USD 334.89 EUR 361.61 RUB 5.28
استانا:

قاراعاندىدا نازاربايەۆ وقۋلارى ٴوتتى

فوتو: автордікі

تەمىرتاۋ قالاسىنداعى تۇڭعىش پرەزيدەنت تاريحي-مادەني ورتالىعىندا ونلاين تۇردە وتكەن نازاربايەۆ وقۋلارىنا مەملەكەت باسشىسىنىڭ قىزمەتتەستەرى، ستۋدەنت جاستار مەن كىتاپحانا قىزمەتكەرلەرى قاتىستى، دەپ حابارلايدى baq.kz اگەنتتىگىنىڭ قاراعاندىداعى ٴتىلشىسى.

«نازاربايەۆ وقۋلارىنىڭ ماقساتى ەلباسىنىڭ جارقىن ٴومىرى مەن قىزمەتى ۇلگىسىندە جاستاردى ەڭبەكسۇيگىشتىككە، پاتريوتتىققا تاربيەلەۋ. حالقىمىزدىڭ تورقالى تويى – قازاقستان تاۋەلسىزدىگىنىڭ 25 جىلدىعى قارساڭىندا، تۇڭعىش پرەزيدەنت كۇنىنە وراي وتكىزىلگەن ونلاين تارتىبىندەگى رەسپۋبليكالىق نازاربايەۆ وقۋلارى – ەلىمىزدەگى مادەنيەت جانە ٴبىلىم وشاقتارىنىڭ ەلباسىنىڭ ٴومىرى مەن قىزمەتىن ناسيحاتتاۋ بويىنشا ىنتىماقتاستىقتاعى قىزمەتىن كورسەتەتىن ەلەۋلى وقيعا»، - دەيدى تۇڭعىش پرەزيدەنتتىڭ تاريحي-مادەني ورتالىعى ديرەكتورىنىڭ ورىنباسارى ٴنازيرا ٴىلياسوۆا.

تۇڭعىش پرەزيدەنت كۇنىنە ارنالعان رەسپۋبليكالىق نازاربايەۆ وقۋلارىنا ج.بەكتۇروۆ اتىنداعى قاراعاندى وبلىستىق جاسوسپىرىمدەر كىتاپحاناسى، قاراعاندى قالاسىنىڭ م.اۋەزوۆ اتىنداعى ورتالىق كىتاپحاناسى جانە باتىس قازاقستان وبلىسى ورال قالاسىنىڭ ح.ەسەنجانوۆ اتىنداعى بالالار مەن جاسوسپىرىمدەر كىتاپحاناسىنىڭ قىزمەتكەرلەرى قاتىستى.

«نۇرسۇلتان ٴابىش ۇلىنىڭ تاۋەلسىز ەلىمىزدى دامىتۋ باعىتىندا اتقارعان ىستەرى جاستار ٴۇشىن ۇلگى-ونەگە. مەملەكەت باسشىسىنىڭ ٴومىر جولىن ٴبىلۋ ارقىلى ٴبىز دە بولاشاققا ۇلكەن ۇمىتپەن قارايمىز. ەلىمىزدىڭ بولاشاعى ٴۇشىن جاسالىپ جاتقان ىستەرگە سەنىم ٴبىلدىرىپ، ۇلت كوشباسشىسىنىڭ ساياساتىنا قولداۋ بىلدىرگىمىز كەلەدى»، - دەيدى قاراعاندى يندۋستريالىق ۋنيۆەرسيتەتىنىڭ ستۋدەنتتەرى.

ٴىس-شارا بارىسىندا قاتىسۋشىلار مەملەكەت باسشىسىنىڭ قازاقستان 2050 ستراتەگياسىن، «نۇرلى جول – بولاشاققا باستار جول» جولداۋىن، «5 ينستيتۋسيونالدى رەفورمالاردى جۇزەگە اسىرۋ بويىنشا 100 ناقتى قادام» ۇلت جوسپارىنداعى جاستار ساياساتى تۋرالى پىكىرلەرىمەن ٴبولىستى.

ەلباسىنىڭ قىزمەتتەستەرى مەن ۇزەڭگىلەس دوستارى جاستارعا ن.ٴا.نازاربايەۆتىڭ ەڭبەكقورلىعى، بىلىمگە دەگەن قۇشتارلىعى جانە وتانسۇيگىشتىگى تۋرالى اڭگىمەلەپ بەردى. ستۋدەنت جاستار ٴوز كەزەگىندە مەملەكەت باسشىسىنىڭ ەلىمىزدىڭ كەلەشەگى بولعان وسكەلەڭ ۇرپاق ٴۇشىن اتقارىپ جاتقان يگى ىستەرىن اتاپ ٴوتتى.

سۋرەتتەر اۆتوردىكى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي