BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

تاتيانا سكوروبوگاتوۆا: مەدبيكە بولۋ ٴۇشىن ٴتوزىم كەرەك

فوتو: Автор

قازىرگى قوعامدا مەدبيكە بولۋ سۇرانىسقا يە ماماندىقتىڭ بىرىنە اينالىپ وتىرعانى جاسىرىن ەمەس. بۇل كاسىپتى تاڭداعانداردىڭ ارقالاعان جاۋاپكەرشىلىگى مەن اتقاراتىن جۇمىسى دا ٴبىر باسىنا جەتىپ ارتىلادى. وسى مەدبيكەلەر ناۋقاستىڭ اۋرۋحاناعا كەلگەن ساتىنەن باستاپ، دەرتىنەن ساۋىققانشا بايەك بولاتىنى تاعى بار. ٴدال وسىنداي ماماننىڭ ٴبىرى – قوستانايدىڭ ىرگەسىندەگى قاشار قالالىق اۋرۋحاناسىندا بەيىندىك كابينەتىنىڭ مەدبيكەسى بولىپ جۇمىس ىستەيتىن تاتيانا سكوروبوگاتوۆانى ايتۋعا بولادى، دەپ حابارلايدى baq.kz ايماقتاعى ٴتىلشىسى.

كەيىپكەرىمىز قاشار ورتا مەكتەبىندە مەديسينا قىزمەتكەرى رەتىندە 1990 جىلدان بەرى جۇمىس ىستەپ كەلەدى. 1981 جىلى رەسەيدىڭ قورعان وبلىسىنداعى مەدۋچيليششەنى فەلدشەر ماماندىعى بويىنشا ٴبىتىرىپ، 5 جىل سول جەردەگى فەلدشەرلىك-اكۋشەرلىك پۋنكتتە جۇمىس ىستەدى. ٴقازىر قاشار قالالىق اۋرۋحاناسىندا دا ابىرويلى قىزمەت اتقارۋدا.

ال كەلەسى جىلى بەينەتىنىڭ زەينەتىن كورمەك. ال ازىرگە بار كۇش-جىگەرىن ٴوزىنىڭ سۇيىكتى ىسىنە ارناۋدان شارشاماق ەمەس. تاتيانا ۆەنيامينوۆنانىڭ ايتۋىنشا، مەدبيكەلەردىڭ جۇمىسى ۇلكەن جاۋاپكەرشىلىكتى تالاپ ەتەدى.

«دارىگەر ناۋقاستى تەكسەرىپ، تاعايىنداۋىن جازىپ بەرگەن سوڭ، ٴارى قاراي بار جۇمىستى مەدبيكە ورىندايدى. ەكپە جۇمىستارىن بەرىپ، ٴدارىسىن ۋاقىتىلى بەرەدى، جالپى ٴحالىن نازاردان تىس قالدىرمايدى. كۇنى-تۇنى ناۋقاسقا قارايتىن مەدبيكەلەر عوي. جاقسى ٴسوز جانعا داۋا بولعاندىقتان، ەم-دومعا كىرىسپەس بۇرىن ناۋقاستىڭ كوڭىل-كۇيىن كوتەرەتىن جىلى سوزدەر ايتامىن. جاس مەدبيكەلەرگە دە ٴاردايىم بۇل تۋرالى ايتىپ وتىرامىن. اۋرۋحانانىڭ جۇمىسى وتە قيىن. كۇن سايىن نەشە ٴتۇرلى دياگنوزبەن تۇسكەن ناۋقاستاردى كورۋگە تۋرا كەلەدى. وتادان سوڭ اۋىر حالدە جاتقان ناۋقاستارعا ەرەكشە كۇتىم قاجەت. كەيبىر مەدبيكەلەردىڭ ٴتوزىمى جەتپەي، اۋىسىپ كەتكەن جاعدايلار بولدى»، – دەيدى تاتيانا سكوروبوگاتوۆا.

ناۋقاس شىن پەيىلمەن قاراۋدى، جاناشىرلىقتى قاجەت ەتەدى، سوندىقتان مەدبيكەلەر ٴوز ٴىسىن سۇيە ٴبىلۋى جانە جۇمىستاعى بار اۋىرتپالىقتى كوتەرە ٴبىلۋى كەرەك. وسىنىڭ بارلىعى دا مەدبيكەنىڭ بويىنان تابىلۋى ٴتيىس قاسيەتتەر.

كەيىپكەرىمىز كەي جاعدايلاردا اق حالاتتىلاردىڭ ەمى قونباي، ناۋقاستاردىڭ ٴوز دەرتىمەن بەتپە-بەت قالعان ساتتەرىندە ولارمەن بىرگە جانى اۋىراتىنىن ايتادى.

«اۋرۋى ابدەن مەڭدەگەن ناۋقاستاردى جىلى سوزبەن دە جۇباتا المايتىن ساتتەرىمىز بولادى. اۋىر دەرتىنە مويىنسۇنعان، تاعدىردىڭ جازعانىنا كونگەن پاسيەنتتەرگە كومەك قولىن سوزۋعا دارمەنسىز بولاتىن كەزدەرىمىز دە بولادى. حالىق اراسىندا «دەنساۋلىقتى ساتىپ الا المايسىڭ» دەپ تەگىن ايتىلماسا كەرەك. وعان ٴوزىم قانشاما رەت كۋا بولدىم، سوندىقتان قۇدايدان وتباسىمنىڭ اماندىعىن، ٴىزىمدى قۋعان قىزىم مارينا مەن كىشكەنتاي جيەنىم سوفيانىڭ دەندەرىنىڭ ساۋ بولۋىن تىلەپ جۇرەمىن، – دەيدى تاتيانا سكوروبوگاتوۆا.

قاشار اۋرۋحاناسىندا كۇن سايىن دەرتىنە شيپا سۇراعان سان قيلى تاعدىرلار توعىسادى. بارلىعىن بىرىكتىرەتىن تەك ٴبىر عانا نارسە بار. ول – ەرتەرەك ساۋىعىپ، وتباسىنا ورالۋ.

ال تاتيانا ۆەنيامينوۆناسەكىلدى بىلىكتى مەبديكەلەر ادەتتەگىدەي، دارىگەرلەرمەن قاتار، كۇنى-تۇنى وزدەرىنە مىندەتتەلگەن جۇمىستى ابىرويمەن اتقارىپ ٴجۇر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي