتىلدى. اسىرەسە ەش جەردە زاڭدى جۇمىس ىستەمەيتىن رەپەتيتورلار دا وسى زاڭ اياسىندا قورعالسا دەگەن ۇسىنىستار دا ايتىلدى.

«بۇل زاڭنان ۇلكەن ٴۇمىت كۇتەمىز. باتىستىڭ بىلىمدەرىن جارتىلاي الماي نەگە تولىعىمەن الماسقا. ياعني، بىرىنشىدەن ٴمۇعالىمدى جوعارى جالاقىمەن قامتاماسىز ەتۋ، ەكىنشىدەن وقۋ جۇكتەمەسىن شەشۋ، ۇشىنشىدەن، جۇكتەمەگە ساي ساباققا دايىندالاتىن ۋاقىتتى دا ەسكەرۋ. تورتىنشىدەن، زەينەتاقى جاسى وقىتۋشىلىق قىزمەتتە ۇزدىكسىز 30 جىل ەمەس، 25 جىل ەتىپ جاساۋ، بەسىنشى، ٴمۇعالىمدى لايىقتى زەينەتاقىمەن قامتاماسىز ەتۋ. وسى ۇسىنىستار ەسكەرىلسە ٴمۇعالىم مارتەبەسى كوتەرىلەر ەدى دەپ ويلايمىن»، -دەيدى الماتى قالاسىنىڭ №175 گيمنازيانىڭ ٴمۇعالىمى ساۋلە سامساليەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي