BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

قازاقستان پوشتاسىنىڭ 25 جىلدىعىنا ارنالعان پوشتالىق ماركالارعا ارنايى بەلگى قويىلدى

فوتو: Нұржас Жақсыбай

بۇگىن 9 قازاندا بۇكىلالەمدىك پوشتا كۇنىندە اقپارات جانە كوممۋنيكاسيالار مينيسترلىگى مەن «قازپوشتا» اق بىرلەسە قازاقستان پوشتاسىنىڭ 25 جىلدىعىنا ارنالعان مەرەيتويلىق جانە اتاۋلى كۇندەر سەرياسىنان تۇراتىن پوشتالىق ماركالارعا ارنايى بەلگى قويۋ سالتاناتىن ۇيىمداستىردى، دەپ حابارلايدى baq.kz ٴتىلشىسى.

سالتاناتتى راسىمگە اقپارات جانە كوممۋنيكاسيالار ٴمينيسترى داۋرەن ابايەۆ قاتىستى.

«قۇرمەتتى پوشتا قىزمەتكەرلەرى، ەڭ الدىمەن سىزدەردى، وتباسىلارىڭىزدى بۇگىنگى پوشتا كۇنىمەن شىن جۇرەكتەن قۇتتىقتايمىن. 25 جىل مەرەيتويلارىڭىز قۇتتى بولسىن. بۇگىن مەن بىلەتىندەي دۇنيەجۇزىلىك پوشتا ۇيىمىنىڭ دا كۇنى، سوندىقتان دا بارلىقتارىڭىزعا تەك جاقسىلىق، تابىس، جۇمىستارىڭىز ٴارقاشان دا وڭ بولسىن دەپ تىلەيمىن»، - دەدى ابايەۆ.

مينيستر «قازپوشتا» قىزمەتكرەلەرىن قۇتتىقتاي وتىرىپ، ۇيىم الدىندا سيفرلاندىرۋ مىندەتى تۇرعانىن اتاپ ٴوتتى.

«سىزدەردىڭ تاريحتارىڭىز، داستۇرلەرىڭىز وتە باي. سىزدەر سەكىلدى ەلىمىزدىڭ بارلىق بۇرىشىندا مەكەمەسى بار ۇيىم كوپ ەمەس. 25 جىل ىشىندە ۇلكەن جۇمىس ىستەدىڭىزدەر. ۋاقىت تالابىنا دا ساي وزگەردىڭىزدەر. ٴقازىر الدىمىزدا سيفرلاندىرۋ مىندەتى تۇر. سىزدەر دە سوعان ساي تابىستى وزگەرىپ جاتىرسىزدار. سالەمدەمەلەرىنىڭىز ٴوز ۋاقىتىندا جىبەرىلىپ، كورسەتكىشتەرىڭىز تەك جوعارى بولسىن»، - دەپ ايتتى اقپارات جانە كوممۋنيكاسيالار ٴمينيسترى داۋرەن ابايەۆ.

«قازپوشتا» اق باسقارما ٴتوراعاسى ساكەن سارسەنوۆ ۇيىمدا جۇمىس ىستەيتىن 23 مىڭ قىزمەتكەردى بۇگىنگى مەرەكەمەن قۇتتىقتادى.

«بۇگىن دۇنيەجۇزىلىك پوشتا كۇنىندە اقپارات جانە كوممۋنيكاسيالار مينيسترلىگى قازپوشتا اق-پەن بىرلەسىپ، قازاقستان پوشتاسىنىڭ 25 جىلدىق مەرەيتويىنا ارنالعان پوشتا ماركالارى بلوگىن اينالىمعا شىعارۋعا دايىن. 4 ماركادا قازاقستان پوشتاسىنىڭ جارقىن بەتتەرى بەينەلەگەن. بۇل تاۋەلسىز قازاقستاننىڭ تۇڭعىش ماركاسى – «التىن سارباز»، قازاقستانداعى ٴبىرىنشى پوشتا تەلەگراف ٴۇيى، پوشتانىڭ سوڭعى جەتىستىكتەرى بەينەلەنگەن جانە بولاشاق قازاقستاندىق پوشتانىڭ بالالار كوزىمەن كورسەتىلگەن ماركالارى. بۇگىن ەنگىزىپ وتىرعانىمىز ٴجاي عانا ماركالار ەمەس، ٴبىز ماقتانىش ەتەتىن نىشاندارىمىز. بۇگىن ٴبىز قوس مەرەكەنى دۇنيەجۇزىلىك پوشتا كۇنىن، ٴارى «قازپوشتانىڭ» 25 جىلدىعىن اتاپ ٴوتىپ وتىرمىز. مەن «قازپوشتانىڭ» 23 مىڭنان استام قىزمەتكەرىنىڭ ٴارقايسىسىن وسىناۋ ايتۋلى وقيعامەن قۇتتىقتايمىن. بولاشاقتا اتقاراتىن جۇمىستار كوپ، ولاردى ٴسىز بەن ٴبىز جۇمىلا اتقاراتىنىمىزعا سەنىمىم مول»، - دەپ قۇتتىقتادى «قازپوشتا» ٴتوراعاسى.

العىسوزدەردەن سوڭ اقپارات جانە كوممۋنيكاسيالار ٴمينيسترى داۋرەن ابايەۆ پەن «قازپوشتا» اق باسقارما ٴتوراعاسى ساكەن سارسەنوۆ ەكى ماركاعا بەلگى باسىپ، قولدارىن قويدى. سودان سوڭ 1977 جىلدان 2018 جىلدىڭ تامىز ايىنا دەيىن پوشتا سالاسىندا ۇزاق جىلدار بويى ايانباي ەڭبەك ەتىپ، وسى جىلى قۇرمەتتى ەڭبەك دەمالىسىنا شىققان، 2008 جىلى «استانا قالاسىنىڭ 10 جىلدىعىنا» جانە «قۇرمەتتى بايلانىسشى» توسبەلگىسىنە يە بولعان پوشتا سالاسىنىڭ ارداگەرى سۆەتلانا سۆەتوۆا جانە وسى سالادا ەڭبەك جولىن باستاعانىنا نەبارى ٴۇش اي بولعان جاس مامان الىشەر ساتىبالدين دا ماركاعا بەلگى سوعىپ، قول قولدارىن قويدى.

ايتا كەستەك، «قازپوشتانىڭ» 25 جىلدىعىنا وراي ارنايى 4 ماركا شىعارىلدى. ماركا كولەمى – 52ح36 مم، ماركانىڭ نومينالى - ليتەر s، قازاقستان اۋماعىندا 50 گرامعا دەيىنگى سالماقتاعى تاپسىرىستى حاتتىڭ تاريفىنە سايكەس كەلەدى.

فوتولاردىڭ اۆتورى: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي