BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

الماتىلىقتار قالا كۇنىن قالاي اتاپ وتەدى

الماتىدا قالا كۇنى جىل سايىن قىركۇيەك ايىنىڭ ٴۇشىنشى جەكسەنبىسىندە ٴداستۇرلى تۇردە اتاپ وتىلۋدە، بيىل ول 16 كۇنگە كەلىپ تۇر، دەپ حابارلايدى baq.kz اقپارات اگەنتتىگى.

قالا تۇرعىندارى مەن قوناقتارى ٴۇشىن 2018 جىلدىڭ 16 قىركۇيەگى قانداي ەستەلىكتەرىمەن ەستە قالادى؟

بىرىنشىدەن، قالادا «alma fest» الما فەستيۆالى وتەدى. ول بىردەن قالانىڭ بىرنەشە جەرىندە اتاپ وتىلەدى، ناقتىراق ايتقاندا قر ٴبىرىنشى پرەزيدەنتى ساياباعىندا، پانفيلوۆ كوشەسى بويىندا، almaty arena كەشەنىنىڭ الدىندا، جىبەك جولى كوشەسىندە، اباي جانە «استانا» الاڭدارىندا، ورتالىق مادەنيەت جانە دەمالىس ساياباعى مەن كوكتوبەدە.

مەرەكەلىك شارا وتەتىن جەردىڭ بارلىعىندا مۋزىكالىق قويىلىمدار قويىلىپ، جاستاردىڭ ٴبيى ورىندالادى.

قر ٴبىرىنشى پرەزيدەنتى ساياباعىندا وتەتىن باعدارلاماعا قىسقاشا توقتالساق. 16 قىركۇيەك كۇنى ول جەردە ەڭ ۇزىن قۇراق كورپە الەمدىك گيننەس رەكوردتار كىتابىنىڭجاڭا رەكوردىن ورناتاتىن بولادى. ونى شاھار تۇرعىندارى مەن ٴار ايماقتان كەلگەن قوناقتار تىككەن. ۇلتتىق كورپەنى تىگۋ ناۋرىز مەيرامىن تويلاۋ كەزىندە قولعا الىنعان.

ساياباققا كىرە بەرىستە ارتىستەر مەن لايف-بەندتەر ونەر كورسەتەدى جانە ٴار جەردە كەلۋشىلەردى ەلىتىپ اكەتەتىن بارابانشىلاردىڭ تەتارلاندىرىلعان پارادى وتەدى. سونداي-اق bimbi كوشە تەاترىنىڭ، سيرك جانە مەملەكەتتىك قۋىرشاق تەاترى ارتىستەرىنىڭ قاتىسۋىمەن ساحنالىق شوۋلار بولادى.

مەرەكەلىك شارا بارىسىندا سونداي-اق «مىڭ بوياۋلى قالا» كورمەسى ۇيىمداستىرىلىپ، وقۋشىلاردىڭ «مەنىڭ سۇيىكتى قالام» تاقىرىبىنداعى جۇمىستارى قويىلادى.

ساياباق ىشىندە قالانىڭ جاس سۋرەتشىلەرىنىڭ جاڭا جۇمىستارى قويىلادى. ارت نىساندار قالانىڭ ٴومىرىن، قوزعالىسى مەن دامۋىن كورسەتەتىن بولادى. ماسەلەن، «almatylik kitap» اتتى ەكى مەترلى كىتاپقا ٴار كەلۋشى ٴوزىنىڭ تىلەگىن جازۋ ارقىلى قالا تاريحىنا ٴىزىن قالدىرا الادى.

سونىمەن قاتار قولونەر شەبەرلەرىنىڭ جارمەڭكەسىندە تانىمال سۋرەتشى-رەستاۆراتور قرىم التىنبەكوۆتىڭ زەرگەرلىك بۇيىمدارى قويىلادى.

سونداي-اق كەلۋشىلەر قالا كۇنىنە ارنالعان فوتو بايقاۋلار مەن ٴتۇرلى مەرەكەلىك شارالاردى تاماشالايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي