BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

الماتىدا ٴبىلىمنىڭ جاڭا مازمۇنى بويىنشا 12 ملن استام وقۋلىق شىعارىلدى

بيىل جاڭا وقۋ جىلىنان باستاپ جالپى ٴبىلىم بەرەتىن مەكتەپتەردىڭ 3، 6 جانە 8-سىنىپتارى جاڭارتىلعان ٴبىلىم مازمۇنىنا كوشەدى، دەپ حابارلايدى baq.kz اقپارات اگەنتتىگى 24.kz سايتىنا سلىتەمە جاساپ.

جاڭا باعدارلاماعا ساي وقۋلىقتار دا دايىن. وسى ساتتە الماتىداعى ٴىرى باسپاحانالاردىڭ بىرىندە جاڭا وقۋلىقتاردىڭ سوڭعى دانالارى تۇپتەلىپ جاتىر. ٴۇش اۋىسىمدا جۇمىس ىستەپ جاتقان وندىرىستە تاۋلىگىنە 150 مىڭداي وقۋلىق جارىققا شىعادى. ەلىمىزدەگى 3،6 جانە 8-سىنىپتاردىڭ 906 417 وقۋشىسىنا 12 ميلليوننان اسا وقۋلىق دايىندالعان.

"20 تامىزعا دەيىن بارلىق كىتاپتاردى ايماقتارعا جونەلتەمىز. ٴبىز دايىنبىز. ەندىگى شارۋا تەك تاسىمالداۋشىلاردا. ولار قاي كەزدە كەلسە دە وقۋلىقتار دايىن. كەي كۇندەرى تۇنگى 12-1-لەرگە دەيىن وقۋلىقتاردى ارتىپ جىبەرەتىن كەزىمىز بولادى"، - دەدى باسپاگەر ىدرىس بەگاليەۆ.

ٴبىلىم مينيسترلىگى وكىلدەرىنىڭ ايتۋىنشا، وقۋلىقتار جەتكىلىكتى. ٴار وقۋشى جاڭا، ساپالى وقۋلىقپەن تەگىن قامتاماسىز ەتىلەدى. سوندىقتان باسپاگەرلەر، كىتاپسىز قالامىز دەپ، ەرتە قامداناتىن اتا-انالاردى سالماعى اۋىر، بوياۋى قانىق ەمەس، قاعازى ساپاسىز وقۋلىقتاردى ساتىپ الۋدان ساقتاندىردى.

"الماتىدا وقۋلىقتاردى زاڭسىز باسىپ شىعارعان ۇلكەن تيپوگرافيا انىقتالعان بولاتىن. ونىڭ باسشىلارى جاۋاپقا تارتىلدى. بۇل ٴبىر عانا جاعداي. جاسىرىن باسپالار تۇندە جۇمىس ىستەيدى. ولار ٴبۇتىن ٴبىر جۇيەمەن جۇمىس ىستەپ وتىر. ٴبىز بۇل تۋرالى قۇقىق قورعاۋ ورگاندارىنا ايتتىق"، - دەدى باسپا ديرەكتورى گاۋھار سايماسايەۆا.

جاڭا وقۋلىقتاردىڭ ساپاسىنان بولەك، مازمۇنىنا دا از سىن ايتىلمايدىدەگەنمەن، جاڭاشىلدىقتىڭ جەمىسىن كورەتىن كۇن الىس ەمەس ەكەن.

"ماسەلەن، قازاق ٴتىلى ٴپانى بويىنشا ٴبىز گەوگرافيالىق تاقىرىپتاردى وقىپ ۇيرەنىپ جاتامىز. ول دا ٴبىراز تۇسىنبەۋشىلىك تۋعىزدى. ٴبىراق جاڭارتىلعان ٴبىلىم مازمۇنىنداعى بۇكىل باعدارلامالاردىڭ ستاندارتى نەنى كوزدەيدى؟ بۇكىل پاندەر دۇنيەنىڭ ٴبىرتۇتاس كارتيناسىن قالىپتاستىرا ٴبىلۋى كەرەك. ٴبارى بالانىڭ ورتاق دۇنيەسىن ورتاق دۇنيەتامىن قالىپتاستىرۋى كەرەك. سوندىقتان ٴار ٴپان باسقا پاندەردى قولداي ٴبىلۋى كەرەك"، - دەپ ٴبولىستى وقۋلىق اۆتورى رۋسلان قاراتابانوۆ.

ايتا كەتەيىك، بيىلعى باسىلىپ شىعاتىن وقۋلىقتاردا ولاردىڭ ەلەكتروندىق نۇسقالارىنىڭ qr-كودى ورنالاستىرىلادى. وقۋشىلار قاجەت جاعدايدا كىتاپتى گادجەتتەردەن وقي الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي