USD 335.71 EUR 357.36 RUB 5.23
استانا:

تاۋەلسىزدىك جىلدارى يگەرىلگەن «تەڭىز» كەنىشى شيرەك عاسىردا الەمدەگى الىپ كاسىپورىنداردىڭ بىرىنە اينالدى

ەلىمىز ەگەمەندىك الىسىمەن سوناۋ 1993 جىلعى 6 ساۋىردە الماتىدا قازاقستان مەن اقش اراسىندا «تەڭىز» كەنىشىن بىرلەسە يگەرۋ تۋرالى شارتقا قول قويىلدى. ول كەزەڭدە تاۋەلسىزدىككە قول جەتكىزگەنىنە ەكى-اق جىل تولعان ٴبىزدىڭ ەلىمىز ٴالى اياعىنا تۇرىپ كەتە العان جوق-تى. پرەزيدەنت ن.ٴا.نازاربايەۆ كومىرسۋتەگى شيكىزاتىن يگەرۋگە سىرتتان مۇمكىندىگى مول، سالماقتى كومپانيالاردى تارتۋ قاجەتتىگىن، ولارمەن بىرلەسىپ ەڭبەك ەتۋ كەرەكتىگىن سول كەزدە ايتقان بولاتىن. ال، مەملەكەت باسشىسىنىڭ تاڭداۋى تۇسكەن «شەۆرون» العاشقى كۇننەن-اق سەنىمدى سەرىكتەس ارىپتەس ەكەندىگىن كورسەتتى.

ال بۇگىندە ەڭ ەڭسەسىن كوتەرىپ، دەربەس مەملەكەتىمىزگە 25 جىل تولعان كەزەڭدە ەلباسىنىڭ مۇحيتتىڭ ار جاعىنا ٴوزى ساپارعا شىعىپ، سونداعى كەن ورىندارىمەن جەكە تانىسقانداعى ماقساتى – سەنىمدى ارىپتەس ىزدەۋ ەكەندىگىنە، جانە قاتەلەسپەگەنىنە كۋا بولدىق. ٴقازىر بىرلەسكەن كومپانيا ۇلتتىق ەكونوميكامىزعا ەلەۋلى ۇلەس قوسۋىمەن قاتار، ەكولويالىق تەپە-تەڭدىلىكتى ساقتاۋ، جەرگىلىكتى حالىق الدىنداعى الەۋمەتتىك جاۋاپكەرشىلىك ماسەلەسىنە جەتە ٴمان بەرىپ، قوماقتى قاراجات قۇيىپ وتىرعان ٴىرى كاسىپورىنداردىڭ ٴبىرى. كەزىندە «عاسىر كەلىسىمى» اتالعان بۇل جوبا الەمدەگى ەڭ تانىمال كومپانيالاردىڭ قاتارىندا.

بىرلەسكەن كاسىپورىندا قازىرگى تاڭدا مۇناي مەن گازدى كەشەندى دايىندايتىن 2 ٴىرى زاۋىت جۇمىس ىستەپ تۇر. ەندى ٴۇشىنىشى زاۋىت سالۋ ماقساتىنداعى جاڭا جوبالارعا 36،8 ملرد. اقش دوللارى كولەمىندە ينۆەستيسيا سالىپ وتىر. ارينە بۇل قاراجاتتىڭ قايتارىمى بولارىنا مەملەكەت تە، ينۆەستور دا، ماماندار دا سەنىپ وتىر.

«قازىرگى تاڭدا وندىرەتىن مۇناي كولەمى 26-27 ملن توننا جىلىنا بولاتىن بولسا ٴبىز تاعىدا 12 ملن تونناعا كوبەيتەمىز. سوندا ەسەپتەپ قاراعاندا بۇل جوبا ىسكە اسقاننان كەيىن ٴبىزدىڭ جوسپارىمىز جىلىنا 38-39 ملن توننا ٴوندىرۋ. ٴقازىر ٴۇشىنشى زاۋىتتىڭ قۇرىلىسىندا 11 مىڭ ادام جۇمىس ىستەپ جاتىر. جوبا قۇرىلىسى قىزعان كەزدە 20 مىڭ جاڭا جۇمىس ورنى شاىلاتىن بولادى»،- دەيدى قازاقستان-اقش بىرلەسكەن كاسىپورنىنىڭ ۇكىمەت جانە بۇقارامەن بايلانىس ٴبولىمىنىڭ باس مەنەدجەرى رزابەك ارتىعاليەۆ.

جاڭا جوبا بويىنشا كەن ورنىنان العاشقى مۇناي الۋ 2022 جىلعا جوسپارلانعان. سونىڭ ناتيجەسىندە تەڭىزدە مۇناي ٴوندىرۋ تاۋلىگىنە 260 مىڭ باررەلگە ارتادى. نەمەسە جىلىنا 38-39 ملن. توننانى قۇرايدى. شارىقتاۋ شەگىندە بۇل كورسەتكىش تاۋلىگىنە 900 مىڭ باررەلگە جەتەدى. قازاقستان حالىقارالىق ٴىرى كومپانيالاردىڭ مۇندا ينۆەستيسيا سالىپ، ەش الاڭسىز جۇمىس جاساۋىنا بولاتىندىعىن تاعى دا دالەلدەدى. ەلباسىنىڭ كوزدەگەن باعىتى مەن ۇستانعان ساياساتى دا وسى بولاتىن. وسى ورايدا «تەڭىزشەۆرويل» كومپانياسىنىڭ ۇزاق جىلدارعا مەجەلەنگەن تاعى ٴبىر ٴىرى جوبانى قولعا الۋى – مەملەكەت باسشىسىنىڭ ينۆەستورلارعا قولايلى احۋال جاساۋ تۋرالى تاپسىرماسىنىڭ ناقتى جۇزەگە اسىرىلۋى دەپ باعالاۋعا بولادى.

ەلباسى، نۇرسۇلتان نازاربايەۆ: «قازاقستان وزىندە بار كومىرسۋتەگى شيكىزاتىنىڭ مول قورىمەن الداعى ۋاقىتتا الەمدەگى «قارا التىندى» ەڭ كوپ وندىرەتىن الدىڭعى قاتارلى بەس ەلدىڭ قاتارىنا كىرمەكشى. بۇگىندە قازاقستاندىق گەولوگ-عالىمدار رەسپۋبليكادا ٴالى دە يگەرىلمەگەن قىرۋار كەنىش بار ەكەنىن دالەلدەدى. ولاردى كادەگە اسىرۋ – كەلەر كۇننىڭ ۇلەسى»- دەگەن بولاتىن.

يا، پرەزيدەنت بولجامى اينىماي كەلدى. بۇگىندە جەر قويناۋىن يگەرۋشى بىرلەسكەن كاسىپورىن 1993 جىلدان بەرى 20،8 ملرد. اقش دوللارىنان استام قارجىعا قازاقستاندىق سەرۆيستىك كومپانيالاردىڭ قىزمەتى مەن قازاقستاندا شىعارىلعان تاۋاردى تۇتىنعان، بۇل دا وتاندىق كاسىپورىنداردىڭ دامۋىنا ۇلەس قوسىپ وتىر. سونىمەن كومپانيادا جۇمىس ىستەيتىن قازاقستاندىق ماماندار شەتەلدەردە ٴبىلىم الىپ، ٴوز ٴىسىن جەتىك بىلەتىن وتاندىق ينجەنەرلەر قۇرامى جاساقتالدى. ٴقازىر كومپانيا قىزمەتكەرلەرىنىڭ 85 پايىزى وتاندىق جوعارى ساناتتاعى ماماندار. بىرىككەن كاسىپورىننىڭ وتاندىق ەكونوميكاعا قوسار ۇلەسى الداعى ۋاقىتتا دا مولايا تۇسپەك. سەرىكتەستىكتىڭ تاعى ٴبىر باسىمدىلىعى الەۋمەتتىك سالاعا كومەگى. كومپانيا «يگىلىك» الەۋمەتتىك ينفراقۇرىلىم باعدارلاماسى بويىنشا بيىل وڭىرگە قاجەتتى مەكتەپ، بالاباقشا جانە باسقا دا نىساندار قۇرىلىسىنا 25 ملن، وعان قوسىمشا دەنساۋلىق ساقتاۋ، ٴبىلىم بەرۋ سالاسىنىڭ ساپاسىن كوتەرۋ ماقساتىندا الەۋمەتتىك ينۆەستيسيالىق باعدارلاما جاساپ وعان 1 ملن اقش دوللارى كولەمىندە قارجى ٴبولدى. ال جاڭا جوبا قۇرىلىسىنا قاتىسۋعا 1600 گە جۋىق قازاقستاندىق كاسىپورىن ينۆەستورلاردىڭ تاڭداۋىنان وتكەن. ٴقازىر كەن الاڭىنىڭ باسىندا نەگىزگى ينفراقۇرىلىمدى سالۋ جونىندە دايىندىق جۇمىستارى ٴجۇرىپ جاتىر. مەملەكەت باسشىسىنىڭ تىكەلەي ارالاسۋىمەن جۇزەگە اسىرىلعان عاسىر جوباسى 25 جىلدا وسىنداي بەلەسكە كوتەرىلدى. الداعى ۋاقىتتا دا بىرلەسكەن كاسىپورىن الەمدىك دەڭگەيدەگى الىپ جوبانىڭ بىرەگەيى بولا بەرمەك.

اۆتور: ايدوس ٴشارىپحان ۇلى

فوتو- «تەڭىزشەۆرويل» كومپانياسىنىڭ مۇراعاتىنان الىندى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي