BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

2020-2021 جىلدارى مەكتەپ وقۋلىقتارى تولىعىمەن جاڭا مازمۇنعا كوشەدى

فوتو: Автор

بيىلعى وقۋ جىلىنان باستاپ 3، 6 جانە 8 سىنىپتار جاڭا مازمۇنعا كوشىپ وتىر. 2020-2021 جىلدارى مەكتەپ وقۋلىقتارى تولىعىمەن جاڭا مازمۇنعا كوشەدى. بۇل جايىندا «وقۋلىق» رەسپۋبليكالىق عىلىمي-تاجىريبەلىك ورتالىعىنىڭ ديرەكتورى بەيبىتگۇل كاريموۆا باق وكىلدەرىمەن كەزدەسۋ بارىسىندا ايتتى، دەپ حابارلايدى baq.kz ٴتىلشىسى.

ونىڭ ايتۋىنشا، 2016 جىلدان باستاپ ٴبىلىم بەرۋ جاڭا مازمۇنعا كوشكەن، ول كەزدە ٴبىرىنشى سىنىپقا جاڭا باعدارلامالار ەنگىزىلىپتى.

«2017-2018 وقۋ جىلىندا 2، 5 جانە 7 سىنىپتار جاڭا ٴبىلىم مازمۇنىنا كوشتى. بيىلعى وقۋ جىلىنان باستاپ 3، 6 جانە 8 سىنىپتار كوشىپ وتىر. 2020-2021 جىلدارى ٴبىز جاڭا مازمۇنعا تولىعىمەن كوشەمىز. وقۋ ساپاسىن جانە ساراپتاما جۇمىستارىن جەتىلدىرۋ باعىتىندا ناقتى شارالار قابىلدانۋدا. ياعني، وقۋلىقتاردى ازىرلەۋدىڭ ادىستەمەلىك نۇسقاۋلىعى دايىندالىپ، وقۋلىقتار پيلوتتىق مەكتەپتەردە سىناقتان وتكىزىلۋدە. سونىمەن قاتار قوعامدىق باعالاۋ جۇمىسى جۇرگىزىلۋدە»، - دەيدى ول.

سونىمەن قاتار ول، وقۋلىقتاردىڭ سالماعىنا قاتىستى ناقتى ۇسىنىستار جاساعاندىقتارىن ايتتى.

«قازىرگى ەرەجە بويىنشا باستاۋىش سىنىپتاردا، ياعني 1-4 سىنىپتاردا وقۋلىق – 300 گر اسپاۋ كەرەك، 5-6 سىنىپ – 400 گر، 7-9 سىنىپ – 500 گر، 10-11 سىنىپتا – 600 گر. دەگەنمەن كوپشىلىك وقۋشىلاردىڭ سومكەسى اۋىر دەپ جاتادى، ويتكەنى نورماتيۆتىك تالاپتار تەك وقۋلىققا عانا قويىلعان. ٴبىز ٴوز كەزەگىمىزدە مينيسترلىككە وقۋشى سومكەسىنىڭ ناقتى سالماعىن انىقتاۋدى قوسۋدى جۇكتەدىك. سونداي-اق، وقۋشىنىڭ جۇمىس داپتەرىنىڭ سالماعىنا دا نورماتيۆتىك ٴتارتىپ ەنگىزۋدى سۇراپ وتىرمىز. باسپالارمەن كەلىسە وتىرىپ، وقۋلىقتاردىڭ ٴپىشىنىن دە وزگەرتۋدى سۇرادىق»، - دەيدى ب. كاريموۆا.

اتالعان ورتالىق جاڭا مازمۇنعا كوشۋ بارىسىندا 2017 جىلدىڭ قاراشا ايىندا كىتاپ اۆتورلارىمەن بىرگە ەلىمىزدىڭ 16 ايماعىن ارالاپ، مۇعالىمدەرمەن كەزدەسىپ، ولارمەن پىكىرلەسكەن. جانە جاسالىپ جاتقان كىتاپ بويىنشا قوعام پىكىرىنبىلۋ ٴۇشىن وقۋلىق ماكەتىن سايتتارىنا ٴىلىپ قويعان.

«سايتتا دا تالقىلاۋ ٴجۇردى، وعان 4 مىڭنان اسا ۇسىنىس حات كەلدى. ٴقازىر كەلەسى جىلى جاڭادان ەنگىزىلەتىن 4، 9 جانە 10 سىنىپتاردىڭ وقۋلىعى سايتىمىزدا تۇر. ول ٴالى باسپاعا كەتكەن جوق. سوندىقتان ونى اركىم كورىپ، ٴوز ۇسىنىسىن بىلدىرە الادى»، - دەيدى ول.

سونىمەن قاتار ول، تاسىمالداۋشىلاردىڭ كەسىرىنەن وقۋ جىلى باسىندا كەيبىر وڭىردە كىتاپ جەتىسپەۋشىلىگى ورىن الاتىندىعىن ايتىپ ٴوتتى.

«ٴار ايماق قانشا وقۋلىق كەرەك ەكەندىگى جونىندە باسپالارعا تاپسىرىس بەرەدى. باسپالار ۋاقىتىمەن شىعارادى. الايدا وقۋلىقتىڭ مەكتەپتەرگە جەتۋىنە كەلگەندە قيىندىقتار تۋىنداپ جاتادى. ويتكەنى تاسىمالداۋ جۇمىستارى تەندەر ارقىلى جۇرگىزىلەدى. ىسىنە جاۋاپسىز قارايتىن كاسىپكەرلەردىڭ كەسىرىنەن كەيدە وقۋلىقتار ۋاقىتىندا جەتپەي قالىپ جاتادى. ۇكىمەت وسى جاعىن قايتا قاراپ، بۇل ٴىستى جۇمىس ىستەي الاتىن كاسىبي ماماندارعا تاپسىرسا دەگەن ۇسىنىسىمىز بار»، - دەيدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي