BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

اتىراۋدا قالا كۇنىنە وراي ۇيىمداستىرىلعان وت شاشۋدى 20 مىڭ كورەرمەن تاماشالادى

اتىراۋدا قالا كۇنىنە ۇيىمداستىرىلعان مەرەكەلىك شارالار ٴوز مارەسىنە جەتتى. قالا كۇنى مەرەكەسىنە وراي قازاقستان مەن رەسەي ەستراداسىنىڭ جۇلدىزدارىنىڭ قاتىسۋىمەن وتكەن گالا-كونسەرت 20 مىڭعا جۋىق كورەرمەن جينادى. حالىق الدىندا اتىراۋ قالاسىنىڭ اكىمى اليمۇحاممەد قۇتتۇمۇرات ۇلى قالا دامۋىنىڭ وڭ ديناميكاسىن اتاپ ٴوتتى، دەپ حابارلايدى baq.kz اقپارات اگەنتتىگى.

«بيىل اتىراۋدا رەكوردتىق تۇرعىن ٴۇي ، قالا ماڭىنداعى اۋىلدىق وكرۋگتەردە جاڭا جولدار سالىناتىن بولادى جانە بالاباقشالار مەن مەكتەپتەردىڭ قۇرىلىسى بەلسەندى جۇرگىزىلۋدە. كوشەنى جارىقتاندىرۋ بويىنشا جوبالار ىسكە اسىرىلىپ، قوعامدىق كولىك تۇجىرىمداماسى ەنگىزىلۋدە. قالادا شاعىن جانە ورتا بيزنەس سۋبەكتىلەرىن دامىتۋ ٴۇشىن بارلىق جاعدايلار جاسالىپ وتىر. بۇگىنگى كۇنى وتاندىق كومپانيالار مەن جەر قويناۋىن پايدالانۋشىلاردىڭ الەۋمەتتىك جاۋاپكەرشىلىگىنىڭ ارقاسىندا قالا كۇن سايىن كوركەيىپ كەلەدى. اتىراۋلىق بارشا تۇرعىنداردى قالا كۇنىمەن قۇتتىقتايمىن جانە سىزدەرگە جانە وتباسىلارىڭىزعا دەنساۋلىق پەن باقىت تىلەيمىن»، -دەدى اليمۇحاممەد قۇتتۇمۇرات- ۇلى.

سونىمەن قاتار ، وبلىس ورتالىعىندا الەۋمەتتىك جانە قايىرىمدىلىق جوبالاردى جۇزەگە اسىراتىن دەمەۋشى كومپانيالار مەن مەسەنات كاسىپكەرلەر ماراپاتتالدى. ەلباسىنىڭ "بولاشاقكا باعدار: رۋحاني جاڭعىرۋ" باعدارلامالىق ماقالاسىن جۇزەگە اسىرۋ اياسىندا كاسىپكەر يبراگيم اقدراشەۆ ، دەپۋتات الىبەك سەمعاليەۆ، "ٴومىر گۇلى" ٴانسامبلىنىڭ جەتەكشىسى تانىش جاكۋپوۆا، "كتك جانە ك" كومپانياسىنىڭ جانە «wheels brothers» موتوكلۋبىنىڭ وكىلدەرى ٴتۇرلى نوميناسيالاردا ماراپاتتالدى.

كورەرمەندەر الدىندا ايماقتىڭ جەرگىلىكتى شىعارماشىلىق ۇجىمدارى، سونداي - اق، قازاقستاندىق جانە رەسەيلىك ەسترادا جۇلدىزدارى - ٴمادينا ٴسادۋاقاسوۆا، رايم مەن ارتۋر، natan جانە mband ونەر كورسەتتى. مەرەكە سوڭىندا 20 مىڭعا جۋىق كورەرمەن مۋزىكالىق وت شاشۋدى تاماشالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي