BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

اقش-تا الەمدەگى ەڭ كۇشتى سۋپەركومپيۋتەر جاسالدى

فوتو: Ок-Ридж ұлттық зертханасы

جاڭا سۋپەركومپيۋتەر summit قۋاتى جونىنەن باسەكەلەستەرىنەن ٴۇش ەسە مىقتى. ونىڭ وندىرىستىك قۋاتتىلىعى 200 پەتافلوپس، ياعني ول ٴبىر سەكۋندتا 200 مىڭ تريلليون وپەراسيانى جاساي الادى دەپ حابارلايدى baq.kz اقپارات اگەنتتىگى ٴۆۆس-دىڭ ورىس قىزمەتىنە سىلتەمە جاساپ.

بۇل ماشينانىڭ وندىرىستىك قۋاتى 200 پەتافلوپستى قۇرادى نەمەسە ٴبىر سەكۋندتا 200 مىڭ تريلليون وپەراسيانى جاساي الادى.

بۇعان دەيىن ەڭ كۇشتى دەپ ەسەپتەلىنىپ كەلگەن قىتايلىق sunway taihu light سۋپەركومپيۋتەرىنىڭ وندىرىستىك قۋاتى 93 پەتافلوپس.

جالپى، summit ٴبىرىنشى كەزەكتە استروفيزيكا، راك زەرتتەمەلەرىندە جانە جۇيەلىك بيولوگيا سالارىندا قولدانىلاتىن بولادى. بۇگىندە سۋپەركومپيۋتەر تەننەسسي شتاتىنداعى وك-ريدج ۇلتتىق زەرتحاناسىندا تۇر. بۇل كومپيۋتەردى ibm كومپانياسى گرافيكالىق پروسەستەردى وندىرۋمەن اينالىساتىن nvidia-مەن بىرلەسىپ جاساقتادى.

summit سۋپەركومپيۋتەرى 4608 سەرۆەردەن تۇرادى جانە جەدەل جادىنىڭ 10 پەتابايتى بار. ونى جاساقتاۋعا 200 ملن دوللار كەتتى.

وك-ريدج زەرتحاناسىنىڭ ديرەكتورى توماس زاكاريا كومپيۋتەردى تانىستىرۋ سالتاناتىندا مالىمدەگەندەي، summit جاساقتالۋ بارىسىندا گەنومدىق جوبالار بويىنشا زەرتتەۋ جۇمىستارىندا قولدانىلدى.

«ماشينا قۇراستىرىلىپ جاتقان كەزدە انىقتاۋ وپەراسيالارى ٴۇشىن قولدانىلدى. وزدەرىڭىزدەردى دوڭگەلەگىن اۋىستىرىپ بىتپەيىنشە قوزعالىسىن توقتاتپايتىن ماشينانىنىڭ جۇرگىزۋشىسى رەتىندە ەلەستەتىڭىزدەرشى»، - دەدى ول.

جالپى، summit 20 مەگاۆاتت ەنەرگيانى تۇتىنادى – بۇل شاعىن قالانى قامتاماسىز ەتۋگە جەتەدى.

ايتا كەتەيىك، 2017 جىلى جاريالانعان ەڭ قۋاتى 500 كومپيۋتەردىڭ 143 اقش-تىڭ ارسەنالىندا بولسا، قىتايدىڭ ەنشىسىندە 202 سۋپەركومپيۋتەر بار.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي