BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

اقمولادا جاڭا وقۋ جىلىندا 4 مەكتەپ پايدالانۋعا بەرىلەدى

فوتو: автор

جاڭا وقۋ جىلىندا اقمولا وبلىسىنىڭ ٴبىرجان سال، ساندىقتاۋ، سەلينوگراد اۋداندارى مەن كوكشەتاۋ قالاسىندا 4 جاڭا مەكتەپ ەل يگىلىگىنە بەرىلەدى، دەپ حابارلايدى baq.kz ايماقتاعى ٴتىلشىسى.

ٴقازىر وبلىس مەكتەپتەرىندە جاڭا وقۋ جىلىنا دايىندىق بارىسى قارقىندى جۇرۋدە. بيىل 669،1 ملن تەڭگەگە 9 ٴبىلىم بەرۋ نىسانىنا كۇردەلى جوندەۋ جۇرگىزىلسە، 551 مەكتەپ 350،8 ملن تەڭگەگە اعىمداعى جوندەۋدەن ٴوتتى.

«جاڭا وقۋ جىلىندا وقۋشىلاردىڭ كەڭ سارايداي ادەمى دە جارىق مەكتەپتە ٴبىلىم الۋىن قامتاماسىز ەتۋ – باستى ماقسات. بيىل وڭىردەگى ٴبىرجان سال اۋدانىنىڭ نەۆسكوە سەلوسىندا 80 ورىندىق، ساندىقتاۋ اۋدانىنىڭ بالقاشين سەلوسىندا 200 ورىندىق، سەلينوگراد اۋدانىنىڭ قاراجار سەلوسىندا 120 ورىندىق، كوكشەتاۋدا 900 ورىندىق جاڭا ٴبىلىم وردالارى قولدانىسقا بەرىلەدى»، - دەيدى وبلىستىق ٴبىلىم باسقارماسى جەتەكشىسىنىڭ مىندەتىن اتقارۋشى ۆالەريي گامازوۆ.

وبلىس ورتالىعى كوكشەتاۋ قالاسىنىӊ بەت-بەينەسى سوӊعى جىلداردا قالاي وزگەرگەنى جەرگىلىكتى تۇرعىنداردىӊ كوز الدىندا. "سارىارقا" شاعىن اۋدانىندا قۇرىلىسى اياقتالعان 900 ورىندىق جاӊا مەكتەپ وسىنىӊ ٴبىر ايعاعى ىسپەتتەس. 2015-2019 جىلدارعا ارنالعان "نۇرلى جول" مەملەكەتتىك باعدارلاماسىن جۇزەگە اسىرۋ اياسىندا قولعا الىنعان اتالمىش جوباعا 1 408 263 مىӊ تەӊگە قاراجات بولىنگەن.

مەكتەپ جەتى بلوكتى بولىپ سالىندى. اۋماعى 2،7 گەكتاردى قۇرايدى. ٴبىلىم ورداسى ٴۇش ساتىلى، باستاۋىش، نەگىزگى جانە جالپى ورتا ٴبىلىم ساتىسى بويىنشا جانە ٴۇش قاتارلاس سىنىپقا ارنالعان. قۇرىلىس 2016 جىلدىӊ 18 شىلدەسىنەن باستالدى. بۇگىنگى كۇنى مەكتەپ عيماراتى قۇرىلىسىنىڭ ىشكى جۇمىستارى اياقتالىپ قالعان. نىساندى جاڭا وقۋ جىلىندا پايدالانۋعا بەرۋ كوزدەلىپ وتىر. سىرتقى كەلبەتى كوزتارتارلىق جاڭا مەكتەپ قالا تۇرعىندارىنا كەرەمەت تارتۋ بولارى ٴسوزسىز.

«قازىرگى ۋاقىتتا مەكتەپتىڭ اينالاسىندا اباتتاندىرۋ جۇمىستارى جۇرگىزىلۋدە. جۇمىسشىلاردىӊ بارلىعى دا وزدەرىنە تيەسىلى جۇمىستى ىقىلاسپەن ورىنداۋدا. مەكتەپ قابىرعاسىنىӊ قاӊقاسى مونوليتتەن قۇراستىرىلىپ، كىرپىشپەن قالانعان. كٴارىز جانە جىلۋ قۇبىرلارى تارتىلدى. قۇرىلىس ماتەريالدارىنىӊ بارلىعى دەرلىك وتاندىق ونىمدەر. مەكتەپ زاماناۋي ۇلگىدە بولعاندىقتان، حيميا، فيزيكا، ماتەماتيكا كابينەتتەرى مەن زەرتحاناسىنان بولەك، سپورت زالى، ستاديونى دا بولادى»، - دەيدى كوكشەتاۋ قالالىق ٴبىلىم ٴبولىمىنىڭ جەتەكشىسى بەيبىت ٴجۇسىپوۆ.

بيىل اقمولا وبلىسىندا 14،2 مىڭ ٴبۇلدىرشىن مەكتەپ تابالدىرىعىن العاش رەت اتتاماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي