USD 334.89 EUR 361.61 RUB 5.28
استانا:

مەتاللۋرگتەن مەملەكەت باسشىسىنا دەيىنگى ەلباسى ومىرىنە ساياحات ارنايى تاپسىرما

فوتو: автордікі

قازاقستان رەسپۋبليكاسى تاۋەلسىزدىگىنىڭ 20 جىلدىعى قارساڭىندا تەمىرتاۋ قالاسىندا تۇڭعىش پرەزيدەنت اتىنداعى تاريحي-مادەني ورتالىق اشىلعان بولاتىن. بۇگىندە اتالعان ورتالىق تەك قاراعاندى وڭىرىنە عانا ەمەس، رەسپۋبليكا جۇرتشىلىعىنا تانىمال كەشەنگە اينالدى، دەپ جازادى baq.kz اگەنتتىگىنىڭ قاراعاندىداعى ٴتىلشىسى.

تەمىرتاۋدىڭ تورىندە ورىن تەپكەن كەشەن الىستان كوزگە بىردەن تۇسەدى. قازاقتىڭ كيىز ٴۇيىنىڭ ديزاينىنا ۇقساستىرىپ سالىنعان عيماراتتىڭ تابالدىرىعىن اتتاعاندا ەڭ ٴبىرىنشى بايقاعانىمىز، سىرتقى ساۋلەتى كەلىسكەن كەشەننىڭ ٴىشى دە كوز تويدىرارلىقتاي ادەمى ەكەن. ورتالىق قىزمەتكەرلەرى دە قوناقجايلىلىعىمەن بىردەن كەلۋشىلەردى وزىنە باۋراپ اكەتتى.

«ەكى قاباتتى عيماراتتىڭ ٴبىرىنشى قاباتىندا مادەني-كوپشىلىك جانە قوعامدىق-ساياسي ٴىس-شارالاردى وتكىزۋگە ارنالعان زالدار ورنالاسقان. مۇندا كونسەرتتەر، فورۋمدار وتكىزىلىپ، بەينەفيلمدەر كورسەتىلەدى. كونفەرەنس زالدا عىلىمي كونفەرەنسيالار، سەزدەر، ماجىلىستەر، سونىمەن بىرگە مەملەكەتتىك باعدارلامالاردى، ۇلتتىق جانە الەمدىك مادەنيەتتى ناسيحاتتايتىن شارالار وتكىزىلەدى. كىتاپحانادا قر تۇڭعىش پرەزيدەنتىنىڭ ٴومىرى مەن قىزمەتى تۋرالى اقپارات بەرەتىن كىتاپتار جيناقتالعان. سونىمەن قاتار، كىتاپحانا قورىندا تاۋەلسىز قازاقستاننىڭ قۇرىلۋى، قالىپتاسۋى جانە دامۋ جولدارىن اشىپ كورسەتەتىن ن.ٴا.نازاربايەۆتىڭ اۆتورلىعىنداعى كىتاپتار قويىلعان. نۇرسۇلتان نازاربايەۆتىڭ قازاقستان رەسپۋبليكاسىن تاۋەلسىز مەملەكەت رەتىندە قۇرۋ مەن دامىتۋداعى ٴرولىن اشىپ كورسەتۋدى ماقسات تۇتاتىن ورتالىقتا ەلباسىمىزدىڭ ٴومىر جولى مەن تەمىرتاۋ قالاسىنىڭ تاريحىنان سىر شەرتەتىن قۇندى مۇرالار جيناقتالعان»، - دەپ تانىستىردى ورتالىق ديرەكتورىنىڭ نەگىزگى ىستەر جونىندەگى ورىنباسارى ٴنازيرا ٴىلياسوۆا.

ورتالىقتىڭ ەكىنشى قاباتىندا ەكسپوزيسيالىق التى زال بار. بۇل زالدار ەڭ جاڭا شىعارماشىلىق جانە تەحنيكالىق شەشىمدەردى قولدانىپ جابدىقتالعان. مۇراجايعا كەلۋشىلەر ٴاربىر زالدا ورنالاسقان touch screen ەلەكتروندىق باعانالارى ارقىلى ەكسپوناتتار جايلى تولىق اقپارات پەن قوسىمشا فوتو، بەينە ماتەريالداردى كورە الادى ەكەن.

«تاۋەلسىز قازاقستان» دەپ اتالاتىن ٴبىرىنشى زالدا استانانىڭ ماكەتى ورنالاسقان. ماكەتتە ەلوردامىزدىڭ كوزتارتار ورىندارىنىڭ، بىر-بىرىنە ۇقسامايتىن عيماراتتارىنىڭ كىشىرەيتىلگەن نۇسقالارىن كورۋگە بولادى.

«ٴوز زامانىنىڭ پەرزەنتى» زالىندا ەلباسىنىڭ بالالىق شاعى، جاستىق شاعى جانە وتباسى جايىندا ايتىلىپ، تۇلعانىڭ جاقىندارى مەن تۋىستارى اراسىندا قالىپتاسۋ كەزەڭى بەينەلەنەدى. مۇندا ەسىمدەرى كۇمىس جانە التىن جىپپەن كەستەلەنگەن نۇرسۇلتان نازاربايەۆتىڭ شىققان تەگىنىڭ شەجىرەسى قويىلعان. وسى زالدا ەلباسىنىڭ ومىرىنە ماڭىزدى اسەرىن تيگىزگەن عيماراتتاردىڭ ماكەتتەرىن كورۋگە بولادى.

«تۇلعانىڭ ەرەن قابىلەتى» زالىندا قر پرەزيدەنتى نۇرسۇلتان نازاربايەۆ ەڭبەك جولىن باستاعان «قازاقستان ماگنيتكاسىنىڭ» تاريحى كورسەتىلگەن. مۇندا قازاقستان ماگنيتكاسىنىڭ قۇرىلىسى، زاۋىت سالۋ يدەياسىنان باستاپ، مەتاللۋرگيالىق كومبينات جۇمىسىن تولىق ٴوندىرىس سيكلىنا شىعارۋعا دەيىنگى كەزەڭدى كورۋگە بولادى.

ال مەتاللۋرگيا ٴوندىرىسىنىڭ جۇمىسىن بەينەلەيتىن «قازاقستاننىڭ قۇرىش كەلبەتى» زالىندا مەتاللۋرگيا كومبيناتىنىڭ مىڭداعان ەسە كىشىرەيتىلگەن نۇسقاسى سالىنعان. بۇل زالداعى كورسەتىلگەن سەحتار، قۇرال-جابدىقتار، زالدىڭ جارىقتاندىرىلۋى، ٴتىپتى ەدەنى مەن توبەسى دە تۋرا مەتاللۋرگيا كومبيناتتاعىداي دەپ سەندىردى ورتالىق قىزمەتكەرلەرى.

«ۋاقىت اعىمى» زالىندا نۇرسۇلتان نازاربايەۆتىڭ پارتيا كوشباسشىسىنان قر تۇڭعىش پرەزيدەنتىنە جەتكەنگە دەيىنگى 20 جىل ٴومىرى تۋرالى اڭگىمەلەنسە، «قازاقستان جولى» كورمە زالىندا تاۋەلسىز قازاقستاننىڭ 20 جىل بويى قالىپتاسۋى تۋرالى مالىمەتتەر ۇسىنىلعان. سونىمەن قاتار، ۇلكەن ەكران ارقىلى ەلىمىزدىڭ بارلىق وبلىستارى تۋرالى اقپارات الۋعا مۇمكىندىك بار.

ورتالىق ديرەكتورى سايدا سارگيزوۆانىڭ ايتۋىنشا، مادەنيەت جانە ونەر نىسانى رەتىندە ورتالىق قازاقستاندىقتاردىڭ، اسىرەسە وسكەلەڭ ۇرپاقتىڭ، پاتريوتتى بولۋىنا ات سالىسادى.

«تۇڭعىش پرەزيدەنتتىڭ تاريحي-مادەني ورتالىعى ۇلت كوشباسشىسىنىڭ جارقىن ٴومىرى مەن قىزمەتى ۇلگىسىندە ازاماتتاردى، اسىرەسە جاستاردى پاتريوتيزمگە، قازاقستان حالقىنىڭ اۋىزبىرشىلىگىن ساقتاۋعا، ۇلتتىق قۇندىلىقتاردى دارىپتەۋگە، بۇكىلقازاقستاندىق مادەني كەڭىستىكتى دامىتۋعا شاقىرادى. سونداي-اق قازاق ۇلتتىق مادەنيەتىن ناسيحاتتاي وتىرىپ، قازاقستاننىڭ تاريحي-مادەني مۇراسىن كوپشىلىككە تانىتۋعا سەپتىگىمىزدى تيگىزگىمىز كەلەدى»، - دەيدى س.سارگيزوۆا.

تۇڭعىش پرەزيدەنتتىڭ تاريحي-مادەني ورتالىعىندا دا ەلباسىنىڭ وتكەن عاسىردىڭ 60-80 جىلدارى ارالىعىنداعى جاس جۇمىسشى، مەتاللۋرگتەن مەملەكەت باسشىسىنا اينالۋى مەن وسىپ-جەتىلۋىن كورسەتەتىن كوپتەگەن قۇجاتتىق دەرەكتەر، فوتوسۋرەتتەر، جازبا جانە بەينەتاسپالار جيناقتالعان. بۇل مۇراعاتتى جيناستىرۋعا ەلباسىنىڭ وزىمەن بىرگە جۇمىس جاساعان، وقىعان قىزمەتتەس دوستارى كوپتەپ كومەك كورسەتكەن دەيدى مۇراجاي قىزمەتكەرلەرى.

مۇراجايداعى تاعى ٴبىر قىزىقتى ەكسپوزيسيا رەتىندە ن.نازاربايەۆقا سىيلانعان كادەسىيلاردى ايتۋعا بولادى. مۇندا وزبەكستان، رەسەي، ٴۇندىستان، قىرعىزستان جانە ت.ب. ەلدەردىڭ ەلباسىمىزعا سىيلاعان سىيلىقتارى قويىلعان. ولاردىڭ كوبى قولدان جاسالعان بۇيىمدار. مۇراجايدا ەرەكشە كوزگە تۇسەتىن تاعى ٴبىر زات – جاس نۇرسۇلتاننىڭ ٴوزى قولدانعان شاحمات. مۇراجاي قىزمەتكەرىنىڭ ايتۋىنشا، تاريحي-مادەني ورتالىققا شاحماتتى ن.نازاربايەۆتىڭ قۋرستاسى سىيلاعان.

«ەلباسىمەن ٴبىر كۋرستا وقىعان ۆيكتور نيكونوۆ وسى شاحماتتى ورتالىققا اكەلىپ تابىستاعان بولاتىن. ول كىسىنىڭ ايتۋىنشا، ستۋدەنتتىك كەزەڭدە نۇرسۇلتان ٴابىش ۇلى وسى شاحماتپەن تالاي ويناعان. بۇل جەردە سونداي-اق دومبىرا مەن گارمون تۇر. ەلباسىمىز دومبىرا مەن گارمونعا وسى جەردە، تەمىرتاۋدا ۇيرەنگەن»، - دەيدى ەكسكۋرسيا جەتەكشىسى قۋانىشتىنىبەك ۇلى.

سۋرەتتەر اۆتوردىكى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي