BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

شقو ۇلان اۋدانىنىڭ 90 جىلدىعى تويلانادى

فوتو: Скриншот

قىركۇيەكتىڭ 21-22 كۇندەرى شىعىس قازاقستان وبلىسىندا ۇلان اۋدانىنىڭ 90 جىلدىق مەرەيتويى اتالىپ وتەدى. ۇيىمداستىرۋ كوميتەتىنىڭ حابارلاۋىنشا، شارا اياسىندا عىلىمي-تانىمدىق كونفەرەنسيالار مەن سپورتتىق ويىندار، شوۋ باعدارلامالار وتكىزۋ كوزدەلگەن، دەپ حابارلايدى baq.kz اقپارات اگەنتتىگى.

قىركۇيەكتىڭ 21-كۇنى وسكەمەن قالاسىنداعى د. سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە شەجىرەلى اۋداننىڭ تاريحىن زەردەلەۋگە ارنالعان عىلىمي كونفەرەنسيا وتپەك. سول كۇنى شىعىس قازاقستان وبلىستىق دراما تەاترىندا ۇلان اۋدانىنىڭ 90 جىلدىعىنا وراي مەرەكەلىك كەش وتەدى. كەشكە ەلوردانىڭ ق. قۋانىشبايەۆ اتىنداعى تەاتر تارلاندارى، بەكبولات بايساعاتوۆ، ەستاي مۇقاشەۆ سەكىلدى ونەرپازدار قاتىسادى.

قىركۇيەكتىڭ 22-كۇنى وسكەمەن اتشابارىندا الامان بايگە، كوكپار، اۋدارىسپاق سەكىلدى ۇلتتىق سپورت تۇرلەرىنەن ٴدۇبىرلى سايىستار وتكىزىلەدى. الامان بايگەنىڭ باس جۇلدەسىنە اۆتوكولىك تىگىلگەن. سونىمەن قاتار، ۇلان اۋدانىنىڭ داڭقتى تۇلعاسى، قازاق ٴسسر-نىڭ ەڭبەك سىڭىرگەن جاتتىقتىرۋشىسى مەلس ناريمانوۆ اتىنداعى ەركىن كۇرەستەن رەسپۋبليكالىق ٴتۋرنيردىڭ اقتىق كەزەڭدەرى وتەدى. تاعى ٴبىر اتاپ وتەرلىگى، العاش رەت ۇلان جەرىندە رەگبي ويىن ۇلگىسى كورسەتىلمەك.

كەشكە ٴدۇيىم جۇرتقا ارنالعان مەرەكەلىك گالا كونسەرت وتكىزىلەدى. اتالمىش كونسەرتكە سەيفۋللين جولبارىس، ايگۇل يمانبايەۆا، «الاش ۇلى» توبى سەكىلدى بەلگىلى ەسترادا جۇلدىزدارى قاتىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي