USD 334.89 EUR 361.61 RUB 5.28
استانا:

بۇگىن - قازاقستاننىڭ تۇڭعىش پرەزيدەنتى كۇنى

1991 جىلعى 1 جەلتوقساندا بۇكىلحالىقتىق سايلاۋ ناتيجەسىندە ەلىمىز ٴوزىنىڭ تۇڭعىش پرەزيدەنتىن سايلادى جانە وسى كۇننەن تاۋەلسىزدىك تاريحى باستالدى. 2011 جىلعى 14 جەلتوقساندا مەملەكەت باسشىسى «قازاقستان رەسپۋبليكاسىنداعى مەرەكەلەر تۋرالى» قازاقستان رەسپۋبليكاسىنىڭ زاڭىنا تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، وندا 1 جەلتوقساندا اتالىپ وتىلەتىن جاڭا مەملەكەتتىك مەرەكە - قازاقستان رەسپۋبليكاسىنىڭ تۇڭعىش پرەزيدەنتى كۇنىن بەلگىلەۋ كوزدەلگەن بولاتىن.

قازاق ەلىنىڭ تاۋەلسىزدىك العاننان بەرگى باعىندىرعان شىڭدارى جەتەرلىك.

تاريح ٴۇشىن قاس-قاعىم ٴسات بولعانىمەن 25 جىل ىشىندە بۋىنى ەندى بەكي باستاعان ەل الەمدىك دەڭگەيدەگى الپاۋىتتارمەن يىق تىرەستىرىپ، تىڭ باستامالارعا ۇيىتقى بولا الاتىندىعىن دا پاش ەتىپ وتىر. ونىڭ جارقىن دالەلى 11 جىلدىق توقىراۋدا بولعان ەقىۇ ٴسامميتىن جوعارى دەڭگەيدە ۇيىمداستىرىپ، ازيادا ويىندارىن وتكىزۋى، سونىمەن قاتار كوپتەگەن حالىقارالىق شارالارعا ۇيىتقى بولۋى، الداعى ۋاقىتتا ەحرو-2017 كورمەسىن وتكىزەتىندىگى دالەل بولا الادى. مىنە وسىنداي اۋقىمدى شارالاردىڭ باسى-قاسىندا جۇرگەن ەلباسى نۇرسۇلتان نازاربايەۆتىڭ ەڭبەگى ەرەن ەكەندىگى ٴسوزسىز. سوندىقتان دا 1 جەلتوقسان قازاقستان تۇڭعىش پرەزيدەنتى كۇنى مەرەكەسى كەڭىنەن اتالىپ ٴوتىلىپ كەلەدى.

ايتا كەتەرلىگى، تاڭداۋ بۇل كۇنگە تەگىننەن-تەگىن ٴتۇسىپ وتىرعان جوق. ەستە بولسا، 1991 جىلدىڭ 1 جەلتوقسان كۇنى تاۋەلسىز قازاق ەلىندە العاشقى پرەزيدەنتتىك سايلاۋ ٴوتىپ، وندا نۇرسۇلتان نازاربايەۆ حالىقتىڭ زور سەنىمىمەن، ياعني سايلاۋشىلاردىڭ 98،78 پايىز داۋىسىمەن جەڭىسكە جەتكەن ەدى.

دەرەك كوزى: قازاقپارات

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي