BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

80 مىڭ اقمولالىق جالپىحالىقتىق ديكتانتقا قاتىسادى

استانا، baq.kz. الداعى اپتادا بۇكىل رەسپۋبليكا بويىنشا 2018 جىلعى 14 قاراشادا ساعات 11:00-دە وتەتىن لاتىن الىپبيىندەگى جالپىحالىقتىق ديكتانت بويىنشا كوكشەتاۋدا وتكەن بريفينگتە تۇسىنىكتەمە بەرىلدى. اقمولا وبلىسىنىڭ تىلدەردى دامىتۋ باسقارماسىنىڭ باسشىسى مارال جاقىپوۆا مەن وبلىستىق وقۋ-ادىستەمەلىك ورتالىعىنىڭ ادىسكەرى اسەمگۇل قارسابايەۆا جاڭا قازاق ٴالىپبيىن ناسيحاتتاۋ بويىنشا ٴىس-شارانىڭ بارىسى مەن ٴتارتىبى، ونى جازۋ ەرەكشەلىكتەرى تۋرالى ايتتى. بۇل تۋرالى ىشكى ساياسات باسقارماسىنىڭ ايماقتىق كوممۋنيكاسيا قىزمەتى حابارلايدى.

مارال جاقىپوۆانىڭ ايتۋىنشا، جالپى حالىقتىق ديكتانت 2025 جىلعا دەيىن قازاق ٴتىلى ٴالىپبيىن لاتىن گرافيكاسىنا بىرتىندەپ كوشىرۋ بويىنشا ٴىس-شارالار جوسپارىنا سايكەس جۇرگىزىلەدى. وعان 15 جاستان اسقان وبلىس تۇرعىندارى قاتىسا الادى.

ديكتانت جۇرتشىلىقتىڭ قازاق ٴتىلى ەرەجەلەرىنىڭ جوباسىن لاتىنشا نەگىزدە قابىلداۋىن تالداۋعا باعىتتالعان. ديكتانتتىڭ كولەمى شامامەن 80-90 ٴسوز، بەكىتىلگەن ٴماتىنى ارنايى بولىنگەن اۋديتوريالاردا، سونداي-اق الەۋمەتتىك جەلىلەردە ونلاين-ترانسلياسيا جانە رەسپۋبليكالىق راديوستانسيالاردا، emle.kz، tilalemi.kz سايتتارىندا تىكەلەي ەفير ارقىلى اۋديوجازبا تۇرىندە تاراتىلاتىن بولادى.

ديكتانت استانا ۋاقىتى بويىنشا ساعات 11:00-دە باستالادى جانە 30 مينۋتقا سوزىلادى. تانىسۋ، ديكتانت جازۋ جانە ەملە تەكسەرۋ ٴۇشىن ونىڭ ٴماتىنى ٴۇش رەت ايتىلادى: ٴاربىر دىبىستىق ينتەرۆال اراسىندا ويدى جيناقتاۋ جانە نازار اۋدارۋ ٴۇشىن ٴۇزىلىس بولادى.

ديكتانت شارتى بويىنشا ونىڭ ٴاربىر قاتىسۋشىسى تۇراتىن جەرىنە بايلانىستى ٴوزىنىڭ ديكتانتىنىڭ سكانەرلەنگەن نەمەسە سۋرەتكە تۇسىرىلگەن ٴماتىنىن تىلدەردى وقىتۋ ورتالىعىنىڭ ەلەكتروندىق مەكەن-جايىنا جىبەرەدى. ديكتانتتاردىڭ ٴتۇپنۇسقالارى قولىندا قالادى، سەبەبى ول اياقتالعاننان كەيىن emle.kz، tilalemi.kz سايتتارىندا دۇرىس تاڭداۋ مەن باعالاۋ كريتەرييلەرى شىعادى. ٴاربىر پايدالانۋشى ٴوز جۇمىسىن ولارعا سايكەس ٴوزى باعالايدى.

مامانداردىڭ ايتۋىنشا، ديكتانتقا بارلىق تىلەك بىلدىرۋشىلەر قاتىسا الادى، ەڭ باستىسى emle.kz، tilalemi.kz وسى سايتتاردىڭ باستى بەتىندە ورنالاسقان سىلتەمە بويىنشا ديكتانتتىڭ اۋديوجازباسىن بەلگىلەنگەن ۋاقىتتا تىڭداۋ كەرەك. سودان كەيىن ارنايى بولىنگەن ورىنداردا قاتىسۋشىلار سياقتى، ولار ٴوز ماتىندەرىن ortalyk_til@mail.ru ەلەكتروندىق پوشتاعا جىبەرەدى.

بريفينگ بارىسىندا ٴتىلشى-ساراپشىلار ۇسىنعان لاتىن الىپبيىندە قازاق ٴتىلىن جازۋ ەرەجەلەرىنىڭ جوباسى ٴتۇسىندىرىلدى. ولار جەكەلەگەن ارىپتەرگە، سوزدەردى بىرىكتىرىپ جانە بولەك جازۋعا، دەفيستەر مەن قىسقارتۋلاردى قولدانۋعا، شەتەل سوزدەرىن جازۋعا جانە ت. ب. قاتىستى. ۇيىمداستىرۋشىلاردىڭ ايتۋىنشا، جالپىحالىقتىق ديكتانتقا اقمولا وبلىسىنىڭ 80 مىڭعا جۋىق تۇرعىنى قاتىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي